السلام عليكم

اخواتي /اخواني
كل الاعضاء الي ردوا عليه وما قدرت الى الان اني ارد عليكم برد منفصل
اعذروني
والله اني منهكة جدا وتعبانة وفي حالة ذهووووووووووول شديييييييييييد مدري جاني شي غرييييييييييب احس كاني فاقدة للوعي او اهلوس لوحدي
احس ان كل الي قاعد يصير فلم من الخيال ومو حقيقي

ماني متماسة بس احاول
اخويا كل يوم يقولي زوجك يبغاك تتصلي وانا اسكت ..يتكلم معاه حى ما ادري ايش قاله

اخر المستجدااااااااات
اتصل فيني امس بعد صلاة الجمعة وقالي ليش ما تتصلي انا سكت وبعدها قلتله لما تهدا اكلمك يقولي انا هادي جدا وماني معصب بس اتصلت فيك علشان ابغا حل ...قلتله الحل عندك انا ايش سويت قالي بقول لاهلك واخبرهم قلتله ايش بتقول قالي والله مدري
قالي خلاص طابت نفسي منك قلتله ليش قالي ما تنفعيني انا وانتي مختلفين توجهاتنا مختلفة والسفرة هادي هي السبب ما كنت راضي اروح قلتله مو رحنا برضاك قالي كنت اظن اني راح انبسط بس ماصار الا العكس الى الان اثارها في نفسي كل من شافني قالي شكلك متغير الى متى اكون انا المخطئ وانتي المظلومة ما عاد ننفع لبعض خلاص ....بكيت قلتله احبك وقالي وانا نفس الشي احبك وربي شاهد بس ما عندي حل اما انك ترضي بالوضع معلقة او اطلق قلتله ليش الطلاق ليش ما ندور حل قال ما عندي حل وعجزت ما اقدر وقال فكري وقوليلي على ايش قررتي...قلتله ايش ذنبي انا ايش سويت قالي ولا شي بس مختلفين
وقفل الخط وانا اصيح

لا حول ولا قوة الا بالله


بعد العشاء رجع واتصل وكانت عندي جارتي بس سالني مين عندك قلتله جارتي وقفل بعدها بساعتين اتصل ووقالي اشوفك مبسوطة قلتله لا بس ايش اسوي .....قالي برضه ليش ما تتصلي ورجعت قلت له الين تهدا قالي انا هادي ونفس الموااااااااال بس قالي اما انك ترضي بالوضع الحالي يعني تكوني معلقة او اطلقك وليش ما تروحي بيت اهلك
والله جاتني تناحة مدري من فين كاني اضحك على نفسي وستغربة اسلوبه معايا ليش كدا ....
الجرح اعمق مما اتخيله ....قررت اني الم اغراضي واسافر لاهلي ...بس ترددت شوية ..وفي نفس الوقت فكرت اتصل بابويا وواحد من اخواني يجوا عندي يتفاهمو معاااااااااااااااااه ما اعتقد ان الامر ينفع اسكت فيه

ارهقت ولا عاد فيني طاقة اسوي شي
صاحية من الصباح وجالسة حاطة يدي على خدي وجالسة وماني يم احد كاني خارج نطاق العالم كله
ياااااااااااااااااااااارب رحمتك
كلما افكر كيف كنا نتكلم قبل السفر انه اول ما اوصل نروح المستشفى علشان نسوي بعض الفحواصات علشان موضوع الحمل لاني كنت بعيد عملية اطفال الانابيب في شهر رمضان بس لا حول ولا قوة الا بالله الله يفرجها من عنده


مرة ثانية اعذروني لاني احس نفسي صرت اتعب بمجرد ما اكتب رد او اثنين ويعلم الله كيف كتبت ردي دا اكتبه وامسحة اكثر من مرة لردائة المعنى واحيان اكتب وما افهم ايش ابغا اقول

سلامي للجميع واعذروني يا اخواني ويا اخواتي
الله يعظم لكم الاجر ياااااااارب

__________________