اخوي ابو خديجة..

انا بصراحة غير متزوجة... ولكن لي باع طويل في التعامل مع الاطفال.. ماشاء الله عندي 4 اولاد اختي و3 بنات اخوي..
وكلهم في اعمار متقاربة.. واعمارهم من 12 الين 1 سنة واحدة..

لما يكونوا مع بعض تصير بينهم خناقات على الالعاب .. او الحلويات.. او حتى قناة سبيس تون والمجد....

واذا جاتني ريما تشتكي وتقولي ياعمتي خلودي ضربني او حمودي.. اقولها عيب .. هذا ولد عمتك..العبوا مع بعض ..

واروح لخلودي واقوله حبيبي انت الكبير مايصير تضربها... بعدين خالك بيزعل منك.. وانا مارح اكلمك اذا ضربتها ثاني ..

وهكذا معاهم كلهم.....

وكمان فيه..
بنات اخوي .. ريما عمرها 4 سنين .. واختها لمى 2 سنتين..

هم الاثنين مايتفقون مع بعض في البيت .. خير شر..

لكن اذا طلعوا برة.. تلاقيهم يتفقون على عيال الناس .. يحبون الاذية.. مو ضروري ضرب..يكفي تخلي الطفل الثاني يزعل وتضايقة بأي شكل من الاشكال ..

اذكر اخر مرة .. في تشيكي تشيز.. ريما غارت من بنت تلعب معاها . عشان شعرها طويل.. وريما شعرها قصير ...وصارت تدفها وماتبيها جنبها..
مسكت يد ريما وضربتها عليها. وقلت لها عيب ياماما .. مايصير كذا .. حبوه النونو حلو..

وسابتها في حالها..

لكن تحريض الطفل على ضرب طفل اخر اذا قام بأذيته هذا اكبر مشكلة في حد ذاتها..
لانها تنمي عند الطفل العدوانية والبطش.. يأخذ كل شيء بيده.. ويصير يتفرعن عالناس .. وشايف نفسه القوي.. الي الكل يخاف منه... وهذا خطا..

تقبل تحياتي ..
واسفة على الاطاله..

بس موضوعك عجبني .. وحبيت اشارك فيه..

المشاركة الأصلية كتبت بواسطة الفيلسوف سلسلة رائعة جداً جداً من أول موضوع فيها .... أشكرك على هذا الموضوع القيم والرائع جداً جداً ، ولي عودة للإجابة عن الأسئلة في الموضوع لاحقاً بإذن الله ... تحياتي ...