بسم الله الرحمن الرحيم ,
السلام عليكم ورحمة الله ..

أنا شاب عمري 24 سنه, موظف وراتبي جيّد ولله الحمد والمنه.
وكذلك أكمل دراستي بأحد الجامعات الخاصة بالمملكة.

مثلي مثل أغلب الشباب من ناحية الإلتزامات المادية,
عندي أقساط سيارتي, وأقساط البنك.

وعندي كذلك مبلغ من المال أفكر أني أسدد فيه سيارتي بالكامل نهاية السنه بأذن الله.

طبعاً خطبت قريبه لي قبل 4 سنوات, وكانت نيتي بالزواج من أول ما خطبت,
لكن خطيبتي رفضت لصغر سنها, ورغبتها في إكمال الدراسة الجامعية.
وحصل لها ضروف في الجامعة, مما أضطرها للأنسحاب مؤقتاً من الدراسة.

فأخذت قرار جدّي بالزواج, لأني أشعر بحاجتي الماسه له, وخاصةً من الناحية العاطفية.
رتبت أموري المادية, ومثل ما سبق وقلت عندي مبلغ من المال ونيتي بأذن الله أسدد الأقساط المتبقية على سيارتي.
وتخطيطي للزواج بشهر 5 من السنه القادمة بأذن الله.
وحسبت تكاليف الزواج من ناحية ( المهر - القصر - الذبايح - تجهيز البيت ... إلخ).
والحمد لله عندي قدرة عليها, لكن اللي أشغل بالي هي سالفة "شهر العسل".
بخاطري نسافر خارج المملكة, ولكن المادة بتكون ضعيفه عندي نسبياً.
وما ودي آخذ ديون لأني ودي أبدأ حياتي بشكل صحيح.

سؤالي: هل تفضل البنت زواجها يكون في صالة ممتازة وفخمه ويكون زواج كبير وفيه من الرفاهية "طبعاً بحد معقول دون إسراف" ولكن يكون شهر العسل في المملكة وبسيط؟
أو يكون الزواج بسيط لكن في المقابل سفرة إلى دولة أوروبية مثلاً؟

خطيبتي طبعاً حالها من حالنا وأهلي وأهلها قريبين من بعض وعلاقتنا جداً ممتازة, ونعرف حال بعض وضروف بعض, وغير كذا إنسانه قنوعه ولله الحمد.
لكن ودي أسعدها وأعوضها عن الآلام اللي مرت فيها, وبالنسبة لسؤالي بإمكاني أسألها بعد الملكة لكن أعرفها إنسانه جداً خجوله وأكيد راح تطلب زواج بسيط وشهر عسل أبسط, ورغبتها ما راح تقولها.

نصائحكم , وآرائكم..

وجزاكم ربي الفردوس الأعلى ..

اقتباس:

أو يكون الزواج بسيط لكن في المقابل سفرة إلى دولة أوروبية مثلاً؟

عن نفسي أعتقد سوف اختار هذا الخيار ..

لأن الزواج ليلة واحدة وشهر العسل أيام كثيرة .. فأشوف أنه الأفضل تصرف

المبالغ في أيام كثيرة وأماكن جميلة ومناظر خلابة من أن تصرف كلها

في ليلة واحدة وينتهي كل شيء !

أضف إلى ذلك الناس والحاضرين مايرضيهم شيء وحتى لو كان الزواج فخم

ماتسلمون من القيل والقال ,,

فالأفضل تنبسطون أنتم وتكون ذكرى جميلة في حياتكم الزوجية ~

أسأل الله لنا ولكم التوفيق في الدنيا والآخرة ,,

ماشاء الله لاقوة إلا بالله ,, تهانينا مقدماً ,,

__________________

لازم تسئلها اهي شنو تبي تبي زواج فخم وكل شي او زواج بسيط وسفر يعني قرار لها بعد اسئلها وشوف رايها
مثلا انا وخطيبي بنسوي حفله بسيطه وبنسافر ههههههههه اهم شي وناستنا

أنا رأيي من رأيك, وغير كذا عندي بعض الأصدقاء تزوجوا زواج بسيط جداً
عائلي ومقرّب , ووفروا تكاليف الزواج لأنفسهم ولشهر العسل..

