|
|
10-03-2013, 12:04 AM
10-03-2013, 07:44 AM
|
المشاركة الأصلية كتبت بواسطة فاكهة الشتاء
مستجدات ما حصل
رحت اليوم مكاتب الخدم اشوف لي طلب ثاني .. لما رجعت البيت لقيت الخدامة باكية بينها وبين نفسها .. حطيت لها عشاها بصحن شكرتني , ورحت اتعشى مع زوجي وبنتي .. لما جت تشيل الاكل سالتها ليش كنت تبكين ؟ قالت لي أنا ؟ قلت لها أيوه مبين على وجهك انك باكية .. وبدت تحكيلي قصتها كاملة . . . تقول ان هي مخطوبة للشاب اللي كانت تشتغل عندهم في المملكة .. وتربطها به علاقة حب وامه المريضة نفسيا عندها علم بالعلاقة وكانت تحبها ,, وهو اللي يتصل على رقمها وبكت لانها كانت تكلمه .. انا سايرتها وقلت لها مادام تحبينه ويحبج ليش ما تزوجج ؟ تقول كان جوازه فيه مشكلة وووو الخ .. المهم نجي للنقطة المهمة قلت لها يعني انت الان ما تبين تروحين هناك ؟ قلت تبي بس قلت له اذا انت صدق تحبني جيب لي فلوس المدام وارجع لها فلوسها وتسافر معاه كلمتها عن فترة المهلة وحسيت براحة شوي من مصارحتها لي .. قلت لها يعني تبين تروحين قالت اصبري شوي مادري شرايكم ؟ هل من الممكن تكون حست اني دريت عن شي ؟ انا مابينت لها شي فقط صرت اعاملها بشكل اهدأ , واتجاهلها كثير وراح الحماس مني تجاهها .. وصرت اقفل غرفتي لما اطلع من البيت ... من ناحية الاخلاقية انا شفتها محترمة جدا وعينها قصيرة .. وكما ذكرت مسبقا هادئة وشغيلة ونظيفة .. جاوبوني رجاء |
10-03-2013, 11:20 AM
|
المشاركة الأصلية كتبت بواسطة Beta2
معلش فاكهه ما فهمت ...
الله يرضى عليك يا بيتا والله وقفتك معاي ما أنساها .. لاني خايفة بشكل ما تتصورينه أنا انسانة ماعرف اغدر وأخاف جدا أحط في بيتي وحدة ناوية شر .. أولا : هل من معرفتك ممكن أن يكون فعلا هذا الشاب ناوي يتزوجها ؟ والله يا غاليتي مادري أنا من جت شفتها انسانة شاعرية وهادئة .. بمعنى تحكي لك قصة تدمع عينها .. يعني الشخص اللي يستشعر الموقف بكل كيانه .. ولاحظت عليها ان بالها مشغول بشي .. وكنت مستبعدة تماما ان انشغالها بأولادها .. كوني أم أعرف الأم المكلومة من فراق أطفالها جيدا .. تفرق كثير عن المرأة العاشقة ثانيا : أي مدام اللي الخدامة طلبت من خطيبها يجيب فلوسها ؟ وترجع فلوس مين ؟ وتسافر معاه على وبن قصدها علي أنا هي قالت له انا ماريد أخدع المدام اللي دفعت علي .. وما أبي فلوس حرام بالخديعة .. فقالت له لو انت بصدق تبيني , فاعطيني فلوس المدام (أنا) , وهي تعطيني فلوسي وتروح معاه على السعودية واكون انا ماخسرت شي ,غير رواتبها اللي تستحقها على عملها .. أنا راح ألخص لك كل اللي قالته عن علاقتهم : - بينهم حب - امه على علم بالعلاقة وكانت تحبها ( امه مريضة نفسيا ) - اعتقد ان هو ايضا مريض نفسي . - يشك فيها ويغار عليها جدا لدرجة ما يخليها تطلع قدام خواله وووو الخ , يخليها تطبخ وتجهز الاكل وهو يشيل ويودي للرجال .. - قالت كان يضربها مرات بس مو ضرب مبرح .. - كان يرسل لها فلوس وهي في بلدها - أشك انه كان متزوجها مسيار لاني قلت لها الزواج مو شرط فيه يكون بمحكمة وووو الخ , فشفتها سكتت وما سألت ولا استنكرت كانه الأمر عادي وفاهمته.. _ أكثر شي خوفني من هذا كله , انها قالت لي انه جاء بلدنا يدورها  وأحس انها مخاطرة كبيرة أني أتركها ببيتي وهي معاها واحد مجنون ويغار عليها وقادر يجي بلدي بأي وقت , عادي يقتحم البيت بغياب زوجي .. لان تصرفاته مو تصرفات عاقل والعلاقة بينهم مبين واصلة عمق كبير أنا أصلا شعرت ان 45 اتصال من شخص مقتدر مو من نفس جنسيتها .. واحسها حركات العرب ( يفجر التلفون اتصالات ) ماحسها حركاتهم لاني شفت كثير خادمات متزوجات ولهفة أزواجهم عليهم أكثر من عادية .. بس الشباب عندنا انت عارفة كيف لما يتعلق بوحدة .. اتصالات وووو الخ ثالثا : كيف حسيتي براحه بخصوص المهلة وهي قاعدة تقول لك أنها ناوية تسافر باللحظة اللي يطلبها فيها الشاب ؟ بيتا الغالية الراحة اللي قصدتها انها صارحتني وكشفت لي الموضوع كامل أنا أكثر ما يزعزع كياني الشخص الغامض غموضها كان مخوفني .. والان كشفت لي اللي شاغل بالها وعلى انه اللي كشفته شيء ما يبشر بخير ولكنه ريحني شوي وراح يخليني اعرف اتصرف .. أنا معاك بحرصك عليها .. مو كل يوم الواحد يحصل شغالة تكون فيها كل هذي المواصفات .. لازم يكون فيها علة من نوع ما تذبحك فيها . أنا عجبتني جدا ولكن الخوف منها عندي كبير .. حبيت هدوءها وأدبها وما تتلفت على الرجال + شغيلة ونظيفة .. وخايفة أخذ بكلامها وتجيب لبيتي ضرر أنا في غنى عنه .. لكن برضه خسارتك مو قليلة لو غدرت فيك .. ممكن ان تسوي معاها اتفاق أنه لو طلبت انها تتوقف عن العمل بعد انقضاء مهلة المكتب انها هي بنفسها تتكفل لك بالمبلغ عن طريق أنها تعمل عندك لفترة بدون دفع راتبها الى أن تستوفي المبلغ من رواتبها . مع أنه هذا الحل يوجع لي قلبي وما احبه لكن اذا كان بإتفاق مسبق وتكون هي على بينه من العواقب فراح تحسب حساب خسارتك وتحاول أنها ما تخسرك . |
| مواقع النشر |
| أدوات الموضوع | |
| انواع عرض الموضوع | |
ضوابط المشاركة
|
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code متاحة
الابتسامات متاحة
كود [IMG] متاحة
كود HTML معطلة
|
العرض المتطور