بس والله مهاري ترى اختيه ماتسوي جي وشي بقلبها من خوف ومحبه فديتها .. والعرس اختي تباه ع السنه اليديد قالت موب مستعيلين ونبا نجهز ع الراحه قلت بعيد قالتلي لا بعيد ولاشي الريال موب طاير ..
وعم سالم قال لابويه تشاورا متى ماناسبكم ردولنا الخبر وسالم يقول يباه بعد اسبوعين . بس مستحيل بعد اسبوعين انا اقول جانه حلله ماعندي خلاف بالدخله موب مستعيله عليها والله لو بعد سنه مابقول لا بقول احسن نسيت كل ايام مواعد ي معاه مشاعري الحين احلى بوايد شعور ثاني ماينوصف في كلمات ..




وسلامتج عزيزتي

اسبوعين؟!!!

قولي له استريح بس!!


جهزي عمرج مثل اي بنت .. ولا تستعيلين وسوي كل شي على الراحة مثل ما قالت اختج عشان يطلع مثل ما تبين ومثل ما خواتج يبن .. الفرحة مرة وحدة يا روضة .. وبداية السنة أساساً مب بعيدة.



وكلمة أخيرة واقفة على طرف لساني .. فيني دودة وما ايوز

ما ادري سالم كيف تكفل بالأمور المادية من مهر وخلافه .. ولا اباج تتكلمين عن هالنقطة اذا مب حابة .. لكن في كل الأحوال خليه يؤدي التزاماته .. ولا تبادرين بالمساعدة الا في الشديد القوي مثل ما يقولون.

حتى لو انتي تشوفين انه ريال على قد حاله وما تبين تضغطين عليه .. خليه يسوي اللي عليه على قد ما يقدر.

وحتى لو انتي شايفة انه ريال زين ويستاهل .. اصبري شوي لين تعيشين معاه وتتأكدين من خيره أو شره .. وإن شاء الله ما يكون فيه شر .. وعقب تصرفي بالطريقة اللي تريحج.


موفقة.

__________________


اللهم طِيبَ الأثر .. وحُسْنَ الرحيل.

بس يوم انها اطلعت منج ولا تمت في خاطرج لا اسمحليا عاد اختيه مهره بقول وبرمس ولابستحي منج

لانه موب عيب ولاغلط الحرمه تساعد زوجها وبعدين سالم ياب المهر كثر الله خيره سالم قالي وين تبينه العرس قلتله في البيت قالي لاياروضه خلينا في القاعه حالك حال اي عروس انا كنت افكر كيف اقنع خواتي اعرس في البيت بس طبعن مستحيل يرضن وراح يجلبن الدنيا على راسي
قلتله عيل قاعه فيرمونت جان يقول تمام
مهره تعرفين القاعه اللي في السعوديه كبيره ونفس سعر قاعاتنا ..بس نحن صغيره والسعر واحد هو تفجا قالي روضه انتم اسعاركم نار وقاعتنا اكبر واقل من هالسعر قلتله حبيبي هاي اسعارنا تختلف من دوله لدوله وبعدين قلتلك خلها في البيت( انا عادي عندي في البيت لانه مابا اثجل على الريال) قالي ماتبين قاعه زايد تخيلي قاعه زايد ببلاش يعني خواتي بيلعنن خيري اذا قلتلهن قاعه زايد
قالي شورايج بقاعه شاطئ الراحه قلت اخر الدنيا ماباها قالي وثبه قلت وبعد ببلاش يعني انسى القاعات اللي على حساب الدوله شلها من الحسبه
البيت ولاقاعات ببلاش .. لو قلت البيت بتطلع مني موب منك يعني موقفك محفوظ بعين خواتي

وموب معقوله بسير اماره ثانيه بعرس لازم في بوظبي والفنادق للحين يدور فيها وانا ادور معاه
والله المستعان


سالم عليه القاعه والعشى وبسسس
والباقي
قومن تعاونن ماذلوا .. ليله عمري مهاري تبيني اثجل عليه واقصر على عمري في نفس الوقت ؟؟
والا تبيني من هالبنات اللي يقولن ابا وابا وابا وابا
لا فديتج كل وسالم حرام الريال زوجي الحين ومايقدر يشل كل شي
واهليا مابيقصرون ريم مخبرتني الفرقه والنعاشات على حسابها .. والديجي على حساب خليفه فديته


اللهم باقي التفاصيل مني مناك بتترتب يعني مهرة معقوله جي تفكرين .. كانج تقولين لازم كل شي على راس سالم .. حليله سالم جم راس عنده ؟؟ واحد مابتحمل كل ها ..

