الله يفرج همك
ويظهر الحق عاجلا غير اجل

__________________

حي الله الأخت العزيزة والغالية في رجاء الله نورت الشاشة ويعلم الله على كثر مافيني من حزن وألم وقهر كثر ماني فرحت وانبسطت بشوفتك صرت مثل اللي عنده حالة وفاه وفجأه بشروه بمولود جديد الله يحفظك ويسلمك والله اني اشتقت لك حيل واني مانسيتك ودائما تطرين على بالي وكل ماتجين على بالي ادعي لك انك تكونين في احسن حال والله اني فرحت بشوفتك يعلم الله واحمدالله واشكره اللي طمنا عليك وفي الحقيقة وانا اختك اللي يشوف مصايب غيره تهون عليه مصيبته الصراحة مصيبتي وبلوتي شفتها اهون بكثير عن كل ماكتبتيه هنا اسأل الله ان يعينك ويصبرك ويشفي زوجك ويعافيه ويصرف عنك كل من اراد بك شر والله انا سالفتي شفتها بسيطه لاكن وانا اختك الظلم والقهر ياكل قلبك أكل من الداخل يحطمك ويكسر نفسك من الداخل حكايتي جرى نقاش بيني وبين وحدة من اهلي وقالت لي شئ بخصوص موضوع خاص بالعائلة ولما جيت اناقش في الموضوع واتقصى من العلم الأكيد وطلبتها تقول الكلام اللي قالت لي عنه كذبتني واجحدتني وانكرتني امام اهلي كلهم وطلعت انا الكذابة وانا ام الفتن والمشاكل وهي بريئة ولا لها يد في الموضوع والمصيبة الأهل صدقوها وفيه مجموعة وقفوا معاها بسبب خلافات سابقة بيننا لأن انا مارضخت لكلامهم ولا اطاوعهم في اللي يسونه واللي يقولونه عندهم مبدأ إن لم تكن معي فأنت ضدي وعلى قولت القائل لاطاح الجمل كثرة سكاكينه وصارت مشكله كبيره وزوجي تدخل لما شافني تعبانه وماقدرت اتحمل راح اتصل بواحد من اخواني وقال له ما اللي يبغى يتصل على اخته ويسألها عن احوالها ويطمئن عليها حياه الله واللي عنده سوالف وقيل وقال بلغ اخوانك واخواتك كبيرهم وصغيرهم ممنوعين يتصلون على جوال زوجتي نهائيا وانا رفضت تدخل زوجي بالسالفه وطلبت منه مايتدخل بأي شئ بيني وبين اهلي نهائيا بس هو كذا من راسه ورحت دقيت على اخوي اللي اتصل عليه زوجي ووصاه بالكلام وطلبت منه ما يقول لهم شئ ويخليهم ولا يتكلم باللي قال له زوجي عنه ويسكت نهائيا
مايجيب طاري لهم علشان مايقلبون السالفة على راس زوجي هم مايصدقون بشئ بسيط عليه لأن سبق وصارت بينهم مواقف كثيره وتعدي على خير وانا والله ما اتدخل في شؤنهم ولا مشاكلهم وحتى إني ساكنه في مدينة تبعد عنهم 2000 كيلو بس بالإتصالات صارت هالمشاكل وحتى لو رحت لهم ضيفة والسلام زياراتي لهم قليلة كله علشان اتحاشى سوالفهم القيل والقال كل واحد يحش بظهر الثاني في وجهه مراية وفي مقفاه مقص وانا اكره هالأسلوب وما احبه ولو تكلموا بشئ ودافعت او قلت كلمة الحق يعتبروني اني اكرههم وماني بصفهم واحب اللي هم تكلموا فيه واني افضله عليهم وانا والله العظيم اقسم بالله اني احبهم ولا احقد عليهم ولاني شايلة عليهم شئ بقلبي واخاف عليهم لو صار في اي احد منهم شئ هم وعيالهم وربنا هو يعلم باللي في القلوب يعلم الله ان عيالهم وبناتهم معزتهم وغلاوتهم بمقام عيالي يشهد الله على قولي وانهم عيالهم يحبوني ويحترموني وللحين يتصلون عليه ويعتذرون نيابه عن ابائهم ويقولن علشاننا ياعمه لاتحطين في خاطرك شئ واحنى نعرفك ونعرفك معدنك وطيبتك وواثقين منك ومن صدق كلامك آخرتها امس باليل واحد مرسل لي الحشيمه والتقدير لك ياعمه وطالبك طلبه تنسين هالموضوع ولا تضيقين على خاطرك بشئ واللي تطلبينه انا واخواني مستعدين فيه

