ما أكذب عليك أخوي ..

إنه الحالة هذه تصيبني دايما ، من يوم وفاة أبوي الله يرحمه ..
دايما ألوم نفسي و أسأل حالي ، يارب أنا قصرته في حقه ؟ ياربي صار الموقف هذا أنا غلطت عليه ؟
ياربي لو كان فيه كنت عملت و عملت و عملت .. إلخ ..

فهذه حالة طبيعية ( صدقني ) و غاليتي لمني بشوق و اللي أحبها من كل قلبي ( صدقيني ) ..
حالة جداً طبيعية ..

.
.

عشان كذا يوم عرفت بمرض أمي الله يرحمها ، و شفتها بالأيام الأخيرة كيف كانت تتعب كثير ..
كنت أحاول استغل الفرص اللي ما عملتها لأبوي الله يرحمه .. و من ربنا كذا سبحان الله ..
قبل لا أمي الله يرحمها تتوفى بثلاث أيام .. بست يدها و أنا خارجة من بيتها و أسألها
( ماما إنت زعلانة مني ؟ ) و كنت أبكي و الدموع زي المطر من عيني و كنت مغطية وجهي لإني خارجة
بس عيوني كانت باينة و أمي طالعت بعيني و شافتني أبكي ( أكيد فهمتني لإنها تفهمني من عيوني )
( فهمت إني أبكي حزن على فراقها ) ..

كانت وصلت للمراحل الأخيرة من المرض و ما تقدر تتكلم ..
و أشرت لي بيدها إنها ماهي زعلانة مني ..
ماعرف كيف ربي ألهمني الساعة هذيك و أسأل أمي السؤال هذا ..

.
.

المهم .. مع كل هذا الشي ..
إلا إني اليوم و أمس و قبله و من دخول شهر رمضان خااااااااااااااااااااصة ..
و أنا أفكر بنفس تفكير لمني بشوق ..

أنا يمكن زعلتها هذاك اليوم ، أنا يمكن أغضبتها بيوم ..
طيب أنا مرات كنت أمزح معاها و أرد عليها بكذا ، أكيد زعلتها .. بس ياربي هي تحبني أرد عليها كذا عشان تضحك .. إلخ من الأسئلة اللي ما تخلص ..

.
.

يعني اللي بأبينه و أوصله ،، إنه حتى لو رجعوا و عاشوا من جديد ..
و عملنا لهم اللي نفسنا نعمله لهم .. و رجعوا ماتوا و فارقونا ..

راح نرجع و نحس بنفس الإحساس ..

.
.

و الله حتى إني يوم أكل أي شي مرات و يعجبني طعمه ، افتكر بسرعة أمي و هي مريضة و ماتقدر تذوق
طعم الأكلة هذه ،، و تنسد نفسي لإني أكون اشتهيتها لأمي الله يرحمها و يغفر لها ..

.
.

بس الحمد لله إنه لنا (رب كبير ) و يحس بنا و عارف بكل هذه الأمور ،، و أعطانا طرق نوصل فيها هدايا لهم ..

كل ما حست لمني بشوق الإحساس هذا ، خليها تتصدق بنفس الوقت لأخوها ..
راح يفرح بها و هو في قبره .. و هي راح تفرح بالشي هذا ..

الأعمال الخيرية ، الدعوات .. كل شي ممكن نوصله لهم بالعمل و بالنية ..

و أنا اكتب الكلام هذا ، ترى كأني بأكتبه لنفسي ..
لإني محتاجة بالفعل لنفس اللي تحتاجه الغالية لمني بشوق ..

.
.

و نفس الشي بيصيبني ، أول ليلة في رمضان صرت بس أبكيييييييييييييييييييييييي بكاء من قلب
و اشهق من البكاء و زوجي حزن علي .. يسألني إيش فيك ؟

بس أقول له ( مادري ، مادري ) ..

اخر شي قلت له ( افتكرت أمي ،، و توي استوعب إنها ماتت و تركتنا ) ..
هو المسكين كمان أكيد تعب مني ههههه ..

