رد : دعواتكم الصادقة لأختكم في الله
اقتباس:
المشاركة الأصلية كتبت بواسطة في رجا الله
أم سلطاان يلبى قلبك والله ,جعل ربي يفك ضيقتك ويهدي اللي ظلمك ويرده للحق ,لي5 شهور مادخلت ولما قريت موضوعك ضااق صدري من جد وحااسة فيك , بس صدقيني بتقرج بإذن الله ربي كريم أحسني الظن بالله .
ايوه الظلم صعب ومر ومؤلم خااصة لمن تكون من شخص غاالي وقريب جدا ومن شخص ماتوقعتيه منه .
والله شووفي عاارفة مشكلتي بدخل السنة التااسعة وأنا في هالدوامة والله من الظلم اللي تعرضت له وكل شووي وأبو الشبااب الله يهديه ظالمني بشي آخرها الاسبوع المااضي , بس مايطاوعني قلبي أدعي عليه ولا أشيل في قلبي مع أني ماانسى التجريح اللي يصير لي , وعاذرته يمكن خاارج عن إرادته لأن اللي يصير له فوق طااقته
غير إتهاامي بالتقصير مع أني أشوف نفسي مثاالية عنده ومستحيل أقدم أحد عليه .
تعرفين أنا أنظلمت من شخص ماعرفه بس الله حسيبه كان يرسل على جواالي مسجاات وصور رجاال ويكتب لي ياافلانة أسمي ردي على جوالك الثاني مع العلم أني مااعندي جوال ويقول وشراايك في صورتي , الفترة هذيك كاانت حيااتي مع زوجي على محك وطلقني مرتين وجواللي معاه , وش ذا دليله أنه عارفنا زيين وعارف أن رسايلي رااح يقرااها زوجي مو أنا اللي رااح أقرااها .وزوجي مسحور وبينا تفريق يعني تخيلي ردة فعله .
طيب كيف تجاوزت الأزماات اللي مرت علي بإحسان الظن بالله والدعاء والإستغفار وممكن عمل صالح بيني وبين الله مااحب أذكره .
لاتنسين أن اللي تمرين فيه هو إبتلاء من الله ويحب يسمع صووتك وأنتي تدعينه , ام سلطاان تذكري أنك دعيتي لنا ولنااس كثير وبظهر الغيب , وياما وااسيتي وخففتي وشاركتي في حل مشااكل أخواات وأخوان هنا في المنتدى , وهذي من أعظم القراباات عند الله , وربي رااح يظهر الحق ويصلح الحاال ويرد لك الإحسان بالإحساان .
أنا مرة مريت بعد بمشكلة والله مو عاارفة سببها بس كلها من قبل ابو الشباب , نمت وكأن أحد صحااني قبل الفجر بسااعة وصليت قياام بسورة البقرة , وبعد الفجر جا زوجي وكلمني عاادي ولا كأن فيه شي , عااد أنا قلبي مساامحه .
حتى الوالدة توفت قبل 3 شهور والله ماشفتها من أكثر من سنة لأني مااقدر أسافر ولا حتى أطلع من البيت الا للضرورة وحتى لو طلعت يجلس قلبي يدور مثل الأسطووانة من كثر القلق , الحمدلله على كل حاال , والله يعين على الدنيا ومااجات به .
رددي في كل سجوود .
(رب أني لما أنزلت إلي من خير فقير )
(لاإله إلانت سبحاانك أني كنت من الظالمين )
الله يطمن قلبك ويطمن قلبي عليك , من جد لك معزة في قلبي ماتتصورينها .
|
حي الله الأخت العزيزة والغالية في رجاء الله نورت الشاشة ويعلم الله على كثر مافيني من حزن وألم وقهر كثر ماني فرحت وانبسطت بشوفتك صرت مثل اللي عنده حالة وفاه وفجأه بشروه بمولود جديد الله يحفظك ويسلمك والله اني اشتقت لك حيل واني مانسيتك ودائما تطرين على بالي وكل ماتجين على بالي ادعي لك انك تكونين في احسن حال والله اني فرحت بشوفتك يعلم الله واحمدالله واشكره اللي طمنا عليك وفي الحقيقة وانا اختك اللي يشوف مصايب غيره تهون عليه مصيبته الصراحة مصيبتي وبلوتي شفتها اهون بكثير عن كل ماكتبتيه هنا اسأل الله ان يعينك ويصبرك ويشفي زوجك ويعافيه ويصرف عنك كل من اراد بك شر والله انا سالفتي شفتها بسيطه لاكن وانا اختك الظلم والقهر ياكل قلبك أكل من الداخل يحطمك ويكسر نفسك من الداخل حكايتي جرى نقاش بيني وبين وحدة من اهلي وقالت لي شئ بخصوص موضوع خاص بالعائلة ولما جيت اناقش في الموضوع واتقصى من العلم الأكيد وطلبتها تقول الكلام اللي قالت لي عنه كذبتني واجحدتني وانكرتني امام اهلي كلهم وطلعت انا الكذابة وانا ام الفتن والمشاكل وهي بريئة ولا لها يد في الموضوع والمصيبة الأهل صدقوها وفيه مجموعة وقفوا معاها بسبب خلافات سابقة بيننا لأن انا مارضخت لكلامهم ولا اطاوعهم في اللي يسونه واللي يقولونه عندهم مبدأ إن لم تكن معي فأنت ضدي وعلى قولت القائل لاطاح الجمل كثرة سكاكينه وصارت مشكله كبيره وزوجي تدخل لما شافني تعبانه وماقدرت اتحمل راح اتصل بواحد من اخواني وقال له ما اللي يبغى يتصل على اخته ويسألها عن احوالها ويطمئن عليها حياه الله واللي عنده سوالف وقيل وقال بلغ اخوانك واخواتك كبيرهم وصغيرهم ممنوعين يتصلون على جوال زوجتي نهائيا وانا رفضت تدخل زوجي بالسالفه وطلبت منه مايتدخل بأي شئ بيني وبين اهلي نهائيا بس هو كذا من راسه ورحت دقيت على اخوي اللي اتصل عليه زوجي ووصاه بالكلام وطلبت منه ما يقول لهم شئ ويخليهم ولا يتكلم باللي قال له زوجي عنه ويسكت نهائيا
