اهدا ياوابور ..
البت لسه قايمه من عركه
خليها تشم نفسها الاول

يخسى الصداع ... خلي عنك الكوي ... اخذيه بكره للمصبغة يكوونه .
خذي حبتين للصداع ونيمي البنت ..
وسوي لك فنجان كاكاو بالحليب وافتحي على محطة " كيف " حاطين تفسير لسورة الفاتحة لشيخ حديثه ممتع جدا ... وخل نجلس انا وانتي نستمتع بالكاكاو والبرنامج

__________________

يا اخي انا ما قصدت انها تتخلى عن زوجها
اقصد انها تصنع زاوية من الحياة خاصة بها ترفه بها عن نفسها كما يفعل الزوج دائما يخرج مع اصحابو ليرجع البيت ناسيا كل المشكلة قد يفتكرها عند الباب او بعد رؤية وجه الزوجه الكئيب
اذا استقلت بفكرها بعض الوقت ورفهت عن نفسها وخففت الضغط عرفت كيف تواجه المشاكل وتحلها باذن الله

صحتني بنتي الله يهديها..
صليت الفجر.. ودعيت ربي وانا ابكي..
شريط حياتي جالس يلف بسرعه بعيني..
الاحداث الاخيره لوحدها تقتل..
في تفاصيل كثيرة لو احكيها تستغربوا..
رغم فظاظته وتقصيره بأمور كثيره..
الا اني ضغطت على نفسي كثيييير
الاسبوع الماضي مثلا..
عصب علي لاني قلت له بدلع حابه اسهر معك
بعدها بيومين كان موعد خرجتنا الاسبوعيه..
ويومها تعبت اخت زوجي..
وانا طلبت منه اخلي فسحتنا وقت ثاني
ونمر نزورها.. وشريت هديه ورحت اطمنت عليها..
كنت حابه احتسب الاجر قسما بالله..
وهو لما كنا طالعين قال لي: كويس كسرتي عينها بموقفك!
تعبيره هذا قاتل.. ابدا مو همي اكسر عين احد..
لكن مارديت.. ومشى الموضوع طبيعي..

وفيه تفاصيل خاصه صعب اذكرها..
لكن الخلاصه اني اعطي من قلبي وانصدم!
والكل يشهد لي بأي راعية اصول.. الا هو!
انا اعرف ان اهله شيء مقدس عنده..
وسبق واهاني لعيون زوجه عمه..
لما ولدت بنتي كنت تعبانه واتصل يقول فلانه بتزورك،،
يومها قلت ليتها تأجلها لاني تعبانه.. بيوم الولاده..
عصب علي وقال انتي ماتقدرين اللي يقدرك..
وجاء المستشفى بدون مايزورني..
كان يمر يشوف بنته بالحضانه ويطلع..
يومين وانا بالمستشفى ولا فكر يسأل عني..
كنت ابكي طول الليل.. وماقدرت ارضع البنت..

اه اقلبي معورني..

اقسم لكم بالله اني بعمري ماناقشته بالماده..
كل شي يجي منه ارضى فيه..
عمري ماقارنته بازواج صديقاتي او ازواج اخواتي..
واذا عجبني شي لي او لبيتي اخذه من راتبي
واغلب روحاتي للسوق اخذ له هدايا من راتبي
اما عطر او بيجاما او فنايل او شباشب الخ
وهو كان يقول لي اني مو ماديه ومتعاونه وقلبي طيب..

الان يقوم بعد خلاف سخيف ويقول كنت بحرمك من مصروفك..
هذا بدل مايراضيني.. بدل مايعوضني..
بدل مايجبر بخاطري ويقدرني ويرفع قدري!!
ترى مصروفه هذا قليل.. يعطيني اياه وانا نازله السوق
وازيد عليه من مشترياتي الف وألفين.. لان الاسعار نار
ولاعمري عايرته بأن المصروف قليل رغم ان راتبه عالي
لاني قانعه وراضيه ومبسوطه بأي ريال من زوجي
له طعم سبحان الله.. هذا غير إنه إلزام من رب العالمين..
حتى بطلعاتنا.. ضروري اعزمه عالعشاء مره كل شهر..
احس وقتها هو ينبسط وانا ادلعه على طريقتي..
والان ابليس يخليه يتمادى حتى بحق من حقوقي..
كسر اشياء كثيره داخلي..

