سيدة الموقف

هو بالفعل ملول ، و لا راح يفهم إيش كتبتي و قلتي ..

.
.

بكل صراحة ،،

أنا ( إلى الآن ) ما غفرت له ، و لا سامحته ..
و مستحيل أسامح و أنسى ..

تحليل الأخ البليغ ( كان جدا دقيق بالوصف ) و هو بالضبط اللي أشعر به ..

.
.

ظاهرياً ، الحياة كأنها ماشية عادي بطبيعتها ..
عشان الأولاد حياتهم ما تتأثر ، و خاصة إننا داخلين على وقت مدارس ..
و ولدي لازم أدور له على روضة أو تمهيدي أسجله ..

و الثاني بحاجة لتطعيم و مستلزمات أخرى ..

.
.

قراري ..

لو شفت حالي ما أقدر استحمل الحياة معاه ،

و كل مرة بأفتكر اللي حصل ،

و هو ما شفت منه أي محاولة للإصلاح أو التغيير ( الجاد ) مثل ما وعد و عاهد ..

( فحياتي بعيد عنه ، بتكون - أكرم - لي ) ..

.
.

فاكهة الشتاء

كلامك أبدا مو قاسي ..

و أنا و الله حاولت ، و ما أبغاه بمثل طموحي و مستوى دراستي و كذا ..

.
.

اللي يقهرني ، إنه الناس تشوف - ظاهريا - ،، زوجي الشخص البرئ النقي الطيب الطاهر ، بسبب هدوئه الظاهري ..
و يشوفوه كيف يعاملني أمامهم ..

يقوموا يحللوا من راسهم ،.

(( روح الطير ما تبغى غير دكتور أو طبيب ؟؟؟؟؟؟؟؟؟؟؟؟؟؟؟ ))

مين سمح لهم على كيفهم يتكلموا ؟

يعني لو أبغى دكتور و لا طبيب ،.
كنت قبلت بزوجي و هو ماعنده شهادة و لا وظيفة و لا بيت و لا سيارة و لاشي .؟
ما أبغى ( أتمنن ) .. بس اخترته ( عشان أخلاقه و دينه ) ..


بس ماني ( بايرة ) و لا ناقصني يد و لا رجل و لا عين و خشم .. ؟؟؟
و زوجي داري بالشي هذا ..

.
.

حالياً ..

يهمني الأولاد يعيشوا حياة مستقرة ، في بيتهم معززين و مكرمين ..
لكن إن حاول زوجي بيوم ، يهدد بهم ( راح أعطيه بسهولة الأولاد ) ..

.
.

هو مو فاهمني ، يحسبني أبغاه ( يدفع ) و أبغى ( فلوس ) .. !؟
أنا أبغاه يكون ( صااااااااااااااااااااااااادق ) ..

.
.

وقت ما تكلم بصراحة و بدون كذب ، و شافني كيف اسمع له ..
و بالمقابل فتحت له قلبي ..

هو ( توه اللي فهم ) ..

.
.

ذكريات لا تغيب ..

أنا ما أفتكر و الله إيش كتبتي قبل ، و إيش رديت ..
بس كنت بحالة جدا سيئة ،، سامحيني و الله ما أفتكر إيش كتبت ..

.
.

احساس عمري ..

هو جابها على نفسه ..
و إنت ما تعرفي زوجي ، كيف يعرف يقلب الأمور علي ..

و أهله أكيد راح يصدقوه دايماً ..

خلاص كان لازم يعرفوا ، و أنا ما تقصدت أقول لهم عشان اشتكي مثلا ..

كنا خلاص مقررين نترك بعض ، و أعرفه راح يستمر يكذب على أهله ..
فقلت أخليهم هم ينتبهوا على ولدهم ..

عالأقل عشان العشرة اللي بيني و بينه ..

لإني ( شلت يدي منه ) ..

.
.

توفي و فيصل ..

لا ما تركت ولدي بالسيارة نايم ..