عيالهم غير عنهم في كل شئ الله يصلحهم ويهديهم ويسعدهم ويحفظهم يارب

لاكن انا والله ماقدرت انسى نار تاكل بجوفي النوم ما اهتنيت فيه احس ان ماعاد لي نفس اقابلهم او اجلس معاهم احس اني انكسرت من الداخل حتى اولادي وزوجي ملاحظين هالشئ نفسيتي تعبت خصوصا إني المرأة هاذي احبها واقدرها واعتبرتها ذراعي اليمين واحن واعطف عليها ومن لحمي ودمي ومستحيل إني اكرهها او احقد عليها ماقدرت افكر حتى مجرد التفكير في شئ يخليني اكرها وانساها بس كل ما اتذكر كلمة اخوي وهو يقول لي هاذي هي جنبي جالسة فلانه وتقول انتي كذابة وانتي جبتي هالكلام من عندك هي ماقالت كذا احس ان ودي الأرض تنشق وتبلعني والله ان مافيه احد في حياتي قد سبق وقال لي انت كذابة لأني عارفة نفسي زين ما احب الكذب ولا امشي مع كذوب حسيت انه كأنه اعطاني كف بنعاله الله يكرمكم وانصدمت وتفاجأت لدرجة إني انهرت وبكيت قهر وغبن ألم وحزن وارتفع ضغطي لمستوى قياسي لدرجة حتى الكلى عندي تأثرت من ارتفاع الضغط وتعبت نفسيا وجسديا وللحين مازلت اعاني من اللي صار لاكن مانقول غير الحمدالله على كل حال وربنا مايضيع عبده المؤمن ان شاء الله وعندي يقين ان الله راح يظهر الحق في يوم ما وابشركم ان شاء الله تعالى انا دعواتي مستمره ان الله يهديها ويصحى ضميرها وتقول بالصدق والحقيقة وعفى الله عنها واصلحها ان شاء الله لنفسها واهلها


وانتي يارجاء ربنا معاك بإذنه تعالى ونسأل الله ان يشفي زوجك ويرده لك افضل من ماكان يارب ويصرف عنك كيد كل من اراد بك وبأسرتك شر ومكروه واكثري من قول اللهم إني اعوذبك من شرورهم اللهم إنا نجعلك في نحورهم اللهم إكفينا هم بما شئت يارحمان والحمدالله على كل حال مالنا غير الله هو الواحد الأحد اللي يعلم بكل شئ ويقدر على كل شئ نوكل امرنا له سبحانه وتعالى ونحتسب الأجر والثواب منه جلا جلاله
وجزاك الله خير وبارك الله فيك وفك الله كربك ومحنتك ورزقك الله السعادة في حياتك عاجلا غير آجل يارب

وارجوا منك انك تطمنينا عن احوالك واخبارك كل ماسنحت لك الفرصة وبعون الله ماراح ننساك من دعواتنا يالغالية .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