انا اعترف اني اخطيت بحق نفسي..
لما حملتها فوق طاقتها وحاولت اكون مثاليه..
حتى الاماكن اللي كنت اشتري منها غيرتها
صرت اقتصاديه شوي بعد ماصرت أم..
كل همي ما اضغط على زوجي..
بطلت اشتري شنط ماركات زي زمان..
صرت اشتري ارواج من الاكشاك.
وهو مره علق وقال: صدمتيني كنت احسبك هاي كلاس!
كان يمزح وهو يقولها.. الان حسيت بمعنى كلامه..
انا اللي خليته يستخف فيني بدافع الحب..
رغم ان الاوضاع الماديه لزوجي ممتازه..
لكن لانه مخطط يعمل مشروع تجاري مستقبلا
فأنا فكرت ادعمه بطريقتي واستغني عن كذا شغله
والان لما فقت.. جلست ألوم نفسي..
لان زوجي ماتغير نمطه بالشراء..
هو يشتري افخم الماركات للجزم والساعات وغيرها..
وانا حارمه نفسي وقاهره عمري..
تمنيت ارجع لاول ايام زواجنا..
كنت اتدلل واطلب الغالي وهو يسعى يلبي طلباتي.،
كنت احس اني اميره وهو الفارس..
والان احس اني مكبووووووته ومقهوووووره..
فوق كذا يقول لي انتي ماتستاهلين اسفرك برا!!
انا ينقال لي كذا؟ انا زوجته اللي تحملته!!
وهو شايف اهلي ماشاء الله عليهم كل يوم بمكان..
وانا بعمري ماضغطت عليه وتاركه الامور لبعدين
يقوم هو من نفسه يحرم علي شيء زي كذا
يحاول يقتل كل شي فيتي تجاهه
يحاول يرسم سياسه وسخه لحياتي الجايه معه
لانه بالفتره الاخيره تأكد من امتلاكه لي..
مواقفي فهمها انها حب وتمسك وتنازل واني ما اعيش بدونه..
هذا خلاه يتراخى تجاهي بشغلات كثيره..

انا ندمانه على كل شي عملته له فوق طاقتي كزوجه
كل شي خارج الحدود المتعارف عليها..
ماراح اقدم له الا الشي اللي انا مطالبه منه شرعا وعرفا

والله لو استاهل اللي جاني اقسم بالله ما ازعل..
لكني مصدومه لاني عارفه قدر نفسي وايش عملت
معقول انا يهددني زوجي بحرماني المادي!!
فوق تقصيره العاطفي والجنسي وطوله لسانه واهاناته!!
حطمني بكل مافيه..
وحجته اني رفعت صوتي بعد ماجلس نص ساعه يشتمني..
تتوقعون فيه انسان يتحمل نص ساعه سب ولعن واهانه؟
خصوصا اذا كان يبكي ويتعذر للطرف الثاني..
وهو مستمر بالاهانه ويتعمد يقهرك اكثر واكثر!!
تذكرت حكمه تقول:
يستفزوك كي يخرجوا اسوأ مافيك
ثم يقولوا هذا انت!!!


والله ماعمري سألته وين رايح ومنين جاي..
واذا عنده سفره عمل رتبت له شنطته وادعي له..
واذا شفته مضغوط اقول حبيبي روح غير جو..
رغم كل هذا مره وحده بس كنا بالسياره
قال لي افكر اطلع مع الشباب دبي كم يوم..
انا قلت: ايه درب السلامه.. وكنت اكتب عالواتس اب..
هو هنا عصب علي مررررررره وتضايق..
يقول ليه تقولين لي (ايه) كذا كأنك زعلانه
قلت والله حبيبي مو زعلانه بس جالسه اكتب
قال احمدي ربك اعلمك غيري يروح ولا يعلم!!!!


