الخادمه من راتب الزوجه
السايق من راتب الزوجه
التنظيف على الخادمه تعب عليها تشتغل ليل ونهار
الطبخ على حسب اذا كانت تعبانه يكون من برى واذا لا تطبخ في البيت أنظف
الايجار على الزوج
مصروف البيت من أكل وشرب وباقي المستلزمات على الزوج
سيارته يشتريها على حسابه
بيته يشتريه من فلوسه لحاله واذا بتدفع معه تكتب اسمها معك حقها محد يزعل من الحق والأفضل ماتشترك معه وتفك عمرها يصير لو عنده جيزه على الأقل متأخر قد راح العمر
تسويلها مشروع خاص فيها يزيد فلوسها وبس
يكون لاولادها تزوجهم فيه عماره شقق مثلا وكل شي باسمهافقط
انا اللي أرفضه بشده أن تدفع معه ايجار البيت اوتسدد ديون بالاالاف مؤلفه أو تاخذ قرض وتشتريله سياره ولا تدفع فواتير الكهربا والمويه وغيره هذي أحسها مغفله وهو حقير لو طلبها هذا اللي أقصده عشان توضح الصوره

__________________
اللَّهُمَّ إِنَّا نَسْأَلُكَ نُفُوساً مُطْمَئِنَّةً تُؤْمِنُ بِلِقَائِكَ، وَتَقْنَعُ بِعَطَائِكَ، وَتَرْضَى بِقَضَائِكَ.

هلا فردوس في الحقيقة هاذا إذا توظفت شئ اكيد ان ماراح ارضى على زوجي وابو عيالي يتشحطط ويتدين هنا وهنا وانا اتفرج عليه طبعا راح اساعده واشيل من حمله شوية لاكن الله لا يهينه كل شئ مسجل بالقلم والدفتر ولما يستلم جمعيته يسدد وهو مكشر يضحك وانا لمين اجمع الفلوس غيره هو وعيالي

هو بيجي يوم ويحتاج وانا بعطيه طبعا بعد الفحص والتدقيق والتقصي عن سبب حاجته وكمان لو اعرف ان ماعنده فلوس يسدد ماراح اضيق عليه واقول له ادفع بالغصب لايرو ح فكركم لبعيد انا مو بذاك السؤ ولا بذيك المرأة القاسية انا

احب زوجي واريده يرتاح نفسيا مثل ماهو مريحني نفسيا
ولا راح انكد عليه علشان فلوس هو يعرف ان لو هو ماخذ من عندي شئ يرجعه لي بدون ما اطلب منه

حتى راتبه ما احول منه الا بعد ماهو يقول لو نزل الراتب خذي الفلوس اللي تسلفتها منك لاكن لو ما اخذتها من بدري
هو يعرف كيف يطيرها بالهواء بالرغم من ان راتبه كبير وعنده مصدر دخل آخر الا ان هاذا الرجل ما ادري كيف يصرف الفلوس
شكله ياكلها اكل اذكر مرة قال لي انا لو تبقى من راتبي ريال وماشريت فيه احس إني متضايق منه
فأنا واولادي اولى بفلوسه ولا يضيعها ويلعب فيها يمين ويسار
وانا اشوفه طبعا هاذا غير سلفياته لأخوياه واصحابه اللي يتسلف ومايردها واللي يسامحه فيها حتى الأكل لو جاب من برى ياخذ شئ زايد عن المعقول وما اقول عنه إلا انه اسراف وتبذير منه صراحة
هاذي النقطة الوحيدة اللي ما اتفقنا فيها انا وزوجي ولليوم وبكرة ماراح نتفق بس احسن مافيه انه يقبل بللي اقوله لو نصحته بشئ
ويسمع الكلام ولو ما انتبهت له والله ماغير يضيعنا بمشاريعه
اللي ماوراها غير الخساير.

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

بصراحة و بعد ما قرات هذا الموضوع كااامل و بالأخص كلامك يا ام سلطان
ماعاد يشوف مني فلس احمر يا أني كنت هببببلا
توي استرجع شريط حياتي معه و جلست اتذكر وش قد صرفت تذاكر رحلات
رسوم مدارس ملابس اكل مطاعم تصليح سيارته
و كنت عادي ادفع لان راتبه كان يروح اقساط و داخل بثلاث جمعيات
ف ما يصفى الا الف و خمس ،،
أنا مو متحسفة لان ذي راحتي و راحة عيالي .. بس راتبه وين راح ؟؟
الجمعيات كون بها راس مال و فجأة صار واحد كاش
يالله يقولك رزق المهبل ع المجانين و كل دقة بتعليمة
يالله الجنة بس .. اقول ام سلطان ليش الحرمة طيبة زيادة عن اللزوم

__________________

‏
الوعي هو الملاذ ..

