هههه نعرف ان التعدد حلال و كنت أبغى اسمع هذا الكلام منك و هن انك ترفضيه لنفسك
و نعرف انك تغارين و انك تمنعي زوجك و نعرف كمان ..

انك مثل بعض النساء اللى تعتقد انها خارج السرب و انها زوجه فايف ستارت !
و انها من النوع اللى يتمنى الأذى لغيره << و هذى النوع كثير للأسف ودافعه الغيرة أيضاً
و عشت معهن و تعجبت من منطقهن ..

كيف تنادى بمنطق انتى اول من يرفضه ؟؟!
تقولي البيوت مليانه و لازم ننظر بعقلانية و التعدد حل ..
طيب يا حلوة ليش ترفضيه ! و ين العقلانية اللى تنادى بها ؟!
الرجال اقل من الإناث ... و تدعي الرجال للتعدد ، طيب زوجك مؤ رجل !

على العموم انا ما أهاجمك و لا مستغربه منطقك لانه متفشى بين النساء
الا من رحم الله ، ازدواجية في الفكر و التفكير ..!
و اللي مثل كذا ما ظن قلبها على المطلقات و العازبات و لا أظن تحب لغيرها
ما تحب لنفسها اللى كذا قلبها معروف جداً ما هو اتجاهه ..
و لا تؤمن بالتعدد مثل ماهو وارد في الشريعة ..

التعدد يا حلوة مباح بلا سبب و التأليف اللى من عند بعض الزوحات انه
لابد له من سبب و انها هي ما يحتاج لزوجها تعدد غلط ..
لكنه حيله نفسية دفاعية و قناع تغطي به البعض منهن نواياها ..

اسفه لصراحتي لكن ذكرتيني بامرأة ترملت عندنا و قامت مجموعة من الزوجات
بدور المصلح و نادن بالتعدد .. الطريف بحركة الاصلاح هذه أنهن استثنن منها أزواجهن !!
و قامت حرب كل وحده منهن بتزوجها زوج الاخرى ..
و تفرقت الصحبة بعد ان اكتشفت كل وحده نية الاخرى و كيدها ..

أخيرا انا ما انتقد بدافع الغيرة انا انتقد بدافع التعجب من منطق النساء
و دائم اقول المراة عدوة المراة ..!

مسكينة المراة تفقد التوازن النفسي عند هذا الموضوع
و أسوا فقدان هو حينما تنسى المراة انها امرأة و تنادى بوجوب التعدد كحل اجتماعي
ولا تساهم هي به و تقع في الازدواجية ، فيصدق عليها القول ..
لا تنهى عن خلق و تأتي مثله .... عار عليك اذا فعلت عظيم

اتمنى ان نضبط ايقاعاتنا النفسية بشكل صحيح حسب الشرع الصحيح

اول مرة اشوف رجل ينصفنا وواقف معنا

__________________
انا لله وانا اليه راجعون

الصراحة يا اخواتي الغاليات الزوجة اللي ماتراعي حقوق زوجها ولا تهتم فيه ومو مرتاح معها وعجز زوجها عن إصلاحها بشتى الطرق هنا يحق له الزواج من اخرى مو علشان يكسر راسها ويأدبها بالزوجة الثانية لا علشان يلاقي زوجة تهتم فيه وفي حقوقه وتراعيه وتقوم بواجباته يجوز ربنا يعوضه في زواجه الثاني بزوجه طيبة وبنت حلال تعطيه المعامله الزينه اللي كان يتمناها والأولى ان صلحت فراح تصلح لنفسها ومصلحتها وان خربتها بتخرب على نفسها اما هو يشقى ويتعب ويتودد وينفذ لها كل طلباتها ومريحها وهي منكده عليه عيشته ومبهذلته هذا مايصلح كل واحد يتزوج يبغى الستر ويبحث عن سعادته وراحته مايبحث عن العناء والتعب والهم والغم


