ماشاء الله عليك.. طباخ بصراحة

تصدق والله اليوم سويت مكرونة
لكن وش مكرونة
مادري ليه لونها أبيض! اذكر امي لون المكرونة اللي تعملها احمر
قطعت طماط طلعت بيضاء بس فيها مثل النقط حمراء
لكن بعد ما شفت مقاديرك .. تذكرت انه اللي يخليها حمراء معجون الطماط (صلصة حمراء)


اخي الفاضل
فهمت انك مغترب
انا كلها كم اسبوع وبسافر ان شاء الله
وش جدولك بالطبخ؟ تطبخ يوميا؟ وش الطبخات اللي تعملها؟

صحيح الصلصة الحمراء تعطيها لون جميل، أيضاً أقترح لاتكثرين الموية علشان المقادير مايضيع طعمها مع كثرة الموية.

أيوه أنا مغترب، أنا أطبخ بالأسبوع مرة أو مرتين، وجدولي أطبخ من الساعة 7 العصر وطالع يعني أتعشى عشر غالباً، طبخات غالبا مكرونة، فطاير، كبسة، مرقة خضار، ربيان بالخضار، دجاج بالخضار، وملوخية بالأرانب أمزح الأخيرة مو صدق

__________________
ياصبحِ لاتِقبل !!
عط الليل من وقتك..

:*

ماشاء الله عليك الله يحميك ويرزقك ببنت الحلال إلي تستاهلك
المكرونة الحمراء نادر تلاقي رجال أصلاً يضبطها بس يحبونها
لأنها تشبه الكبسة الحمراء
وأحنا كمان نسويها بالليمون الأسود وهو والقرفة شيء أساسي فيها
مع الصلصة ومن أحب الأكلات عندي تذكرني بأيام الطفولة

نت مان مبدع كشيف وطباخ وعندك موهبة الطبخ حاول تطورها


وبالهناء والعافية
ونصيحة من أخت أبعد عن البيبسي
حتى مايضر الكلى عندك أو يسبب لك سكر
هالمنتج مستحيل يدخل بيتي وضرره عظيم
ولد عمتي كان مغترب ومافيه إلا العافيه بس
أدمن البيبسي وأصيب بعدها بالسكري فحاول
تستبدله بأي شيء ثاني غير ضار

:*

__________________

حياك الله أختي الفاضلة سيدة الموقف.
شكراً أختي على هالدعوة والله يتقبلها بهذا الشهر الكريم، وأبشرك أني خاطب الحمدلله وإن شاء الله تستاهلني وأنا أستاهلها، والله يعيننا على القيام بالمسؤولية على الوجه الأكمل بتوفقه.

لا أخفي عليك بأن هذه المكرونة أفضل مكرونة طبختها بحياتي، بل أعتبرها من أفضل الطبخات اللي طبختها، المكرونة نعم تذكرني بأيام الطفولة كأكله لابد أن يمر أسبوع إلا ونأكلها، وبحكم أن بيتنا كان فيه جدتي وأبي وأمي فكان في الأغلب الطعام الشعبي هو المسيطر كالمطازيز والجريش والقرصان وهذه الأكلات كطفل لاتستهويني أبداً، وحين تأتي المكرونة فإنها وجبة أستثنائية في ذلك الأسبوع، لدرجة أني أحيانا بعد ما أنتهي من أكلها أجدني نمت دون أن أغسل يدي فأجدني فجأة محمولاً على كتف أمي لتغسلها وترجعني إلى الحوش حيث الفراش والقريب من حديقتنا الصغيرة التي فيها بضع نخيلات لازال لحن أصوات عسبانها ترن في أذني حين يحركها الهواء في صيف انقلب ليله إلى برودة لطيفة.

لم أجرب القرفة مع المكرونة لأني أخشى أن يطغى طعمها على الأكل فكما تعرفين أنه قد يطغى بقوة طعم القرفة على الأكل، أحياناً أستخدم القرفة مع الرز، وأضع عود واحد أو نصفه.

الطبخ لم أكن من أهله ولم أكن من قبل كذلك بل لا أعرف إلا أطبخ بيض، لكن الغربة والفراغ أحياناً جعلاني أبحث بالنت عن طبخات، لدرجة أن طبخاتي تطورت إلى العالمية فهناك طبخة تركية الأساس فيها البرغل والعدس طبختها قبل مدة، طعمها لذيذ جداً وإن كنت لم أضبطها جيداً إلا أنها كمحاولة أولى تعتبر خطوة جيدة.

بالنسبة للبيبسي نعم كنتُ من أعداءه ولمدة تقريباً سنة لم أشرب ربما سوى مرة واحدة، ولكن لا أدري مالذي أعادني إليه، لكن سأحاول بأذن الله البعد عنه، فأضراره بلاشك لاتخفى على الجميع، وجزاك الله خيراً على النصيحة.

وفقكِ الله أختي الكريمة وحفظَ لكِ عائلتكِ وأبنائكِ وجعل السعادة دائماً في دروبكم وحقق لكم كل أمنياتكم وأحلامكم.

__________________
ياصبحِ لاتِقبل !!
عط الليل من وقتك..