وأنا شخصيا لو زوجي بغى
يتزو ج مرة ثانيه أقسم بالله إن ماعندي مانع بس بشرط إنه ما يحط فيه عيوب وعذاريب وهو يكذب خلاص أنت رجل يحق لك الزواج وحلال عليك لاكن تطلع العيب والقصور مني أنا لاوالله إن ما أخليه يتهنى بحياته
ليش يشوه سمعتي وأنا قايمه بحقوقه وواجباته على أ كمل
وجه ويوم إنه يرو ح يخطب يبغى يتزو ج يسألونه وزوجتك وش فيها تبي تعرس عليها يقوم يطلع التقرير إللي جهزه في داخل نفسه إللي يطلعه أطيب وأحن الرجال وإنه ناقصه الراحة والشعور بالسعادة وإن زوجته مقصره بحقوقه ونكديه مسكين يا غلباه على حاله كم تعب معاها هاذي الزوجه وكم صبر عليها وعلى عيوبها الله يجزاه خير صبر عليها والحين طفح الكيل ويبغى يعرس إيه والله وهيه يا غافلين لكم الله لا وإللي يقهر زياده إن سالفة زواجه تنتشر ويقولون ليش فلان تزو ج على زوجته قالوا يقول إنها مقصرة بحقه وشايف منها الويل طيب يا أخي هاذي زوجتك وأم عيالك حتى لو فيها عيوب أستر عليها لاتفضحها يعني مافيه أحد بيزوجك بنته إلا تنشر غسيل زوجتك قدام الملأ
لا لا هاذي صعبه وماتنبلع أبد
إذا بغى زوجي يعرس الله يوفقه حقه أنا ما أعترض لاكن
لايمس سمعتي بشئ ولا يطلعني أنا إللي مقصرة بحقه والله يسعده ويهنيه في حياته لا وزياده بعض الرجال يمرض زوجته يقول مريضه ماعادت تقدر تقوم بحقوقي لا والله ربي يعافيني ليش يفاول عليه بالمرض وأنا بخير علشان يتزو ج .

فنصيحه إللي يبغى يعدد يوم يخطب يقول الصدق والصراحه
مو يحط الزينه فيه والشينه في زوجته .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

ههههههههههههههه.. ياحبيلك يابنت الحكمي..

أنتي تتصورين انه هذي الفئة من الرجال يسترجي يقولها أني تبليتك عند خلق الله عشان يعطوني بنتهم..
بيحش من ورا ظهرها .. وهي ياغافلين لكم الله..

أصلا لو كان الرجل يحمل كلمة الرجال وصفات الرجال مستحيل يذكر زوجته عند الناس اللي بيخطب منهم بسوء.. حتى لو كان فعلا فيها عيوب..

ولا اللي يخيط ويبيط اغسلي ايدك منه.

لكن الغريب انه أغلب الحريم مايقبلون الزواج من الرجل المستقر مع زوجته!!

إلا وتبي بينهم مشاكل .. ولا يقطع بزوجته عشان تقبل فيه ..

مدري هي تبي تأمل نفسها انها يكون لها هي وبس ولا شنو بالظبط ما أدري..!؟؟؟

ولما تنحط أمام الامر الواقع..
وتصير هي و زوجته اللي قطع فيها قبل لا يتزوجها نفس المكانه تنهبل !!!
وتنكد عيشتها.. وتبدي تشوف السلبيات !!

وتولول وهو وعدني.. وأنا تنازلت .. وأنا صبرت عليه.. وأنا ساعدته ..وأنا وأنا

ولما تجين تناقشينها هي نفسها ماتدري وش أساس المشكلة بالظبط..
تصير ماتدري وش تبي..

مرة تحط الغلط عليه.. مرة على أهله.. مرة على زوجته.. مرة على عياله ..
مرة تقول ما أتخيل انه في وحدة تشاركني فيه!!!
أنا غيورة .. ما أكنت أدري اني بحبه وووو الى مالانهاية..

وتكرهك بنفسها من كثر مشاكلها!!

اييييه الله يعين الرجال.. حنا واحد وزين قايمين بواجبه..
هم يحبون يزيدون مسؤولياتهم ومصاريفهم ووجع الراس بهواهم..
الحمد لله اللي بيعدد هم اللي بتزيد مشاكلهم مو حنا.. أصلا وش دخلنا فيهم..

__________________
سئلت اي الرجال تحبين؟؟
قلت : من اختلط عنده الحب والخوف علي..
عذرا- ليس هناك حب كحب ((أبــــــي))