المشاركة الأصلية كتبت بواسطة S10

رنآ بآقي موجودهـ معنآ بالملتقى و الا غـآدرت


عموما ً انا بكلمك عن تجربه حصلت لنآ بالبيت

اختي ملكة ع ولد عمتي طبعا ً انا موافق عليه وابوي مواعده من زمان لانه يصير و لد اخته والبنت وافقت و الولد سوكرهـ

بس مع الوقت بدت تسريبات ويكيليكس ان الولد يستخدم حشيش و يسافر على شان يشرب انا قمت بالتحريات في عمله و في كذا موقع وفعلا ً طلع راعي هالامور و سبحان الله لو يدخل بمجلس نقوم كلنا ونخليه يجلس بمكاننا لكن هي الصحبه الفاسده

ع كلٍ خليناه يطلق بذي و بببنت الذي يعني رفض و اختي تعتبر ملكة جمال بعايلتنا و انهبل يوم رفضنا قال بخليها تكمل دراسه قلنا مانبي طبعا ماصارحناه بالسبب احترام له وتقدير للقرابه يوم عل كبدي قلت تعال مر تقهو ويصير خير

يوم جا قلت يا عزيزي انت راعي حشيش اذا بطلت و جيت عاهدني بالله انك تمشي ممشى الرجال زوجتك قام وجهه يتقلب و انحرج وقال من يقوله كذابين قلت ياحبيبي انت ماتدخل دوامك الا سكران اختي مو رخيصه يا فلان اسلمها لك

و ابوي ترا انا مطلعه من الموضوع ابد انا خصمك و انا الحكم

و النسوان كلهم ع جنب انا و انت بالموضوع شاري البنت صحح امورك وبيني و بينك شرع الله والا تسريح باحسان
اخر شي خليناه يطلقها

و شوفيها كملت دراسه و تخرجت هالسنه مع مرتبة الشرف و في نفس الاسبوع انخطبت من شاب افضل منه ماده و مكانه و اخلاق و الله مابيني و بينه الا 4 سنين تقريبا ً اذا جا يسلم علي انه شوي يكسر رقبتي من كثر مايرفع راسه يبي يحب خشمي اخلاق و ادب و قليل كلام ابوه يسوى قبيله يوم جات الملكه ماطلبنا منه الا ريال و شيمة رجآل

قام و مد 70 الف قلت بعد أذن ابوي و ماظن ابوي يرفض مسكت الظرف عاد بسلومنا ماياخذ المهر الاب .. ينعطى لاخوانها فخذيت عشرين الف من المهر و قلت هذي عانيتك من زوجتك وتراها شاريه رجآل و تكفيها خمسين الف

انحرج و تقلب وجهه الوان الطيف حلف قلت تحلف و الا ماتحلف هذا امر انتهينا منه والله مومدح لنفسي كان بأمكاني اقول عانيه مني او من ابوي بس ابي اقووي القاعده اللي بتعيش عليها اختي و تكبر بعينه ونكسبه بجميل وترتاح نفسيته و يدخل عليها و هو متفرغ لها مو للديون وللانتقامات واناعوضتها و كلنا معها بس الرجال اللي يشترينا نشتريه و اللحين لو اقوله هي ودها بكذا قال نجيب كذا وابو اللي كذا انا من ايدكم ذي لذي مرره كسبناه بطيبتنا و بامر سهل


القصد من هذا كله ان الشغله على نيتك و انتي ان شاء الله نيتك برفضه لله و صافيه ما فيها ظلم او تهكم و بيعوضك ربي مثل ماعوض اختي مع انها ترا تأثرت نفسك و كيف قرايب كيف هم مواعدينه كيف يرفضونه عقب ما ملك تعرفين انتي السوالف رغم ان اختي الله اعلم هي تقضت او لا بس اذكر ان الزواج باقي له 5 شهور
فالشغله على النيه نيتك صافيه يوم رفضتي زوجك بيرزقك الله خير منه بمليوووووووون مرره
و الاجاويد و اجد