من الاخر سالم منصدم من الاسعار وماحسب حسابهم وكان متخيل انها اسعار السعوديه يعني في المعقول .. بس تفجا بعد الحسبه وصل وايد لدرجه قالي بتخلص من سيارتي ياروضه ببيعها وبكمل قلتله مايبيعها لانه لو باعها مابتييبله شي ..
قلتله جهز فلوس القاعه وفلوس العشاء وهاتهن لابويه وسلمهم خلال هالاسبوعين والباقي لاتشل همة ..
قالي تمام يعني 230 الف اللي في جيبي في الوقت الحالي .. واللي قدر خالي يساعدني فيه وولد خالي
مهرة ميتين حلوين للعشاء والقاعه والشبكه والباقي مابين الحرمه وزوجها حساب
مهرة خلنا واقعين لو شلاني لبيته الحين محد يلومه حلاله والزفه كماليات لااكثر يعني موب معقوله بوقف حياتي عشان ليله ماقدر يوفيها حقها ..
التعاون مطلوب عزيزتي .. مطلوووب بين الزوجين موب عيب ولامنقووووود


والسموحه

فدييتج والله
انا كنت نفس تفكير مهره صراحة
بس عقب ما قريت كلامج ,, شوفي اللي اتحسينه صح وسويه
الله يحفظج

يوم تذكرين التفاصيل يا قلبي لا تنسين ترقين عمرج يوميا صباحا ومساءا

الله يتمم لكم على خير ...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

ما شاءالله عليك يا روضة ... ربي يهنيك يسعدك
و يرزقك على قد نيتك واكثر ان شاءالله

..... ..... .....

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

جميع عزيزتي ماقصرتي

والله الغاليه استغفر وايد لانه يقولون الاستغفار تسهيل لامور بس هالفتره حطيت جدامي ورقه وقلم وحسبتها مع سالم استحي منه اخر شي قالي قاعه مشرف وانتركنتنتال تخيلي منوا يعرس فيهن .. الحين انا اعرس فيهن؟؟ رحمته واايد
بس والله كل شي موجود بفضل من الله لكن مابا سالم يتلوم او يحز بخاطره .. حتى امه قاعد يقنع فيها تجهز عمرها للعرس .. انتي تعرفين سنتنا يا بشرى لازم اهل الريال ييبون عينيه لام العروس واهلها غير المياره ومالخ .. وامي الله يرحمها متوفيه يعني مابيبلها طقم او مريه من جي طاح هالشي عنه .. من جي بنزله مبلغ بسيط في حساب سالم بقوله هات قواطي ريمبو وشكر وحين جم يونيه عيش على زيت ومن هالامور مياره اهل المعرس لاهل العروس عشان محد من خواتيه يقول ريلج مقصر عادي كل ها بيتوزع صدقات .. او يتصرفن فيها خواتيه بكيفهن عاد ..

لاتنسين يابشرى يبالي جم شنطه من قطع وخلاجين مع الطبعه والدق غير العطورات والعود والغتر وطاقه خلاجين الرياايل ..وجم شيله .. هاي خبرت سالم
انها سنه عندنا من الاصول نتبعها قلته هاي انا بزهبهم من عندي بس باسمك يعني وانا قسمتهم لاثنين يعني بشل من كل شي اثنين وحده لنا وحده لبيت خاله يطرشهم لهم .. لانه خاله ماقصر في سالم سالم يقول لا ياروضه مايحتاي جي بتضطرين تدفعين ضعف .. قلتله يتطمن مابااخذ وايد شوي من ها وها وها .

بشرى حسبتهم طلع في حدود 25 اخرتها بتروح لاهليا واهله موب خساره ..
.
سجلت كل شي يابشرى وحسبتها.. والحمدلله ترتبت بس اللي يهمني مايحط سالم في خاطره من اي شي ..

لا لا اتسيرين صوب القاعات هاي ,, البيت وايد ارقى منهم
فيرمونت حلوة وكشخة ماشاء الله .. اعتمديها دام انها عايبتنج واتفقتوا عليها

والله بادرة حلوة منج بس انا احس انه هو ما يعرف العادات والتقاليد من المير وغيره
قولي له واذا حسيتي انه ثجيل عليه خلاص
بعد شو بتسوين الله المستعان


يستاهلون هم طبعاً .. دام بتوزعين عليهم بعد
بس لا اتزيدن فوق 25 بعد كفاية ..

ما قصرتي الله يعطيج على قد نيتج وزيادة
ويارب تتهنين معاه
لا تنسين الاذكار نهائياً لا تنسين
الله يحفظج

...

__________________
جزيتم خيرا ع المنتدى الرائع واخوة رائعين، فترة جميلة جدا كانت معاكم، دعواتكم

بشرى والله لو اجوفينه وانا اقوله تقولين حد عطاه طراق منصدم .. قالي روضه عاداتكم مبالغ فيها قلت عاد هاي سنتنا قام يضحك ..
لا فديتج انا حطيت الليميت 25 وباخذهن على قدهن بسير اخلص القطع ممن الحين وبخلي العطورات اخر شي ..

وامري لله .. الله يحفظج ان شالله