السلام عليكم ارحب بالجميع واتمني ارشادي من المخطئ
ابخش بالموضوع دغري اليوم مع اذان العصر ارسلت لزوجي رسالة وهذا نصها
يسعد مساك
ياليت تجيب شوكلاته مع القهوة وشبة الحطب تحلى بوجودك

ع فكرة انا زوجة ثانية وهذا وقت جيته لنا
انا بدوري تزبطت وجهزت القهوة وولعت ع الحطب انتظره اتصل ع العصر كلمه ولدي وراح للمسجد معه وجالسه انتظر الاخ ويتصل ع خمسه الا ربع يشاورني في اغراض المدرسه اللي بيشتريها للعيال وع فكرة انا كنت قبل ثلاث ايام وانا اطلبه ودي اغير جو واشتري انا وياك اغراض المدرسه وهو يصرفني مالي خلق ، تعبان ومن هالكلام واتفأجا اليوم انه رايح بنفسه انا يوم اتصل قلته مو انا قلت لك ودي اروح معك قال يوه شغله تروحين انا ازين اسكت وما قلت شي وكل شوي وانا اشوف الوقت واتصلت عليه قبل المغرب قلت مطول انت الحطب بيخلص وصار رماد وانت ما جيت ويرد ببرود انتي ما قلت انك مولعه حطب على بالي انا اجيب معي حطب شوفو الفهم عاد قلت لا انا اقري الرساله زين المهم دخل على البيت وقت المغرب ومعه بس كيستين صغار فقط شنطتين للعيال وشنطتين لعبه وكم دفتر ومساحات ومقلمتين وعلبتين اقلام ومسطرتين يعني الاغراض ما تستدعي هالوقت انا فقعت وهاوشت قلت كل هالوقت ع هذي الاغراض وغير كذا انا قلت لك ودي اغير جو طفشت من البيت ما طلعنا ولا رحنا ولا شي ( على فكرة انا اذ قلت له ابي السوق طبعا ما نروح الا الصبح اقل زحمه تخيلوا متي يجييجي قبل اذان الظهر بنص ساعه مدري هي حق الطريق او حق شراء الملابس يعني يحوسني ياللله بسرعة قبل ياذن وياويلي عاد لو يصير شي مو مقاس العيال او مالقي حاجتي بسرعه صح ما يهاوش بس يكفي ربكتي واشتري اي شي خصوصا وقت المناسبات ) وهو العصر كله ساعه ونص في المحل يعني مكلمني ع اربع العصر وهو في المحل وجخل ع المغرب
عاد يوم زعلت وهاوشت زعل وهزئني وطلع ما تقهوي ولا دخل الا قبل العشاء وطلع يصلي وصارت الساعه تسعه وزياده ولا جاء ولا اتصل
وش رايكم من الغلطان وماهو التصرف الصح اللي اسويه

غاليتي تقبلـي وجهة نظري برحابة صدر ..
للأسـف أنتي الغلطـانه
حاليـا مافيه وقت بين العصر والمغرب
يعني زوجك ماكان يلعب يادوب يوصل من الزحمه
وعيالك يختـارون أغراضهم ..
..
تصرفك كان جدا خــاطئ بطريقة استقبالك له ..
..
التسوق الصبـاحي جميل ومعاه حق أخف زحمه
ان لم يكفي الوقت
أطلبي الأذن منه بالتسوق مع أهلك ..
..
الواجب عليكـي الأن
الأعتذار منه فـــــــورا ..
..
وفقتـــي ..

__________________

ياخ’ـيـل..أنا فيك هـمـ ـ ــ ـ ت’’
وعـشـ ـ ـ ـقي لك’’ ورثـتـه من ورث جـــدودي ’’’’’

عديها وانسي

هم هك شو نعمل فيهم ما يتغيروووووو

شوكولا اقتربت الدوره عندك مم م م م

ان كان كذلك فمعك حق الهرمونات تشتغل

يجعلها آخر المصايب

وانا فمت من المسج انو تريدي حطب يجيب معو

طولي بالك ها راح يومك بالزعل ليه

راضيه يا حلوه وارجعي اشعلي حطب

__________________
http://live.gph.gov.sa/
اللهم اني استودعك اولادي

:*

أنتِ الغلطانة طبعاً

:*

كل هالمشكلة عشان تأخر شوي...؟!!
مافي كلمة "شُكراً" أو "يعطيك العافية" أو "الله لايحرمنا منك"

رجال داخل بيته وجايب أغراض أولاده
تستقبليه بها الإستقبال ..؟!!

معليش يا أختي موقفك غريب جداً

نصيحة من أخت:
إذا الرجال طيب وآدمي معك
أكسبيه بالكلمة الحلوة والمعاملة الطيبة
وتقدرين فيما بعد تعاتبيه بشويش وبدلال

:*
ولاتصيري بحياته دريشة نكد


:*

__________________

ماقصروا الاخوات ..

وانتي الغلطانه .. ماكان الامر يستدعي منك كل هذا ..
اوكي كان ودك وماصار بس مايخليك تضيقين وهواش ونكدتي على نفسك وعليه ..
غيري اسلوبك مع المواقف وثقي تماما راح تكسبيه وبتصير علاقتكم افضل ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]

مع كلام الاخوات العزيزات

انتبهي لتصرفاتك حبيبتي .. ترا طبيعة الرجل غير عن طبيعة المرأة ... الاغلب ما يحب التسوق والفراره في السوق
وتعلمي اختي تشكرين زوجك وتقدرين اللي يسويه .. وكوني واضحة لا تنتظرينه يفهم ويخمن اللي في خاطرك
اكسبي زوجك بالكلام الطيب والابتسامة وسعة الصدر والحكمة .. اريح لك وله ..

ربي يفرج همك ويسعدك ويهنيك يارب

__________________

السلام عليكم

والله بصرااحه وجهات النظر رايح تختلف في المووضوع هذى كل شخص ويقول الغلط من الحرمه وانا اقول الغلط من الاثنين

كان حتى المفروض على الزوج أن يقدر زوجته الزوجه تقول وصارحته إنها طفشانه من الجلسه وتبي تخرج

ليش اللف والدوران حقه ليش مايتفاهم مع زوجته ويقول خلااص خليك جاهزه بعد صلاة العصر ولا المغرب ولا اي وقت يكون مناسب لهم

وهذى حطينا الغلط على الزوجه نقول عنك إنكـ غلطانه يوم تستقبلين زوجك بهذى الاستقبال كان المفروض جبرتي بخاطره

أقل شي لو قلتي له شكرا ماتنقصك شي

احسن من الهواش


يعني وجهات النظر رايح تختلف


لاكن مانقول الا الله يسخركم لبعض يااارب

ياليت تجيب شوكلاته مع القهوة وشبة الحطب تحلى بوجودك
انا فهمت انك تبينه يجيب حطب خخخخخخخخخخخ

اختي الكريمة نيتك طيبه لكن اسلوبك شوي غلط
موفقه يارب

__________________

اللهم أرزق شباب المسلمين زوجات صالحات
واللهم أرزق بنات المسلمين أزواج صالحين.

يا قلبي الحياه مو كن فيكون
لازم الصبر
خدي الامور ببساطه اكتر

__________________
يارب
فوضت اموري اليك

اشكركم جمعيا ع ردودكم ما قصرتوا فعلا ما خاب من استشار وانا حسيت اني غلطت بس ما قدرت اعتذرت مباشرة عديت الموضوع عادي ويوم جاء الصباح اعتذرت منه