وانتي مو معذربه يوم تقولين يتيمه الامام احمد بن حنبل رحمة الله عليه كل زوجات يتيمات الام وكان يوصي فيها

لا تتزوج الا يتيمة ام ترتاح من التوصيات و جب لبنتي و تتصل عليها خلاص تتفرغ لك و لبيتك

انتي اذا مثل ماذكرتي و نحسبك من الصالحات و بني خالد انعم واكرم شيوخ و نسبهم يشرف

بيرزقك الله اللي يكون لك الام و الاب و السند

لا تحملين نفسك فوق طاقتهآ

المشاركة الأصلية كتبت بواسطة أنثى شامخة

لا تخافين ياعمري خليك واثقة من نفسك انا مطلقة وخالعة وافكر اخلع من الثاني وعيشي حياتك وتزوجي مرة وثنين وثلاثة لين تلقي الرجال اللي ماعنده عقدة وصدقني القوة في صبر القلب خليك واااثقة يا الغلااااا

المشاركة الأصلية كتبت بواسطة ميّسم

الله يوفق اختك ويتمم عليها
سبحان الله الرزق بيد رب العباد

====

الحمدلله تطلقت أو بمعنى أصح خلعت اسأل الله أن يأجرني في مصيبتي ويخلف لي خيرا منها ، ويخلف على بسمة أمل والخالديه و ذكرى حلم وكل بنات المسلمين

المشاركة الأصلية كتبت بواسطة بسمـة امل

الحمد الله لك يارب .. تدرين ان موضوعك مشغلني وشايله همك والله يعلم اني ادعي لك ان الله يقدر لك الخير.. وهذه هي الخيرة .. وكنت خايفة تصير مشاكل مثلي لأن اهلك متدخلين في الموضوع .. والحمد الله..ثم الحمد الله ..ثم الحمد الله انك ماطولتي في المحكمة لأني انا جلست بالمحكمة 5 شهور وكنت اطيح مريضة قبل ويوم الجلسة من كثر الهم اللي كان راكبني ومن كلامه اللي زي السم يمشي في عروقي .. وكنت ما أبغى احد يجرب اللي انا جربته حتى اذا قرأت كلام ذكرى او كلامك كان يأثر فيني وكنت اعتبركم مثل خواتي فكنت اتكلم عنكم عند اهلي والكل كان يدعي لكم ..
والشيء الوحيد الحين اللي اقدر اقوله ان الله يأجرك في مصيبتك ويخلف لك خيراً منها ..ويعوضك عوض مبارك يارب العالمين انتِ وباقي البنات ذكرى وبنت الخالدي ..

المشاركة الأصلية كتبت بواسطة يارب ادخل جنتك

ياحبيبتي الي صارلك مكتووب ومقدر. قبل


احمدي الله واشكريه لانه يحبك وانكشف لك كل شيء قبل ماتعاشرينه

الطلاق بعد عشره صعب

وبالنسبة لسؤالك لاطبعاً

كثير تخطب وبالعكس قبل الدخووول تعتبر ماتزوجت

لكن استعيني بالله وادعي ربي يرزقك بالزوج الصالح

المهم مو في المده طالت اوقصرت المهم السعادة والتوفيق

والدعاءىيصنع المعجزات

وانتي واجتهادك
دعواتي لك

بالتوفيق والسعااده

الله يرزقك زوج مخموم القلب صالح ترضين فيه ويرضى فيك

لاتنسي قراءه القراءن وسورة البقره

والاستغفاار

وكثري من

لااله الا انت سبحانك اني كنت من الظالمين

ربي اني مسني الضر وانت ارحم الراحمين


الله يسعد قلبك ويوفقك ويعوضك خيرا مما فقدتي في دينه واخلاقه وكل شيء.

🌹🌹🌹

المشاركة الأصلية كتبت بواسطة يارب ادخل جنتك

دعواتك لي

🌹🌹🌹