مرراحب باام سلطاان , الله يسلمك ويجزااك خير ويولد الفرحة في قلبك ويبعد ضيقك وأحزاانك , والله ياام سلطاان مانعرف بعض الأا من خلف هالشاشات لكن نحمل مشااعر طيبة لبعض وحتى مواساتنا لبعض ترفع معنوياتنا, خاصة لمانذكر أن فيه أحد يذكرنا و بدعوة وهو مايرجي الا من عند الله من جد له أثر كبير في النفس.
بالنسية للي صاار لك حااسة فيك الظلم والغبن شيين ومر خااصة لما يكون من شخص ماكنتي تتوقعيين منه الأذى .
لكن لعل في الأمر خيرة وماتعرفينها الا بعديين وممكن تطلعين بدرس يفيدك في حياتك بعدين وممكن ربي
يدفع عنك بلاء بعد هالمشكلة , وتكتشفين معادن النااس ويزيح عن عيونك غمامة ماكتنتي شايفتها , حنا ننظر دائما لأي مشكلة أنها مصيبة وكارثة وان حياتنا لازم تتوقف فترة من الزمن ونقااطع الحياة بكل مافيه , تذكري حبيبتي ( وعسى أن تكرهوا شيئا وهو خيرا لكم )
, وبعدين مشكلتك هذي راح تااخذ وقت وتصير مااضي والي ظلموك رااح يستسمحون منك , لكن الأهم أنك ماتنلدغين من جحر مرتين سواء هم أو غيرهم.

وراح الأياام تثبت لك كلاامي , وأن أزمتك هذي ماهي الا إبتلاء يعقبه خير لك .
لكن أنا بنصحك حبيبتي لوجه الله ساامحيهم وأعفي عنهم لوجه الله , وأكيد تعرفين قصة الصحاابي الي شهد له الرسول بالجنة , سامحيهم من قلب وشوفي كيف ربي رااح يريحك وتنامين ماتفكرين في شي , الوااحد لما ينظلم في هالدنيا ممكن مايساامح وربي يقتص له يوم القياامة بحسناات من اللي ظلمه , لكن لو ساامح لوجه الله مايعرف جزاءه يوم القياامة الا الله .
وربي يريح قلبك ويفرج همك ويرزقك على نيتك , ويفرج هم كل من يقرأ ويأمن .

قال علي بن أبي طالب رضي الله عنه.
جزى الله الشدائد كل خير ...........فقد بينت صديقي من عدوي .

