أخوي الفاضل ، الحب المستشار ..




أملي في الله كبير ، و سكوتي (مو ضعف أو عجز أو خوف) ..

لي القدرة و الحمد لله على أخذ حقي، لكن بطرق ما يرضاها ربي أو تخالف مبادئي أو طرق السفهاء
اللي أرفضها .. و ما أحب استخدم نعمة ربي أنعمها علي في شي يغضبه فيحرمني ربي منها ..


كان وجود ( أمي ) رحمها الله ، قبل وفاتها منذ بضعة أشهر ..
يخفف عني الكثير ، فكانت كالجدار تمنع أي أذية من الأقربين ..


لكن أمي ماتت و صار بالسهولة إنه اللي ما تخاف من الله .. تكذب و تقول أمك قالت عنك كذا و كذا
قبل لا تموت .. طبعا أمي ماهي فيه عشان تسكتهم و تكذبهم ..


بس أنا أعرف أمي أكثر منهم ، المشكلة في اللي حوالينهم ( الإمعة ) اللي يصدقوا أي شي ..

لكن حسبي الله و نعم الوكيل هي اللي دايم أرددها ،.

,
,


و نصائحك جداً قيمة و ذهبية ..


أنا راضية و الله و سامحتهم من قلبي و عفيت عشان الله ..
لكن رجعوا و اتهموني بالنفاق ، لإني سامحتهم ؟؟؟
عقولهم الصغيرة ماهي قادرة تستوعب إنه شخص يتبلوا عليه و يسامحهم ؟

لكن حالياً بعد اللي رجعوا عملوه ، قلبي رافض تماماً العفو عنهم ..
خلاص فوق طاقتي و ماقدر أسامح .. و تعاملي معهم راح يكون معاملة ( الضيف للضيف فقط ) ..

.
.


النصيحة الثانية ، للأسف هم هذول أقاربي اللي كئيبين .. و يزعجهم ابتسامتي في وجه المصاعب ؟

لكن نصيحة بجد قيمة ، و راح أخد بها ،، لإنها بالفعل مفيدة و ما كنت أعرفها ..

أما التصيحة الثالثة ، فلا أجد متسع من الوقت لأداء الفروض فكيف بالهوايات، بسبب وجود طفلين
بحاجة لرعايتي لهم .. لكن بأستغل انشغالي معهم بإني أزرع فيهم أمور أبغاهم يكبروا عليها بإذن الله ..


.
.
.



أخوي الفاضل ،،


الوحدة إذا عاشت مثلا مع زوجها شهر أو سنة ،، و تطلقت و تنكر لها هذا الزوج مثلاً ..
فتلاقيها تتحسر على الأيام الحلوة اللي قضتها معاه و اتهمته بالخيانة ..


فما بالك بمن هم من لحمك و دمك ، و كل حياتك كانت معهم و مو واحد ..
بإختصار ( كقصة يوسف عليه السلام ) و مع أوجه شبه كبييييرة جداً ؟؟؟؟؟



فكنت البنت المفضلة لدى أمي رحمها الله ،.
و ها أنا أتحمل نتائج الحقد الدفين اللي انزرع بداخلهم سنوات تجاهي ..
لكن اكتشفته فجأة و بفترة عصيبة .. و بالوقت اللي المفترض نكون فيها يد وحدة ..


ما صبروا حتى لحد ما ينشف تراب قبرها ..
لكن الشيخ في كتاب لا تحزن قالها .. لا تحزن بل قل لهم ..
(قل موتوا بغيظكم)

.
.


من أجل ذلك ( فقد طلقت ) الماضي بالثلاث ..
راح أنظر فقط للصور الجميلة التي صنعت حاضري و الحمد لله ..

أحسن الكلام