انا قبل شوي ابكي وادعي ربي يرحمني من هالابتلاء..
واذا انا عامله ذنب فيارب يغفر لي وماتكون هذي حوبته..

اعذروني حبيت افضفص لكم
من التعب اللي فيني

كنافه حبيبتي قسم بالله والله ع مااقول شهيد
كأنك انا بالتمام نفس زوجي سبحان الله طبق الآصل
كأنك انا بتفكيرك بحبك بتنازلك
انا اتنازلت لين صرت ابكي ع نفسي من القهر
يحسب نفسه امتلكني اتأكد مليون بالميه اني ماراح اخليه
اتمادى بكل شي صرت مااهمه ابدا
شوفي نهايتي انفجرت ليه 3شهور بيت اهلي مااتنازل ابد
في ولادتي تركني شهرين شهر قبل وشهر بعد ولا سأل وانا بكريه
رجعت انا اتصل واترجاه واراضيه
بجد الله يعوضنا خير افكر اني ماارجع دحين ابد

__________________

صباح الخير كنافه اشوفش موب نايمه ماعاش من يطير النوم من عيونش قريت موضوع وحبيت اشاركش في بعض النقاط وهي المششششششششششاركه بين الزوجين يعني الاخذ براي الطرف الاخر لانكم مشتركين مع بعضكم في الحياه من مسكن وماكل والخ الخ والحياه بينكم ان شاء الله مديده فاول شي لازم تسالين نفسش وتسالين شريكش ركزي على كلمة شريكش بعض الاساله وتجاوبون عليها حتى تتضح الرؤيه وان شاء الله تكون رؤيه مشتركه لامختلفه اول سؤال ماكميه القرب والود الي يبغيها الثاني هل هو راضي عن معظم اوجه زواجه ما الشئ الذي يسبب المشاكل في علاقته الزوجيه هل يحب عادات وصفات شريك حياته هل مازال شريك حياته يثير اهتمامه عند الاجابه على هاذي الاسئله يجب تحري الدقه والشفافيه في الاجوبه من كلا الطرفين حتى تتقارب وجهات النظر وتعم الموده والالفه باذن الله وتتوحد الرؤيه انا اشوف عندش اصرار عجيب وملفت للنجاح الله يثبتش ويعمر بيتش للصلاح والنجاح حبيبتي انا اظن زوجش وجهه نظره فيش والله اعلم انش عنيده وراسش يابس وها الشي متعبنه وانش معتده بنفسش ولاتقبل النقاش والحوار وانتي تشوفينه عصبي وزعول وبرضو ها الشي متعبش تعرفين شو اقققققققققققوى اسلوب للحفاظ على بيتش عن الصغائر والامور التافهه التي تحدث يوميا عند غضب الزوج على الزوجه الالتزام بالهدوووووووء وبعد ما يهدى عاتبيه بود وصارحيه على فكره كل هاذا ما بيستوي بيوم وليله لازم الصبر والمثابره ولاتياسين وتستسلمين وممكن تعطين نفسش هدنه وراحه اذا تعبتي في شي اخير وهو الشورى بين الزوجين وعلى الزوج الايهمل حق زوجته في المشاوره والتفاعل وشكرا عسى كلامي ما يكون ملخبط وداخل ويا بعض

اسمحوا لي اكمل لاني تعبانه جدا..
انت تتخيلون زوجي بكل خلاف ايش يقول؟
دايم يكرر: احمدي ربك اني مو من الرجال اللي يرفسون زوجاتهم وهي نايمه حتى تقوم تعمل له الفطور.. او يقول احمدي ربك فيه رجال يرفس زوجته اذا شاف شعره بالارض..
رفس!!! هذا معياره!!!
اقول له احنا بشر.. الحيوانات اللي ترفس!!
ويرجع بالمشكله اللي بعدها ويعيد نفس الكلام!!
موال له فتره طايح فيه.. ويقوله وقت مايراضيني..
يحسبني راح انبسط بهالكلام المنحط..

