تعلمت شيئين من الحياة

ان اعطي من غير ما انتظر مقابل واخلص النية لرب العالمين
وان اعطي من غير حدود وللجميع

بشرطين

ان احط محبة الله فوق محبة أي مخلوق
وان احافظ على احترامي لنفسي ومحبتي لها

والحمد لله مرتاحة وسعيدة بحياتي الزوجية .. وانا اقولها لك عن تجربة .. ما لقيت اللي ينصحني قبل زواجي
فكنت يتيمة الام والاب الله يرحمهم .. ولا اخت فكنت اكبرهم .. ولا عمة ولا خالة ولا جدة ..
دخلت الحياة الزوجية بعمر صغير وتعلمت وفشلت ونجحت والحمد لله الحين انا في نعمه
سمعت من زميلاتي .. لا تكوينن طيبة ... لا تحبينه وايد ... لا تعطينه وجه ... لا تدلعينه ... اثقلي ..
ولكن اكتشفت ان الثقافة وااااايد مهمة وتركت النصائح هذي وعملت باللي يرضي ربي العالمين ويسعد من حولي
دخلت دورات والقرآن فيه من النصائح القيمة والثمينة وسيرة امهات المؤمنين ( رضي الله عنهن ) وعرفت كل ما زاد
عطائي لزوجي واللي حولي بنية ارضاء رب العاليمن واسعادهم .. كل ما كسبتهم وعشت مرتاحة وسعيده

هذي تجربتي حبيبتي ... فبالطيبة بتكسبين قلب اللي حولك حتى لو كانت قاسية .. لازم بتلين .. وانا اقول لك
اعطي من الرومانسية الكثير ومن الحب الكثير ومن الاحترام والعاطفة الكثير فهذا دورك كأمرأة مليئة بالعواطف
واكيد دور الرجل يختلف ..

فلا تفكرين كثير حبيبتي .. بس لو بتعرفين زوجك وشخصيته وطباعه بتتسهل عليك امور كثيره ..

الله يرزقك الزوج الصالح اللي يعينك على الدين ويسعدك يارب