وانت حسسها إنك تبغيها للحين ارسل لها رسايل مو لازم تكلمها عشان بعدين ماتقول هو ماهتم ولا حاول يرجعني
يمكن تلاقي منها تطنيش وصد بس عادي
انا زوجي كان يزورني بين فترة وفترة ويوم ارجع له ماكان الوحام راح بس خف كثيير لأنه لو تاركني ولا يزورني كان ماراح الوحام عني
وكثيير عندنا حريم يتوحمون ف زوجهم خاصه ف الحمل الأول لأنه يكون ف اول بداية حياه جديدة ومع النفسيه ف الحمل تكره هالحياه
<<< أتمنى انكم فهمتوا
احس خربطت .

أختي دارين أقسم بالله العظيم إني ارتحت كثييييير لما قرأت ما كتبتي أعلاه
حيث أنني أمُر بنفس حالت زوجك معك
لكن الفرق إن أمك أم متفهمة للموضوع وأنا عمتي تقف بجانب ابنتها وتطلب الطلاق
والفرق الثاني زوجك كان يجي يزورك من فترة لفترة أما أنا فزوجتي تقول لي لا أشوف وجهك عندنا وأمها معها ع الخط

حتى انا كنت اقوله مابي اشوف وجهك بس كان يجي و اتهاوش معه واطلع
وامي تجي تفهمه وهو بعد فاهم
انت بس اصبر عليها والله يعين

جزاك الله خير الجزاء
بس لو تقولي لي كيف انتهى الوحام معك ؟
هل انتهى فجأه ؟ أم بالتدرج ؟
وكم شهر استمر معك الوحام ؟

بالتدرج
هو خف لما الشهر الرابع يعني صرت اتحمل زوجي يجي ويجلس معي بس مارجعت له إلا يوم خلصت 5 شهور ونص بس أختفى الوحام ف الشهور الأخيره واحيانا يجي بس خفيف حتى مابينت لزوجي

الله يعينك ويرجع لك زوجتك عما قريب

بارك الله فيك ورحم والديك
وأسأل الله أن ييسر لي أمري وينتهي هذا الوحام على خير