أستغفر الله العظيم ؛
( الفردوس غايتي )

الفردوس غايتي انتي عايشه معه الان؟؟؟

هههههههههههههههههههههه
يا أني فطست ضحك يا صباح
توي اقرأ و انتبه للي كتبته
لا لا يوخيتي أنا تطلقت الحمدالله
بس قصدي اذا تزوجت مرتن ثانية
من زود الحماس
أمي جت على صوت ضحكي
*

__________________

‏
الوعي هو الملاذ ..

أستغفر الله العظيم ؛
( الفردوس غايتي )

فردوس هذي مو طيبة يا عيوني هذا اسمه خبااااااااااال ،،، واسمحي لي ( امون) ،،،
يا أنا كنت أهبل واردى منك ،،، بس عند الله ما يضيع شيء ،،، وعلى قولتك كل دقة يتعليمه،،،،
الي سويناه كان غبااااااااااء شنيع واستغفال

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

يا أختي أحسني تلخطت
ليه تكون مغفلة وليه هو حقير
أحيانا تكون الظروف أقوى مننا لي زميلة تصوري عايشة هي وزوجها بشقة ملكها هي
وتقول مخنوقة بس غصب عني لأن ماعنده وظيفة ولو يشتغل من اليوم لحتى سنة ما راح يقدر يجمع.

صحيح الوحدة فينا تتمنى أنها بس تكون مسؤولة عن نفسها وعيالها لكن الحياة مو بكيفنا
الله يسهل أمر الجميع

الفردوس صدقيني هذي مو هبالة
هذي شهامة
هذي تدل على إنك إنسانة طيبة غير مادية
حتى لو دفعتي وبعدين تطلقتي اعتبري كل ما دفعتيه صدقة وما يضيع شيء على الله

وصدقيني هذا طبع فيك لو بعدين ربي رزقك بزوج انتكة على قولتك
راح ترجع حليمة لعادتها القديمة
وانا اشوفه طبع حلو بس يارب يكون حظك وحظي مع واحد شهم

لا لا يالخلوقه معليش الشهامة شيء والاستغفال واستغلال حسن النية شيء ثاااااني تماماً ،،،

تدرين وش اللي يكسر الظهر هو اللي قلتيه ( ابو طبيع ما يخلي طبعه ) هذي الجملة دايم ترددها أمي الله يخليها لي اذا سمعتني أتكلم مع خواتي بهالموضوع وانصحهم ،، هههههه،،،

الله يكبر حظك ويرزقك بالزوج الصالح الشهم اللي لو تطلبين لبن العصفور وفره لك ويكفيك شر الاستغلالين واللي ما يخافون الله ،،، قولي امين ،،،

ت

__________________
علمتني الحياة .. أن استمع لكل رأي واحترمه وليس بالضرورة آن اقتنع به ...

آمين وإياك يارب

أختي صدقيني ما يضيع شيء عند الله وبالعكس هذي يدل على معدن المرأة الطيب
صحيح تحسين بألم أنه كل الشيء اللي بذلتيه في النهاية كانت النتيجة خسارة فادحة
لكن الحمد لله على كل حال
وصدقيني أنك تكوني مظلومة أو خسرانه أفضل بكثير من تكوني مخسرة اللي معك

أختي لا تحولين معروفك في الماضي لنقاط سلبية تتسبب في تدمير جزء من جمال صفة حلوة فيك وهي الكرم
بالعكس عززي هذا الشيء وافتخري فيه أنك كريمة وعزيزة نفس وصاحبة موقف صدقيني هذا بينعكس عليك بشكل ايجابي

ويارب يرزقك الزوج اللي يطير بك
هههه
تذكرت النكتة اللي تقول فيه مدرس سأل طالب أذكر لي شيء يطير
قال الطالب عمي
قال المدرس هاه وش تقول
قال استاذ امي تقول عمنا طايرن بمرته
هههههه

ويارب يرزقك مثل عمهم و أحسن