__________________

هلا بالغالية في رجاء الله جزاك الله خير وبارك الله فيك وكلمات الشكر قليلة بحقك غاليتي لم اتعلم درس واحد من هذا الموضوع ولاكني تعلمت دروس عديدة ورب ضارة نافعة وهذا الموضوع كشف لي كل الوجوه اللي حولي وسقطت كل الأقنعة وعلمت بمن يدسون السم في العسل وعلمت ما يخبئونه لي في قلوبهم غير عن ماتقوله لي السنتهم علمت من هو الخبيث من الطيب وعلمت من هو المنافق ومن هو المجامل وعلمت من هو الصادق الصدوق الوفي الذي لايرضى بالطعن في ظهري سوى في وجودي او غيابي ظهرت لي المعادن الأصيلة من المعادن الرخيصة والحمدالله ان الله كشف لي خبث وكيد الكثير من من كنت اثق بهم واعتبرهم كل شئ بالنسبة لي وكان لهم عندي قدرهم وثقلهم وغلاوتهم اللي مالها حدود اللي حتى من قوة الصدمة للحين ماني مصدقة فيهم واحس اني كنت في كابوس من اللي مرعليه وعانيته وقاسيته في الفترة اللي فاتت وللحين اثرها في نفسي انا ماقدرت اكرهم او احقد عليهم او ادعي عليهم علشان اسامحهم قلبي للحين مازال ينبض بمحبتهم رغم الجروح النازفة اللي سببوها لي تصدقين يارجاء ان عندنا اجازة الحين شهر كامل وكان نفسي اروح اسافر اجتمع بأهلي واعيد معاهم وانبسط بلمتنا وجمعتنا مع بعض لاكن ماقدرت اسافر ولا قدرت اروح لهم بسبب هالموضوع اللي احسه حط من قدري وقيمتي بينهم بالرغم من معرفة الكثير منهم بالحقيقة حتى اللي نيتهم غير صافية تجاهي وفي قلوبهم حقد دفين بدون ما اعرف له سبب يعرفون مع مين فينا الحق لاكنهم استغلوا هالسالفة في تصفية الحسابات ولشئ في نفوسهم الله اعلم فيه انا ماقدرت اسافر بالرغم من محاولات زوجي وتوسلات اولادي لي وطلبهم انهم يسافرون عند خوالهم واعمامهم إلا ان النفس طابت من السفر ومقابلة من غلط بحقي بالرغم من شوقي لهم وحنيني إلا هناك عزة نفس وكرامه مانعتني من مقابلتهم اخشى اني اسافر والجرح يزيد وما يلتئم ويزيد فوق جرحي جروح بالذات ان الأجواء عند العائلة مشحونه بما فيه الكفاية بالمشاكل العائلية هناك بينهم فما حبيت اسافر وتزيد مشاكلهم زيادة الجو عندهم متكهرب زيادة والعائلتين متوترة العلاقة بينهم فماحبيت اسافر والاقي كل واحد منهم يشتكي من الثاني ولو قلت كلمة الحق زادوا عليها وعملوا لها ديكور مرتب وقلبوا السالفة فوق راسي افضل شئ اكون بعيدة عنهم احسن لي ولهم واللي يعزني ويغليني منهم يدل ديرتي ويدل ارقامي راح يتصل ويسأل وراح يزورني وانا عارفه اللي راح يسأل عني بسأل عنه وعن احواله حتى الله يأتي بأمره ويفرجها وتنحل الأمور على خير وخلاص يكفيني الدرس والدروس اللي تعلمتها من هالموقف والحق راح يظهر في يوم ما ربي سبحانه وتعالى ماراح يضيع حقي وهو اعلم وادرى من كل هالبشر اهم شئ عندي ان الله يعلم من الصادق ومن الكاذب ويعلم من على حق ومن على باطل هذا اهم شئ عندي بالدنيا كلها الله هو اللي بيحاسب ابن آدم على اعماله مو البشر اللي بتحاسب البشر والحمدالله انا عندي يقين وثقة برب العالمين ان حقي ماراح يضيع وانه في يوم ما سيظهر الحق ويزهق الباطل بإذنه تعالى

وشاكرة لك مرورك وكلماتك الجميلة والصادقة التي خرجت من لسانك الى قلبي مباشرة وقرأتها اكثر من مرة واتعظت بها كثيرا الله يجزاك خير ويعطيك على قدر نيتك ويشفي لك ابو اولادك ويرفع عنه ما اصابه ويرجعه لكم الى سابق عهده كما كان واحسن من ماكان يارب ياكريم ياعظيم يا مجيب الدعوات ومفرج الكربات ويامحي الأموات ويارافع السموات وياجابر العثرات اسألك ان تعطي اختنا التي هي في رجائك سؤلها وتحقق لها مبتغاها وتيسر لها امورها وتسعدها في حياتها وتصلح لها زوجها وذريتها ياكريم ياودد ياذا العرش المجيد يافعال لما تريد خذ بيدها واعنها والطف بحالها وحال زوجها واشفه شفاء لايغادر سقما وارجعه الى عقله ورشده وصوابه والى اهله واحبته واصرف عنه كيد الكائدين وخبث الخائنين وحسد الحاسدين وسحر الساحرين يارب انك سميع مجيب الدعاء وها نحن دعونا ومنك الإجابة يامن وسع برحمته كل شئ اللهم آمين .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

اللهم آمين يارب وجزاك الله خير وبارك الله فيك وشاكرة لك دعواتك والله يسلمك من كل شر .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله