زوجي الحمدلله .. على طول يسوي لي حركات رومانسية و مواقف تخليني أمموووت عليه و لله الحمد..

واحد من هالمواقف .. مرة كنا مفلسييين مرة مرة ... و صادف إن في هالفترة يكون عرس أخته .. و أنا ما كان عندي أي فستان جديد ألبسه ولا عندي فلوس عشان أشتريلي أي فستان أو أفصل لي أي شي .. حتى الصالون ما كان عندنا فلوس عشان أروحه و أتزين وأسوي شعري و أحط ميكياج ..
كنت متضايقة مررررة .. بس أنا ما بينت له بهالشعور و سويت روحي طبيعية .. و هو كان حاس فيني لأني أحب الكشخة ..
و في يوم العرس ..سويت شعري بروحي . و حطيت لي مكياج بروحي .. و لبست فستان قدييييم عندي كنت عايدته ألف مرة ... و انا عادي عندي جداً أعيد ثيابي في المناسبات و ما عندي أي عقدة .. بس هذا الفستان صار ضيق علي شوية .. و كان هو أحسن فستان عندي ..
و كنت يوم العرس فيني غصة .. لأن كل البنات راحوا الصالون و أنا اللي وديتهم .. إلا أنا حسيت روحي غير البنات و مبهدلة و حالتي حالة ...

بس بقيت طبيعية ..
و قبل لا نروح الصالة للعرس .. رحت لغرفة خطيبي (لما كنا مخطوبين صارت السالفة) ...و طاحت شباصة من شعري على الأرض .. فلما نزلت عشان أشيلها ... إنشق الفستان .. و لحظتها .. إنفجرت من البكااااء .. و كأني طلعت الغصة اللي كنت حابستها بمجرد إن الفستان انشق ..
و ما شفت إلا زوجي حبيبي ... إنكسر خاطره علي .. و راح حضني بقوووووة .. و قام يصيح معاي .. قال لي : سامحيني يا حبيبتي .. والله مو بيدي .. إن شاء الله أعوضك في الأيام الجاية ...

أنا بصراحة فرررررحت . و حسيت برومانسية فائقة ما شفتها فيه من قبل ... و حسيت إنه في هالموقف عوضني عن كل لحظة شعرت فيها بغصة أو حزن ..

و راح بعدين جاب لي إبرة و خيط و خيطنا الفستان .. و مسحت المكياج و حطيت مرة ثانية ... و مدحني مديييييييح .. يالقمر يالحلوة يالعسل والله أحلى من العرووس (كان يبي يعوضني بأي طريقة) ...

و قعدنا مع بعض فترة نتغازل و هو يضحكني و يونسنس ... و نسينا العرس .... ههههههههههههه
بعدين تذكرنا .. و رحت العرس بكل ثقة بفستاني و كشختي البسيطة .. لأن حبيبي خلاني أنسى الدنيا و ما فيها و أشعر إني أجمل وحدة في العالم ...

مع خالص تحياتي ........

سميدعة ..

__________________