مررررره مشكورين
انا فتحت جوالي وعرف اني فتحته
وارسل مسج انو دخلتي وفتحتي جوالك ولا اتصلتي
انا قلت له كلامي
وقلت له أوعدني انك تحترمني
قلت له انا ماابي كلام حب واهتمام بدون احترام
هو رافض يوعدني يقول الا اذا تعدلتي
طبعا انا عارفته مدري متي يشوفني ماعداه مايبين بعينه
اصريت ع كلامي انتم وش رايكم
وبقول انتي تتوهمين انا مااتلفظ عليك
وراح اعاقبك ع غيابك

يبيني اتعدل والله هذا انا
هو يشوفني متغيره واذا شافني اعاتبه ع شي من حقي جلس يتكلم ويتلفظ
يبيني اتصل عليه وأطمنه بكل وقت وان اتصل ارد بسرعه مايبي الاخ يتصل كم مره ولا يلقاني
يبيني اسمع كلامه واقوله ان شاءالله حبيبي لو كان هالشي ماعجبني
وانا صريحه ومااحب اجامل
قلت له يابن الناس انا قلت لك اذا انت تبيني أوعدني بانك تحترمني
انا ماطلبت أوعدني باهتمامك وحبك وتطمني هالشي بيجي منك لأنك تحبني ومتنازله عنه
اهم شي عندي انك تحترمني
رفض قلت يعني ماتبيني
هذاراختيارك والله يوفقك بحياتك
ارسلي آنتي عاجبك البعد وانا الله معي
ماراح ينساني
دام انوانا ماابي قربه وظالمه وظنوني شينه
قلت حطها بذمتك
ياناس هو يبي يغلط ويبيني أنا افسرها بآشيا حلوه
مثلا كلمة ماتستحين يقولي انا مااقصد التفكير الشين اللي في راسك
حبيبي هالكلمه قويه وماتنقال لاحد يقولي
أصحابي يفسرون كلامي للزين وانتي لا
انا قلت لكم صريحه ومو كل شي احطه في قلبي وأسكت
يعني غلط علي من حقي اعاتب وازعل والله وانا صايمه
انه يغلط احيان ويقصر وامشي له واتغاضي
حتي قبل جايني يقولي حبيبتي سامحيني انا مقصر بحقك
وابيك اهم تهتمين بصحتك يعني هو عارف ان للفتره الاخير انه هو مقصر
انا قلت له اني انا واضحه معك وانت مو راضي تتنازل
انا قلت له أوعدني وأوعدك اني اسوي اللي تبيه
هو لا يبيني ارجع ويعاقبني ثم بعدين يوعدني
وهو بكيفه

اول شي صياما مقبولا
وطنشيه فتره الين يحس بقيمتك شكله شايف عمره بس لاتجادلين معه لان شكله عنيد وماودي انك تجادلينه كثير تكبر السالفه
اذا كلمك بعدين وحسيتي انه مرتخي اشوي قولي له اوكي بتعدل بس لاتظهرين ضعفك ابد وقولي له انت لازم تتعدل من جهتك بعد
واشرطي عليه يروح لدوره المقبلين على الزواج واذا رفض انه يسمع لك دخلي احدمن اهلك في الموضوع
وانتبهي تستسلمين له بدون شروط تراه جالس يحاول يكسرك
وانتبهي لاتتسرعين في قراراتك فكري زين وانا اخوك
موفقه

ماشاء الله عليك .. اسمعي كلام الاخ لوف ونفذيه ..
شخصيته فهمها زين .. وما اكذب عليك شخصية خطيبك تشبهه كثير شخصية خطيبي سابقاً كان يسوي الشيء ويقول ماقلت شيء وبعدين يعتذر وحاولت اغيره وماقدرت لأني ماحزمت معه من الأول لدرجة انه صار مايصدق كلامي يفكره كلام اهلي وصار يقط كلام زي السم .. لأنه تعود اني ما ارد ولا اوقفه .. وكان يفكر انه مالي شخصية لاني استحي منه ولا ابي ازعله ..
فأصري على رأيك ولا تلينين الا زي ماقال الاخ لووووف .. والله يسخر لك خطيبك لك

انا خلاص ارسلت له لا عاد ارسلت له
ولا حتي دخلت الواتس
خطيبي يبيني امشي ع كيفه ولا يبيني افتح عيني ع شي
ولا يبيني احتك باي احد
انا قلت له اللي عندي اذا هو يبيني راح يسويه انا ماطلبت منه شي كبير
ربي يهديه يارب