أنا ارسلتهم مع أبوهم ساعة 12 و نص تقريبا ..
و دقيت عالساعةة 2 ..

يعني لحد ما يودي الكبير لبيت عمه ،، تكون عدت ساعة كاملة أو نص ساعة ..
يعني الصغير ما نام بالسيارة غير ساعة وحدة تقريبا ..

.
.

حرام الأولاد يتحملوا ذنب الكبار ..

.
.

بنت عمتي شفتها كيف محتارة ، تتزوج و تشوف حياتها .. و أولادها يتبهدلوا ..
و لا تضحي عشان أولادها و بكرة يكبروا و كل واحد يشوف حياته ..

.
.

فاكهة الشتاء ..

أنا هذا اللي خايفة منه ..

هل هو ( صادق بتغييره ؟ ) ..
و لا بعد سنوات ، يرجع لعادته و يتنكر ؟؟؟

.
.

هل رجوعه ، لإنه يدري إنه هو الخسران لو تركنا بعض ..
و لا لإنه بالفعل ( مقتنع بضرورة تغييره ) ؟؟؟

.
.

يقول لي ،، اللي تطلبيه أنا مستعد أقدمه ..

.
.

أنا قلت له ما يدخل ، مو عشان خايفة على مشاعره ..
لإني ما أبغاه يزعجني ، و لإنه هذا المكان اللي ارتاح فيه

.
.

بس شكلي عشان قلت له ، المكان الوحيد اللي فيه ناس أحبهم و يحبوني ..
جاء يبغى يشوف مين هم ههه ..

أعرفه ، ما يقرا و الله ..
و لو قري ما فهم ، و لو فهم .. بيفهم اللي براسه و بس ..

.
.

سيدة الموقف ..

هو يكره الفلسفة ،،
تكلمي بالفلسفة و الحكم و الأمثال .. و راح أفهمك ..

زوجي ما يحب يتعب مخه و يكره يقرا كلام معقد ..
أظن فاهمتني ..

لإني محتاجة بالفعل لنصيحتك ..

.
.

أخوي البليغ ..

( أنا حالياً .. محلّك سر ) ..

بس بأعيّش زوجي ( حياة سي السيد ) ..

.
.

يعني مثلا ، كان يبغى موية .. يقوم يجيب لنفسه عشان ما يتعبني ..

صرت دحين أقول له ، إنت اجلس ( أنا أجيبه لك ) ..
و أشربه بنفسي ..

أول كان يرفض إني اخدمه أو أقدم له أي خدمة ..
دحين .. مثلا ( استغل الفرصة و اخليه موقف للضحك أو المزح ) ..

يعني ( أحاول أصنع و أخلق أي جو للمرح ) ..

.
.

* لسى ما حاسبته على اللي صار *

لإني قلت له محتاجة وقت مع نفسي ، عشان أقرر ..
بس راح نعيش حاليا حياة طبيعية عشان الأولاد ما يتأثروا ،،

.
.

الصراحة اليوم ، نفسيتي رجعت تعبت من جديد ..

و السبب ..

مثل ما وصفت بردك ..

هذه كل الأحاسيس اللي حاليا أشعر بها ..

.
.

ووحاسة إني أوصل لمرحلة ، ما أقدر خلاص أقدم فيه أي شي ..

.
.

و الصراحة ، الفرق بين رواتبنا جدا كبير ..
عشان كذا فيه ( خلل ) ..

.
.

أنا كيف ممكن أساعد ، و بنفس الوقت ( ما أحس بالإستغلال ؟ )

أهله يقولوا له ( زوجتك واجب عليها تصرف عليك ) و الشي هذا يخليني أزيد عناد ..
و هو رد عليهم و سكتهم و قالهم ( ما هي مجبرة .. أنا رجال البيت اصرف عليها )

.
.

بت الحكمي

الحكاية مو حكاية فلوس ، هو خليه ( صادق ) كفاية ..

هو ما عنده حسن تدبير ..