:*

بصراحة مقدرت أفكر بأي رد
وأنا أقر كلامك وكلام روح الطير
اتمنى لكم من كل قلبي وأدعي ربي أنه يعوض زوجتك ويعوض روح ويسعدهم
ويحيل كل ألم أصابهم لأجر ومسرات ويفرج كربتهم ووجعهم

:*

__________________

كل عام وانتم بخير أخي .. سلامي وتحياتي للعزيزة لمني بشوق
لن أستطيع أن اضيف شيء على رد الحبيبة روح الطير فهي تتكلم من واقع تعيشه وجرحها قريب لكن خطر ببالي سؤال
اخي .. كان في اقتراح ببناء مسجد أو المساهمة عن روح اخوها .. ماذا جرى على االاقتراح ؟

__________________

اخي الكريم .....كل عام ونتم بخير واسال الله ان يبارك لكم في حياتكم

مثل مقالت روح الطير .....الموضوع مهو غريب يصيب كثير من الناس

وبقولك كيف صابني وكيف يسر الله لي حل جميل جدا قلب احزاني على من افقد حب وفرح ورضى بقضاء الله

كانت تاتيني حاله مقاربه لدرجه ابكي على امي رحمها الله ...........فانا الوحيد من اخواني واخواتي الي كان بعيد عنها وقت وفاتها المفاجئه
ولم يكن السبب يستاهل واخر مره كلمتها في التلفون ......كنت مشغول عنها .........وطلبتني فلوس احولها لها

ونتظرت الراتب ينزل .......وما تت قبل الراتب ............
كل اماذكرها ابكي ...وندم ....
الى ان يسر الله لي شيخ وصديق وعالم من مشايخ السلف الصادقين ..من الاردن الشقيقه فواساني ....وقال لي كلما حزنت عليها تصدق عنها .....ولو بصددقه بسيطه
وقال لي ....اخترع طرق ...جديده للصدقه البسيطه حتى لو بالكلمه الطيبه ..........ودع الله ان هذا العمل يكون لامك

ومثلي ياخي لا يعلم مثللك فانت من اهل صلاة اليل وقيامه لكن ............اجعل زوجتك تطبق هذا الامر ووالله سينقلب الحال الى حال
وتحس بسعاده ورضى بذكرى اخوها ..........

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

عفوا ....هذا انا مره ثانيه

عندي اقتراح اهبل ............اقترحته على واحد .....واعجب جدا بالفكره وطبقها وسعيد فيها

خل زوجتك توسس موقع على الانتر نت باسم اخوها

صفحه بسيطه جدا وتكتب فيها اسمه وتاريخ وفاته
وتطلب من كل زائر ان يدعو له بالرحمه

ولا تنسى تضع عداد في الصفحه

والله سيسعدها ربي كلما زارة صفحته ورات اعداد الزوار والدعوات له بالرحمه

قد تكون فكرتي هبلى لكن اعذرني فقط متحمس للمشاركه

__________________
من الذكى انك تسوي نفسك احيانا غبي .....!!!
ومن الغبى انك تذيكى على اناس اذكيا .......!!!!

__________________

الطبيب أو المعالج النفسي يثدر يعالج عن طريق أن يسمع للمريض ويقول له الكلام اللي يريحه أو يعطيه أدوية .. وما أتوقع أنه لمني بحاجة لأي من الاثنين ... صدرك أوسع لها من أي صدر ولمستك احن من كل اللمسات ..
لكن انت تقدر تقدر حاجتها من خلال سؤالين تسألهم نفسك .. كل كم تمر بهالحالة ؟؟ وكم شدة الحالة ؟
اذا كانت شدتها مثل ما وصفت فأشوفه أمر طبيعي .. يعني اذا كان الأمر ضيقة صدر وعبرة حلت فهذا طبيعي أما لو لا سمح الله حسيت انه تصرفاتها أو كقاءة أداءها تغيرت ممكن تفكر بمعالج لكن تخير يكون أحد بخبرة ومتابع لتطورات علمه .

أقدر شعورك ومحاولتك حمايتها من أي حزن أو سوء لكن هذي هي الدنيا . خلقناكم في كبد ..

والدتي الله يرحمها توفت من حوالي 25 سنة ولما يجيني الشوق ما أحس انه درجته اختلفت عن أول أسبوع .. اللهم إلا انه تقارب الفترات يخف بسبب مشاغل الدنيا اللي تكثر وتنسينا أسامينا .
وشعور الذنب أحسه لأنها توفت رحمة الله عليها بالمستشفى وما كان عندها أحد .. المستشفى ما وافق لأي منا يبقى عندها .. وأظل افكر كيف كانت اخر ساعاتها .

لمني كانت بحاجة لمن يسمع لها وتسند راسها عليه وانت كنت موجود بارك الله فيك .. ما تشوفها صارت أحسن بعد ما فضفضت ؟؟ أتوقع تكون تحسنت

وباذن الله لما ينتهي بناء مسجد أخوها وتشوف المصلين فيه وتشتغل بإعماره بالدروس والقرءان بترتاح أكثر وأكثر

__________________

__________________

__________________