طبعاً مافي كلام بعد الأخ البليغ
أعطاك نصائح و شرحلك إختلاف الشخصيات بينكم

ولكن نصيحتي هي

إنك ما تطلعي من بيتك حتى لو هو طلب منك إلا للضروره القصوى،
و خاصة بعد خلاف أو لما هو يكون زعلان
حسسيه إنك تحبي بيتك و انك ما ترتاحي إلا في بيتك و معاه، خليه يحس انه بيتكم مهم لك مثل ما هو حاسس الحين إنه بيت اهلك مهم لك
مافي مانع للزيارات ولكن انك تنامي هناك و بالأيام بدون سبب مقنع فما أشوف له أي داعي
طبعاً لا تفرضي رأيك عليه عشان ما يحس انك تعانديه و يزعل، لا قوليله بطريقه لطيفه و مع شوية دلع مثلاً
(لا حبيبي أنا ما ارتاح إلا في بيتي، ما أقدر أنام كويس إلا بسريري و إنت جنبي، الله يخليك) أو
( يوه حبيبي أنا كنت مستنيه من زمان استقل في بيتي و أعيش خصوصيتي بكيفي، بليز لا تخليني أرجع) أو
( طيب أنا بروح بس لو مرضت أو صارلي شي ما راح أسامحك يا شرير، لأني بدونك و بدون بيتي أصير ذي السمكه بدون ماي)

وقت النقاش و وقت يكون مصر على كلامه و معصب قوليله مثلاً (طيب حياتي اهدا شوي ، و كلامك راح يصير) حتى لو انتي ماكنتي مقتنعه أو موافقه على كلامه
لأنه بكلامك هذا راح تكبري في عينه لأنك احترمتي رأيه وهذا لمصلحتك،
و بعد فتره تقدري تكلميه مره ثانيه بنفس الموضوع و بطريقه لطيفه و إختاري كلماتك بعنايه.
و غالباً إن لم يكن دائماً راح يقبل رأيك

الرجال مهما كان قوي و مهما سوى نفسه فاهم كل شي و إنه ما يمشي إلا كلامه
بطريقتك الخاصه و بدقايق تقدري تخليه يسوي اللي تبغيه و هو مبسوط كمان
دايماً كثري من الكلام الحلو قدامه، إمدحيه كثير، حسسيه إنه فعلاً رجال بمعنى الكلمه و إنه مالي عينك

حاولي تقري كتب عن إختلاف الشخصيات بين الرجل و المرأه عشان تفهمي أو تتفهمي تصرفاته

و الله يوفقكم إن شاء الله