|
|
21-05-2011, 02:07 PM
21-05-2011, 02:23 PM
21-05-2011, 05:33 PM
|
المشاركة الأصلية كتبت بواسطة روح الطير
أبلة جرين حبيبتي
ليه التشاؤم و الإحباط ..؟؟؟ إنت أكثر وحدة لازم نتعلم منها و ولدك حسن ، بس فترة إن شاء الله و بيرجع لك أحسن من قبل ^_^ ................................... عطر الحياة عملت نفس الطريقة اللي قلتي عنها ،. حتى إني أعارض الضرب و أدور عن أي عقاب يناسب ( الفعل ) بشرط إنه يكون فاهم ( إيش الغلط اللي غلطه ؟ ) أول مرة أفهمه و أشرح له .. لا تعمل كذا ، عشان كذا و كذا و أشرح له حبة حبة على قد سنه .. ثاني مرة ، أناديه و أخليه يشوف إيش عمل .. و أقول له ( شوف إيش عملت ؟؟؟ عشانك ماسمعت كلامي و أنا مو قلت لك قبل شوي ... إلخ ) فينزل راسه و يبتسم ابتسامة خبيثة ( يعني عارف نفسه غلطان ) ثالث مرة ، أعطيه ضربة على يده أو كتفه أو أقرصه بشوييييش ( بس تراه مو ضرب و لا قرص ) مو عشان كذا زوجي يقول ( ما بيسمع كلامك لإنك ما تضربيه ضرب حقيقي ) . . و هذاك اليوم خليته يجمع القطع الكبيرة للخبز - زي ما قلتي - بس قمت و عملت نفسي أساعده لإنها كانت مرة كثيرة ، و ما عطيته العصير إلا بعد ما خلصنا بس شفتي كيف ؟ بعد ما جبت المكنسة و كنست الفتافيت الباقية و اللي صعب تتجمع .. رجع فتفت العيش فوق سريره عشان كذا أكل ( ضربة ) من جدددددد .. و ترى كنت مثلك قبل ، ضد الضرب و حتى أولاد أخواتي و أخواني يحبوني مرة و بزورة أهل زوجي بس كانت أختي تقول : يوم ولدك يكبر .. بيتغير الشئ هذا عشان كذا أمسك نفسي دايما و أعد مليون مرة قبل لا أعاقبه .. وحدة من أخواتي انفجعت يوم شفتها كيف تعاقب أولادها ؟؟؟ تضربهم بالسلك و لا كف من قلب قلبها و من غير ما تتفاهم معهم ، مين الغلطان أو أي شئ بصراحه ياروح هذه معاملة قاسية جدا ورح تأثر على شخصية أولادها في المستقبل وعادة تكون من عصبية الأم ونفسيتها التعبانه و الثانية من أخواتي ، تدلعهم دلعععععععععععععع مو طبيعي و ببس يقولوا ( اه ) على طوووول تجري و تعمل لهم اللي يبغوه و دحين ولدها الكبير صار يرد عليها و تسكت له .لاتكن لينا فتعصر ولاقاسيا فاتكسر في وحده كذا أعرفها ولدها عند الناس يحرجها كثير متعود الي يبيه ياخذه أو أي شي يسوية يعني النتيجه أثرت على التربية نفسها . هذا اللي مزعلني في ولدي .. مو عارف قيمة اللي أعمله عشانه و قلت استفيد منكم .. و أخاف عليه من نفسي ، إني أبدأ أقسى عليه و أتغير معاه من غير ما أحس كل شئئئئئئئ تتخيليه ، عملت له و إذا من دحين بدأ يعاند ، كيف إذا كبر شوي سجلته في حضانة و أبوه كان رافض ، و بأدفع له مبالغ عشان بس يستفيد و يتعلم و تتطور مواهبه و أسجله في أنشطة كل شوي عشان يعتمد على نفسه من صغره .. جهزت له غرفته من كل شئ و أبوه يقول لي ( ما كان لازم ) .. أفضي حالي مرات عشانه و أحضنه و أكلمه و أجلسه على حضني .. أنتي ياروح صح معاملتك حلوة مع أبنك وحنونة ورح يحبك كثيييير أذا كبر بس أهم شي خليك شوي حازمه وقت الغلط أبوي كان مره عصبي ويهاوش ويضرب بس حنانه كان يغطي كل شي وقت مانكون غلطانين علشان كذا نحبه كثيييير ونسينا كل أكلات الضرب الي أخذناها و وحدة من أخوات زوجي تقول ( عمري ما حضنت بنتي و لا بستها ) .. |
عزائي لأولادها الله معهم
22-05-2011, 11:32 AM
|
المشاركة الأصلية كتبت بواسطة روح الطير
اسفة لإني تأخرت ، ما كان عندي ( نت ) ..
و انشغلت كثير يوم الخميس و الجمعة ،. هذا اخر اللي حصل هاليومين : يوم الخميس أعطيت لولدي بطاطس برينجلز ، لإني متعودة اشتري له و ياكلها ماشاء الله .. بس يوم دخلت لغرفته ، لقيته برضو .. بعد ما شبع ، قام كسر البطاطس كلهاااااااااااااا و فتفتها ربي رحمه لإنه كان نايم أول شئ ، و كنت مروقة .. بس الحلو ، إني شفته جمع كل القطع اللي كسرها قبل لا ينام و رجعهم للعلبة .. و بقيت فتافيت صغيرة مرة و قليلة .. و ما رجعت كلمته .. لو كنت مكانج يا روح كنت كلمته اول ما قام من النوم وبسته ومسحت على راسه وشكرته على انه جمع القطع ورجعهم للعلبة (حتى لو كان عمله غير كامل أو غير متقن) .. بس على الأقل هذه بداية جيدة ودليل على انه فاهمج ومستعد يسمع كلامج ويرضيج. التوازن يا روح .. لما يسوي شيء غلط نعاقبه ولما يسوي شيء صح نشكره ونمدحه. . . أمس أعطيته قلم و دفتر و جلست أعلمه كيف يرسم و بعد شوي انشغلنا .. بعد ساعة سألني : ماما فين القلم و الدفتر ؟ أبغى أرسم .. أخذ القلم و بعد ما رسم في الدفتر و طفش و كنت مشغولة شوي عنه .. لقيت الأستاذ ولدي ، راسم حدود ( كفه ) على مفرش سريري السكري و راسم شخابيط إيش أعمل له ؟؟؟ |
ووقتها باذكره انه يكتب على الورقة بس.
23-05-2011, 09:09 PM
|
من الأخطاء التي تقع فيها الأمهات أنهم يتبعوا العقاب مباشرة بالرضى .. 10 دقايق قليلة جدا و الطفل يرى أنك غير جادة في عقابك و أنك ترضين عليه بسهولة لذلك يكرر الغلط و لا يتركه .. وبالنسبة لعقاب عدم الحديث مع الطفل قالت لنا أستاذة في الجامعة ( ماجستير في التربية ) أن هذا العقاب خاطئ لأنه يجعل الطفل عندما يكبر يرفض الحديث مع أمه عندما يكون غضبان منها لأنها عودته عندما تكون غاضبة منه لاتحدثه . |
|
الضرب وحده ليس سيئاً لهذه الدرجة إلا إن لم يكن مترافقاً مع جرعات كافية من العطف والحنان قولاً وسلوكاً |
| اتوقع من قلة الحنان حابة افرغ كل ما أملك لبناتي |
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور