الى اختي نور الامارات ولا يهمك عندي طريقه للكيكه اي احد يذوقها ينهبل عليها وراح اعطيكي اياها بل تفاصيل الممله عشان تضبط معاك انشاء الله

اول شي افتحي باب المطبخ وشغلي النور
ههههههه امزح معاك

اولا ضعي في الخلاط ما يلي


اولا ثلاث بيضات
ملعقة طعام فانيليا سائله
وخليهم ينخلطون وحطي بعدين كاس سكر
ثم كاس زيت
ثم كاس ماء
وبعد ما ينخلطون زين اسكبهم في وعاء بلاستك
وضعي عليهم واحد ونصف كاس دقيق و ثلاث ملاعق باكنج بودر
واخلطيهم بل مضرب الكهربائي
وحطيهم في صينيه تيفال تقريبا اصغر وحده في الطقم المستطيل
وشغلي النار ولا تخلين الشبك تبع الفرن في الرف الثاني من تحت لا خليه في الرف الثالث يعني اقرب من فوق لتحت
ودرجه النارعلى 160
واتركيها ولا تفتحين الفرن شوفيها من الزجاج الين ما تبدئ تنتفش
تراها ما تطول لانها خفيفه افتحي الفرن يعني بعد مرور حوالي ثلث ساعه وحطي منكاش الاسنان وشوفي اذا طلع ناشف يعني استوت
لاتهتمين بل كيكه من فوق لا تشغلين النار عليها
طلعيها من الفرن وخليها ثواني وكبي عليها الخلطه الثانيه الى هي

ضعي كاس ماء وكاس الا ربع سكر وثلاث ملاعق نسكافيه في الخلاط ومن ثم ضعيه في قدر وحركيه شويه الى ان يثقل شوي
يعني ما ياخذ اربع دقايق لانه لما تحطينه في الخلاط يسوي رغوه ويثقل من نفسه تقريبا
المهم لازم تكوني مجهزته من بدري يعني تحطين الكيكه في الفرن وتسوسنه على طول وتحطينه فوق الدولاب
عشان يبرد شوي وزي ما قلتلك تخلين الكيكه في حدود الخمس دقايق وتكبين الخليط فوقها يعني تسقينها
وتراه مو كله يزيد معك شوي
المهم بعدين اتركيها على الدولاب تبرد حدود الثلث ساعه
وبعدين حطي الخلطه الاخير الى هي
ضعي في وعاء بلاستيك اثنان ظرف دريم ويب
وبياله ونصف حليب السعوديه ويكون بارد وحركيه بمضرب الكيك الين ما يصبح رغوه وضعيه فوق الكيك
ومن ثم ضعي الكيك في الثلاجه الى ان تبرد
وبعدين روحي غسلي صحونك واقفلي الباب واللمبه

تحياتي وانشاء الله اكون قدمتلك شي استفدتي منه لان يدي طاحت من الكتابه

تحياتي لك