والله ماودي انكم تفترقون

دايم تذكري انك وياه فريق واحد واصبري وصابري

انا مااقولك ادعسي على حقك وخليه يهينك بس لاتستعجلين بقراراتك ابد

ولاتزيدين الفجوه بينكم

وحاولي انك تحتوينه انا اقولك هو بعقله ان الكلام اللي يقوله لك مافيه شيء وقالها لك بنفسه وماادري وش شايف من ناحيته هو بس حاولي انك ترضينه وتفهمين شخصيته اكثر وتشوفين نقاط قوته وضعفه بعدين راح يسهل عليك التعامل معه

والله ماودي تتفارقون وانتم تحبون بعض وترى هو جالس يحاول يسيطر عليك بيشوف انت تخضعين له ولا لا
وهذا شيء يخص بالرجل يمكن ماتفهمه البنت ولاكن احنا اول مانملك نبي نفرض سيطرتنا عليكم عشان نحس بالامان معكم
مو صحيح الشيء هذا بس سبحان الله طباع الذكر انه يكون مسيطر وتراه طبع بالفطره يعني مو قاعد يتصرف بناء على خطه او لعانه
انت اهم شيء لاتستعجلين بشيء ودايم تعاملي معاه على اساس انكم بفريق واحد مو اعداء

الله يصبرك ويفرجها لك وتحصلين فيه الزوج الحبيب اللبيب
وهذي حياتك شوفي اللي ينفع لك من كلامي وخذيه واللي مايعجبك لاتاخذينه
وشاوري اللي يحبك من الناس وانتبهي من حسادك

موفقه

طيب انا ملكه وزوجته يسيطر علي اوك بس لا يتلفظ علي
ويكفي اني تنازلت عن هالشي شنو بيضيره اذا أوعدني
هو مادخل الواتس من العصر يبيني اقلق واتصل انا اعرف حركاته
بس انا مادخلت من جوالي ادخل من جوال امي
والله احبه ولو يبي عيوني تفداه وحياتي كلها له
بس انه يحترمني الحين هو سندي بعد الوالد اذا هو مااحترمني ومااحتواني
منهو اللي يحترمني ويحتويني
انا ابي اشوف هالشي منه هو
أنا مو من النوع اللي احكي لاهلي عن علاقتي معاه او ادخلهم في هالشي.
ربي ييسر الامور
وانا بينت له بس هو لو يبيني جد وعدني انا تنازلت عن حبه واهتمامه بس
ربي يهديه
وبالاخير يقولي الله معك وماراح اترجاك انتي مرتاحه في بعدي
وانا ربي معي وماراح اعلق نفسي لانسانه ماتبي قربي وظالمه
انا في ايش ظلمته ان انظلمت ظلمت نفسي في البدايه
يعني بالله هذا كلام شخص شاريني
وآخر مرره يقول اذا جيت وقلت لك ماابي شي منك فااعرفي اني لقيته عند غيرك
انا عارفته يبي يقهرني ةينرفزني بس بالله هذا كلام واحد يقوله
طيب الحين وش اسوي

أختي بصراحة تصرفاته عادية.
لأنه عرف شخصيتك وطريقة تعاملك وردة فعلك مع أمور مثل هذه وانت اعطيته الفرصة وتسامحت مع أمور مثل هذه من البداية.
لكل مشكل حل.
والله الحلول كثيرة ولكن متعبة بعض الشيء.
لانه قلل من شخصيتك بألفاظ مثل هذه.
وعليك ان تثني على الماضي وتعيدي مجدك لسابق عهده كأنه لا يعرفك.من جديد.

شنو تصرفاته عاديه
اخوي لما يدق مرتين ولا ارد يزعل ويعصب لما أكلم صحباتي يتضايق
لما اعاتبه يتضايق ويشوف نفسه ملاك ومايغلط
وحاط انو انا الغلط
ويكفي انو يحكي ويكرر انو الزوج عادي يكذب ع زوجته
لما واحد في احلي ايام عمره يجلس يهين بزوجته
انا عذرته لانه كان مضغوط ماسكت لأني ضعيفه
واصلا توه قايلي انه هو مقصرويطلب اني اعذره
ربي يهديه

حبيبتي لاتكبر المشكلة اخاف الشيطان يدخل وتنفصلون
وضحي لة انك ماتسمحين لاحد يقولك هالالفاط ويقلل من احترامك
اذا احترمتني بالمقابل راح احترمك واقدر اعطي معك ولك ماتبي
الله يصلح مابينكم ويجمع بينكم بخير