الله يسعدك وين ماااكنتي والله كلامك واقعي جدااا

انا زوجه ثانيه والضرر لحق اختي اللي اصغر مني لاني تزوجت رجل اكبر مني
صااار كل اللي حوالينا خايفين اختي تتبع طريقي وتاخذ زوجهم وهي مو على بالها
بس بنات عمي وبنات الجيران وصاحباتها عندهم رعب منها ودايم يقولون انتي ترضين تتزوجين متزوج


مسكينه لحقها الاذى بدووون سبب

انا استغرب من اللي يقول طبيعي تغار الزوجه الاولي من اللي بعدها والثانيه من الثالثه
ممكن الغيره البسيطه عاادي الواحد يمشيها بس ليش دايم فيه مبرر لغيره الاولى ومافيه مبرر للثانيه انها تغار من الي قبلها بالعكس يقولون لها انتي رضيتي تتزوجين متزوج خلاص تحملي الغيره والاذى والاهانات وكل اساءه وكانها لعنه حلت عليها مو زواج واستقرار

انا ماابيها فعلا تحط نفسها مكااني انا احط نفسي مكانها واحكم عقلي لو زوجي اتزوج ممكن ازعل اتضايق بس مستحيل اضر احد لانه حرااااااااام وربي اللي قربها والله الي كتب علينا هالامر ولافيه اعتراض على قضاء الله

الانسان خصيم نفسه والمرأه يفترض تترفع عن تفاهات الامور وتعرف ان دورها بالمجتمع اكبر بكثير من انها تضيع دنياها واخرتها عشان زوج طبق امر اباحه الله له

وحتى لما يكون الزوج ظالم يفترض تزعل منه هو مو من ضرتها ولما ضرتها تأذيها تحاول هي تتجنب الشر

الانسان يعيش عمره مره وحده حرام يضيعها بهم ومشااااكل

والله زوجه زوجي ادري انها تتمنى تشوف الموت ولاتشوف وجهي واقابلها واجلس معها وانا قلبي صافي وعلي كثر غيرتها وتجريحها لي عجزت اكرهها احس اني مااحبها بس ارحمها لانه حرمه كبيره وزواج زوجها عليها اثر على خلايا مخها ومتاكده انها ماتملك التصرف لابلسانها ولا بتصرفاتها عشان كذا شااريه راحتي ومطنشه

العجيب في الحريم انها حتى لو ماتحب زوجها وتكرهه موت ماتبيه يتزوج عليها مو عشانه ولاعشانها لا عشان مااحد يشمت فيها

صااار التعدد مثل السرطاان حااااجه مخيفه يااتذبح الواحد يااتتعالج بااعسر الطرق


الله يخلي لك غاليك ومغليك خليتيني اطلع اللي بقلبي