زوجة الأب ماتختفي ؛ من قديم وحنا نسمع عن زوجات الأب السيئة ومن لا تخاف الله.
وقليل فيهم من تخاف الله ' لا أعلم ليش الأكثرية سيئة هل هي حكمة من رب العالمين واختبار لعباده أو خلاص هي كي
نظرة وتربية مجتمع لازم تقتبس دور الشريرة عشان تضمن زوجها ' وماتضيع حقها المزعوم.
ماتكلم من فراغ أغلب من حولي واقاربي معددين ولا عمرنا شفنا وحدة تخاف الله إلا ما رحم ربي.
جدتي (الله يرحمها ) كانت تحكينا وحنا صغار عن حكاية (بقرة اليتامى)..
تقول هذا واحد ماتت زوجته وتزوج وحدة ثانية المهم اليتامى عياله كان عندهم بقرة يأكلون ويشربون منها ويرعونها كانت مصدر رزقهم. زوجة أبوهم كانت مقهورة من البقرة تبي تذبحها باي طريقة اخترعت لها مرض وفرشت فراشها وحطت تحت ظهرها خبز يابس وكل ماقال لها زوجها قومي قالت: ظهري يعورني مااقدر أتحرك وعلاجي اشرب من مرق بقرة اليتامى.. و ذبح أبوهم بقرتهم عشان زوجته تتشافى...(شفتوا كيف الكيد)...

لو نكتب مجلدات ماتخلص قصص الكيد و مافيه خوف من الله.

تبغين تعيشين وتريحين راسك وقلبك تذكري الله فوق و ما يضيع خلقه.
لا تحزنين تدور الايام وكل صغيرة وكبيرة مردودة عليهم وبأولادهم.

__________________
ما نال أحدٌ من الفضلِ في مالٍ أو جاهٍ أو علمٍ شيئًا بكسب يده، لكن الأمر كله لله، يُقدّم من يشاء بفضله، ويؤخّر من يشاء بعدله.

معك حق بكل ماقلتيه و هذا واقع نعيشه ""
يجعلنا نتسال هل هي غيره او سوء اصل بالمراة او طبع فيها
واين تختفى الرحمة و الانسانية وقتها ؟؟؟