مايجيب طاري لهم علشان مايقلبون السالفة على راس زوجي هم مايصدقون بشئ بسيط عليه لأن سبق وصارت بينهم مواقف كثيره وتعدي على خير وانا والله ما اتدخل في شؤنهم ولا مشاكلهم وحتى إني ساكنه في مدينة تبعد عنهم 2000 كيلو بس بالإتصالات صارت هالمشاكل وحتى لو رحت لهم ضيفة والسلام زياراتي لهم قليلة كله علشان اتحاشى سوالفهم القيل والقال كل واحد يحش بظهر الثاني في وجهه مراية وفي مقفاه مقص وانا اكره هالأسلوب وما احبه ولو تكلموا بشئ ودافعت او قلت كلمة الحق يعتبروني اني اكرههم وماني بصفهم واحب اللي هم تكلموا فيه واني افضله عليهم وانا والله العظيم اقسم بالله اني احبهم ولا احقد عليهم ولاني شايلة عليهم شئ بقلبي واخاف عليهم لو صار في اي احد منهم شئ هم وعيالهم وربنا هو يعلم باللي في القلوب يعلم الله ان عيالهم وبناتهم معزتهم وغلاوتهم بمقام عيالي يشهد الله على قولي وانهم عيالهم يحبوني ويحترموني وللحين يتصلون عليه ويعتذرون نيابه عن ابائهم ويقولن علشاننا ياعمه لاتحطين في خاطرك شئ واحنى نعرفك ونعرفك معدنك وطيبتك وواثقين منك ومن صدق كلامك آخرتها امس باليل واحد مرسل لي الحشيمه والتقدير لك ياعمه وطالبك طلبه تنسين هالموضوع ولا تضيقين على خاطرك بشئ واللي تطلبينه انا واخواني مستعدين فيه
عيالهم غير عنهم في كل شئ الله يصلحهم ويهديهم ويسعدهم ويحفظهم يارب
لاكن انا والله ماقدرت انسى نار تاكل بجوفي النوم ما اهتنيت فيه احس ان ماعاد لي نفس اقابلهم او اجلس معاهم احس اني انكسرت من الداخل حتى اولادي وزوجي ملاحظين هالشئ نفسيتي تعبت خصوصا إني المرأة هاذي احبها واقدرها واعتبرتها ذراعي اليمين واحن واعطف عليها ومن لحمي ودمي ومستحيل إني اكرهها او احقد عليها ماقدرت افكر حتى مجرد التفكير في شئ يخليني اكرها وانساها بس كل ما اتذكر كلمة اخوي وهو يقول لي هاذي هي جنبي جالسة فلانه وتقول انتي كذابة وانتي جبتي هالكلام من عندك هي ماقالت كذا احس ان ودي الأرض تنشق وتبلعني والله ان مافيه احد في حياتي قد سبق وقال لي انت كذابة لأني عارفة نفسي زين ما احب الكذب ولا امشي مع كذوب حسيت انه كأنه اعطاني كف بنعاله الله يكرمكم وانصدمت وتفاجأت لدرجة إني انهرت وبكيت قهر وغبن ألم وحزن وارتفع ضغطي لمستوى قياسي لدرجة حتى الكلى عندي تأثرت من ارتفاع الضغط وتعبت نفسيا وجسديا وللحين مازلت اعاني من اللي صار لاكن مانقول غير الحمدالله على كل حال وربنا مايضيع عبده المؤمن ان شاء الله وعندي يقين ان الله راح يظهر الحق في يوم ما وابشركم ان شاء الله تعالى انا دعواتي مستمره ان الله يهديها ويصحى ضميرها وتقول بالصدق والحقيقة وعفى الله عنها واصلحها ان شاء الله لنفسها واهلها
وانتي يارجاء ربنا معاك بإذنه تعالى ونسأل الله ان يشفي زوجك ويرده لك افضل من ماكان يارب ويصرف عنك كيد كل من اراد بك وبأسرتك شر ومكروه واكثري من قول اللهم إني اعوذبك من شرورهم اللهم إنا نجعلك في نحورهم اللهم إكفينا هم بما شئت يارحمان والحمدالله على كل حال مالنا غير الله هو الواحد الأحد اللي يعلم بكل شئ ويقدر على كل شئ نوكل امرنا له سبحانه وتعالى ونحتسب الأجر والثواب منه جلا جلاله
وجزاك الله خير وبارك الله فيك وفك الله كربك ومحنتك ورزقك الله السعادة في حياتك عاجلا غير آجل يارب
وارجوا منك انك تطمنينا عن احوالك واخبارك كل ماسنحت لك الفرصة وبعون الله ماراح ننساك من دعواتنا يالغالية .
__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق
اشهد ان لا إله إلا الله وأن محمد رسول الله
التعديل الأخير تم بواسطة أم سلطان1 ; 01-10-2012 الساعة 08:49 AM
01-10-2012, 08:42 AM
ضوابط المشاركة
العرض الشجري