المشاركة الأصلية كتبت بواسطة Moon2013

والله انا اكتر شي فرحني هو ردودكن و دعمكن المعنوي الي عطيتوني اياه. انا ما بقدر غير حياتي و لا عندي امل الا ازا الله فك غربتي و رجعوا اهلي لسورية وانا رجعت لسورية و عشت حياة اجتماعية حقيقية لاني معاناتي هي الوحدة و (التعايش) مع زوجي وليس العيش معه!!!
فوفو واضح انه حياتك صعبة و اصعب من حياتي انا عشت حياة مطمئنة الحمدلله بس اكتئابي الاخير سببه الظروف البشعة لأهلي و تراكم المشاكل بيني وبين زوجي.
زوجي عصبي و وقح يعني لسانه متبري منه كتير بجرح الناس من حوله . عنده مشكلة انه ما بسمع ولا عنده مقدرة يكمل حديث معي ،، يعني مافي دردشة بتستمر اكتر من دقيقتين لأنه بعد دقيقة او دقيقتين زوجي بيفصل وبعيش بعالمه الخاص وعنده مشكلة في فهم الآخرين يعني فجأة بعصب و بشتم و انا لسا ما بكون كملت الجملة الي بدي قولا ،، باختصار زوجي و ابني عندهم توحد و انا ما كنت مكتشفة هالمشكلة الا بعد الزواج ،، حلم حياتي اقدر فش خلئي لزوجي لو حصل و تكلمت بأي شكوى بعانيها مو شرط منه من اي شي بتجيه نوبة غضب و ببدأ يصرخ و ممكن يكسر اغراض ويضرب الولد المسكين الي مالو ذنب فأنا نسيت الشكوى و مسحتا من حياتي بس بمر بفترات بجن من الكتمان وبفكر انه لو حاولت انتحر ممكن اجذب نظره لمشكلتي او ممكن موت و اخلص و خليه يحس بقيمتي بعد موتي ! هي افكار من ابليس اكيد الطلاق افضل من الانتحار بس بوضعنا الحالي و اهلي نازحين صعب كتير فراقي عن زوجي

المشاركة الأصلية كتبت بواسطة لمسة غروب

فوفو نزلتي دمعتي
كم ادود ان احضنك

يالله سبحانه رحيم بنا بكل شيء

مافي غير الله الله وحده قادر على كل شيء

المشاركة الأصلية كتبت بواسطة فوفو

حبيبتي الواحد ينظر امامه ويقول الحمد والشكر لله عندك طفل الحمد والشكر لله بصحه وبنعمه وعافيه غيره اطفال كثر مصابين ومعاقين انظري زوجك ممكن عصبي ممكن وقح وممكن وممكن بس قولي الحمد والشكر لله على الاقل ما يشرب ما يدور نساء بس يكون الوضع المادي سئ فهو اصعب على الزوج من الزوجه اهتمي به اكثر حسسيه انه المال لا يعني شي بس توخذين مصروفك ادعي الله ان يجعل فيه بركه تصدقي لو القليل القليل ربنا بطرح فيه البركه ابحثي عن عمل شريف وايااااااكي ان تبحثي عن غيره في هذا الزمن الاغبر
انت عليكي ان تديري السفينه للاتجاه الصحيح انت القبطان
لا تجعلي همك الدنيا اجعل الدنيا اخر همك
وفقك الله حبيبتي لما يحب ويرضى

المشاركة الأصلية كتبت بواسطة ندى المساء

حسبي الله ونعم الوكيل ..
ماشاء الله الأخوات كفو ووفو مافي داعي زيد ..
بس صدقيني مافي حدا بهالدنيا كلها بيستاهل أنك تخسري أخرتك مشانه بعرف الرجال السوري بيطلع الوحده عن دينها وبخليها تمشي وتحاكي حالها هالشي مفروغ منه بس في رب خلي أعتمادك عليه وخلي ثقتك كبيره وهالكلمه بعنيها بكل حرف لما تثقي بالله أن يفرجهاعنك صدقيني رب العالمين مابيخيب الظن بعبده..
وسبحان الله المؤمن مبتلى ومابتعرفي بحسنه هالطفل شو بيصير بحياتك سبحان الله كلشي اله حكمه ولو أتطلعتم على الغيب لرضيتم بالواقع..
وبالنسبه لأوضاع سوريا هالأزمه جماعيه مافي بيت مو معتقل فيه واحد او تنين ولا رايح فيه واحد من العيله أو العيله كلها ..
الله يفرجها عن قريب علينا وعلى من داقت عليه ..