واخيرا الرجل لو بغى يتزوج ماراح يحتاج لإذن من زوجته خصوصا لو كان مقتدر ولو دقرت براسه والله لو عنده منها 10 عيال ماراح يهمونه لا عياله ولا زوجته وبيتزوج بيتزوج لامحاله مادام عنده الرغبة والقدرة وزوجته حتى لو طلبت الطلاق ماراح تهمه مادام انه عنده بديل لها الرجل لو فكر في التعدد وصمم ما احد بيرده لا زوجة ولا اولاد ولا اهل اهم شئ عنده يحقق غايته ومناه وبس

والزوجة الثانية لها فوائد ترى غير كذا لزوج ولزوجة الأولى

اولها فائدة الزوج وهي انه لاسمح الله زوجته الأولى توفت قبل الثانية مايكون الزوج وحيد لحاله تكون عنده زوجه تهتم فيه وتراعيه وتقوم بشؤنه لما يكبر بالسن واولاده كلهم يتزوجون ويروحون عنه راح يصير وحيد لاكن لو عنده زوجة ثانية تهتم فيه وبإحتياجاته الأولى راح تكسب اجر هالشايب بعد عمر طويل

واما فائدة الزوجة من الزواج الثاني لو سمح الله ومات الزوج قبل زوجاته زوجته تلاقي لها وحدة تونسها وتسولف معها على كبر سنها ويتصادقون ويصيرون مثل الأخوات مدام ان اللي كانوا متحاشرين عليه توكل على الله اكيد بيتصاحبون ويصيرون اصدقاء ويذكرون ايامهم الماضيات في ظل وجود صاحب السمو
وكل ماجابوا طاريه قالوا الله يرحمه ويغمد روحه الجنة فلان

ياالله ياحضه بيكثر الترحم عليه

بس لو ماكان عادل الله يكون في عونه من الدعوات اللي بتجيه

الأخ الفاضل البليغ اول مالمحت عنوان الموضوع الصراحة راح ظني بأنه اللي طرحه الأخ الكريم مستشار الحب حسبته الجزء الثالث من سلسلة مواضيعة واستغربت انه انت اللي طرحته لأنه بصراحة ماعمري شفت لك مشاركة تنصح فيها بالتعدد لأي عضو يعاني من مشاكل مع زوجته هذا اللي انا شفته
غيره الله اعلم بذلك عموما الحمدالله انك للحين صامد وما صار هناك انهيار وجزاك الله خير وبارك الله فيك

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله

لو كان العنوان
اصلح حياتك إذا لم تتفهمك زوجتك الأولى لكان اجدر كثيرا
اما أن تأكيد ان البيت الأول لن ينصلح الا بالزواج الثاني فهذا خطأ كبير
لانه كلام قابل للصح والخطأ وليس كلام جازم
ولعلمك انا الزوجه الثانيه حتى لا تعتقد اني اتحيز لطرف

ممكن الزوجه الأولى تتعدل وتنصف زوجها اذا كانت ظالمه له
ممكن تطلب الطلاق
ممكن تتساهل اكثر بحقوق زوجها بحكم انه صار عنده بديل

نفوس الناس تختلف
لا يمكن الجزم بردود الافعال

__________________
*** انشغل بنفسكـ عن الخلق ،،

وانشغل بالله عن نفسكـ ***

الأخت الكريمة/ وابل الندى
صدقتِ.. كأنّ المجتمع كان أعلى وعياً في هذه المسائل من زمننا هذا، والله أعلم.
صدقتِ.. ربماعند البعض تعد الثانية مثل مصيبة الموت.
قولي رأيك كما تشائين.

الخالة الكريمة/ GREEN
-هدئي من روعك بارك الله فيك.

- الرجاء التركيز على صلب الموضوع

أي حوارات جانبيه لا تخص الموضوع سيتم حذفها

الأخت الكريمة/ غزلان
-يسعدني سماع مختلف الآراء.. لكني أرى أنّ كثرة الجدل والطحن في نفس الكلام غير مجدي.
-أعجبتني العبارة الأخيرة التي طرحتِها (اتمنى ان نضبط ايقاعاتنا النفسية بشكل صحيح حسب الشرع الصحيح).

الأخت الكريمة/ بنت الحكمي
-أشكر لك صدقك وصراحتك وإنصافك.
-صدقتِ في كثيرٍ مما كتبتِ.
-نعم! البعض من الرجال لو صمّم على الزواج بأخرى فلن يرده أحد.