لكن أنا عندي الوالده وأم خطيبتي ودهم يفرحوا فينا بعرس كبير
وخاصة بأني أكبر الأولاد ..

وفقك الله ..


أنا مثل ما قلت لو سألتها راح تطلب زواج بسيط وشهر عسل بسيط .. بسبب خجلها
وسبق وقالته أمي وأخواتي قالوا لي بأنها مستحيل تطلب منك شيء بسبب خجلها ..

شـاكر لك يا غربه .. موفقه يا رب ..

الله يوفقك ويتمم عليك ..
فيه من يرضى بالبساطه وفي من يرفض وبشده
ونحن كــ مجتمعنا اصبح لايوجد حفله نسائيه فقط حفل رجالي والحمدلله راضين ..
فيه اسباب دعتنا نبتعد عن حفلات النسائيه ومن ضمنها الصرفيه التى لاتقل عن خمسين الف ..
لاانكر في البدايه .. استنكرت هذه الطريقه ورفضتها ..
اما الان دخلت مزاجي وبالعكس اصبحت انصح البنات ان يخفو من صرفيه الحفلات ..
.. كيف مجتمعكم ؟؟

__________________

عليكم السلام والرحمه،،

اكيد شي يرجع للبنت نفسها اسالها انت بعد الملكه وشوف وش تقولك لان كل وحده تفكيره يختلف عن الثانيه عن نفسي اقترح علي زوجي وقت الملكه نفس اقتراحك بس السفره كانت لماليزيا لكني مااقتنعت الا اسوي حفله وبقصر واسافر تكاليف الزواج كانت تقريباً علينا لاننا متعودين غالبا في زواجاتنا انه تكون على اهل البنت فحققت مرادي بالاثنين معاً ++ طماعه +_+

وفقكم الله ويسر لكم .

__________________
1-5-1433هـ
الحمد لله رزقت بأجمل بنوته ربي يخليه ويصلحه ..

حياك الله اخي الفاضل / ابو جود

الزواج الفخم مُهلك ، ويكون للناس فقط
وفوق هذا قد يُدخلك في معصيةٍ في بداية حياتك ... تبدد البركة منها ,
وهو في الحقيقة ضربٌ من الحماقة! ،
وفر مالك ... وانعم انت وزوجتك بشهر عسل لايُنسى
وهل تقارن الليلة الواحدة بثلاثين ليلة ؟!

تمنياتي لكَ بحياة زوجية سعيدة

::

أنظر للمنطق ماذا يقول..؟!!

يقول عليك أن لاتزج بنفسك في دوامة الديون
أو تثقل على كاهلك لترضي الناس

بل حفلة صغيرة ستفي بالغرض وتكون مريحة لك
ولها نفسياً

والأهم أن تضعا فلوسكم فيما يسعدكما لا فيما يسعد
الناس ويتعسكما


وهي شخصية كما يبدو سترضى وتكون سعيدة بما يرضيك
ولو سألتها صدقني ستجيب بالإيجاب عن قناعة لأن الحفلات
الضخمة تفكير فقط فئة معينة من النساء تحب الفخفخه الزايدة
وثناء الناس

ولا أعتقد أنها منهن

ومبروك لكما
وفقكما الله


::

أنا من رأي زواج بسيط وشهر عسل في المملكة وبسيط>>> يا أخي وفر على نفسك وخلي لك مال تدخره ،،

اقتباس:

المشاركة الأصلية كتبت بواسطة الجانب الآخر وفوق هذا قد يُدخلك في معصيةٍ في بداية حياتك ... تبدد البركة منها ,

معصية ماذا ؟؟ عفوا لم أفهم أين المعصية !!!

__________________

ففروا إلى الله