(هذهـ الفلسفة من قاموسي)
بالنسبة للحرب الباردهـــ
* الحرب الباردهـ هي نفس معنى الأفلام الهندية .... يعني مثيل عليها دور الضعيف عندها والمجنون فيها
* ليه أسميها حرب ... لانك تلعب دور الضعيف وانت اصلا قوي بس تستخبل عليها
* و الهدف من هذه الحرب خربطة برمجة دماغ زوجتك .... ليه نخربط البرمجة علشان تبدء صفحة جديده معها بطريقة غير مباشرة.... وعلشان تشك زوجتك في نفسها وتبداء تفكر من جديد .

أبو خليفة إذا تبي نبدء خطوات العمل قولي الحين انتم متهاوشين ولا لا ؟ ...

الله يهداك احن مب متهاوشين وبس حريجه ممولعه بينا

اخر موقف صاير من بينا يوم الخميس الساعه 12 بليل رديت البيت وهي طبعا معتكفه بحجرتها ولا تطلع منها قلت خليني أطلع عندها وأشوفها دخلت عندها وسالتها شو رايج نسافر كالعاده رفضت قلت لها اوكيه خلاص شو رايج نسير دبي للامانه وافقت واستغربت من موافقتها السريعه .

تخيل طول الدرب وهي ساكته وانا بس افتح موضوع وانهيه مع روحي من غير ما تكلف على عمرها وترد المهم وصلنا الفندق كلها نص ساعه والله نزلت تحت وعقبها رديت الا وحصلتها تصيح وتقول ردني بوظبي سالتها شو فيج شو اللي صاير ابد ساكته وتقول ردني لحين المهم تهاوشنا ونزلنا من الفندق وردينا بوظبي ساعتين روحه وساعتين رده بخط دبي ذبحتني .

__________________

الحمد لله على كل حال

ليه تصيح ... شو السبب؟

المشاكل اللي من بينا واايد وشكلك ما قريت مواضيعها اللي كانت تكتبها مع المستشار لو اكتبلك ما راح انخلص

__________________

الحمد لله على كل حال

اسمعني زين .... كل خطوات الحرب الباردهـ بتستوي عن طريق المسجات و الصمت

طرش لها مسج اكتب فيه
( لجين .. أنا أحبج ... والله يعلم أن ما ملك قلبي غيرج ... حاولت ابعد عنج وفكرت أتزوج وحدهـ ثانيه بس ما قدرت لأن قلبي عندج وبيدج مالكته . لكن انا أحس اني موب ريال لما أشوفج تصيحين .. موب ريال اللي زوجته حزينه ومب قادر يسعدها .. شو اسوي عشان تخلين الصياح ... حتى انا صرت اصيح بروحي انا تعبت شو اسوي عشان نعيش مرتاحين ؟؟ ...)
ــــــــــــــــــــــــــــــــــــــــــــــــــ ـــــــــــــــــــ
انا ما قريت كل مواضيعك
بس بحاول اساعدك باللي اقدر عليه
ولا يغرك اني موب متزوج ... بس يمكن انا اكبر منك بالسن وانت ما تعرف شو تخصصي

شو رايك بالمسج

المسج واايد روعه وبطرشها لها وبنشوف ردة فعلها

__________________

الحمد لله على كل حال

إذا ردت واهتمت ... فهي حريصة على راحتك بس موب عارفه اشلون تسعدك
لو ما اهتمت .......... نطرش لها مسج ثاني بعد جم يوم
بس لا تكلمها ابد ... ادخل ونم وكيل وانت ساكت .... مثل دور الحزين

موفق يالغلا ........ وحاضر لأي أسئله

الله يعينك يااخويه بو خليفه على حرمتك ابصراحه
..
واعرف هالنوعيه .. مزاجيه ومايهمها اللي معاها بس يهمها نفسها ..

مجرد راي لااكثر اندماج مع الموقف ..
بس جان مريت عليا ونزلتها . عشااان اهجم عليها واقولها توبي
هذا ريلج وين بتحصلين شراته .. خخخ انفعلت سوري ..

همسه الله يهديك يااخويه شو هلااسم لجين
وين سارت حصه مريوووم موزاني شميمم اليازي شيخه ..
حبكت تاخذ لجيين ..
الله يعين بس ..

وبعدين ماعندها خوات ينصحنها وجي . وامها بعد تنصحها وتفهمها ..


يالله ماعطوك شي رياييلنا والا جان استوت شيخه ومحد شراتها ..
خلني ساكته ابرك ...

شو رايج تزوجين أو خليفه ..... ترا وااايد حبوب