والمصيبه.. ويمكن انتو لاحظتوا..
صاير كل يومه يكون بالمجلس لحاله..
يشوف التلفزيون ويستخدم حمام المجلس
واذا كان زعلان نام فيه.. وطبعا المكان قمه الفوضى..
كا مارتبته يقوم هو يرجع للفوضى.. لانه مسنتر فيه.،
انا ماهمني يجلس بالمجلس والا يعيش فيه..
اساسا هو مره قال: الرجال يصير له مكان بالبيت محد يشاركه!
هذا فهمه للرجوله.. وهذا طبع طايح فيه له كم شهر..
اوكي امنا بالله..
المصيبه الان انه يدق علي وهو برا..
يقول فلان بيجيني بعد نص ساعه اعملي قهوه!
انا هنا يحيني انهيار عصبي من الضغط..
اركض زي المجنونه انظف الحمام واكنس المجلس..
وابخر واعطر وامسح وارتب..
متخيلين حجم المعاناه؟؟
بينما الناس بالعاده مجالسهم مستعده لاستقبال الناس..
لكن بسبته هو يوميا ينحاس المجلس
واعذروني.. لكن حتى ريحه الحمام تصير سيئة..

سابقا كان يقول ليه حبيبتي تعبتي نفسك..
وانا اقول له لازم ابيض وجهك..
وانتم عارفين الانتقاد حيكون لراعيه البيت للاسف..
الان هو تعود واستمر وزادت السالفه..
صارت حتى ملابسه بالمجلس..
وانا مو ناقص علي الغرفه والصاله والمطبخ
صرت اضطر يوميا انظف المجلس بسبته..
وهو صار بدل مايشكرني ينتقدني..
صار يعصب ويقول ليه ماغيرتي كيس الزباله
ليه مالمعتي مرايه الحمام.. ليه وليه..
وانا الغبيه اعتذر.. وكأني عامله جريمه..
والله لو خدامه ما عمل فيها كذا

ماعرف بس زوجش يمكن يقلد قدوته الي هو ابوه

حبيبتي انتي احب ردودك.. وكلامك على راسي..
لكن ارجعي اقرأي اخر ردين ارجوك..
زوج يزعل ليه زوجته عملت دونات لبيت اخوه
يزعل ليه قالت واحشني السهر معك
يزعل ليه تقول ايه درب السلامه.. لانه بيسافر مع اصحابه
شغلات كثيره والله تقهر تقهر تقهر
انا عارفه زوجات مايسوون مثلي.. وهو مايبين بعينه
يدور اي شي يقلب الطاوله علي.. كأنه عدو مو زوج..

موضوع النقاش مستبعد تماما معه..
حتى لما اتكلم بهدوء ودلع وحبيبي وحياتي
اذا صار كلامي منطقي يعصب فجأة ويصرخ
يحس مجرد اني قلت شي منطقي فهذي اهانه له..
وبكل نقاش يرجع يفتح ملفات قفلناها..
يقول انتي قلتي قبل سنتين كذا ومن سنه عملتي كذا..
يشتت النقاش تماما ويعيد اشياء سبق ناقشناها..
ويرجع لموال احمدي ربك انا احسن من غيري!
يعني يستخدم الهجوم كوسيله للدفاع..
النقاش معه جدل يزيد حجم المشكله ويخلق صراع
ياما حاولت اناقشه بهدف تقريب وجهات النظر
ولا فاد
ياما قلت له عطني حل مناسب وانا راضيه
يشوفها فرصه ويقول انك تحترمين زوجك وتسكتين!
النقاش عنده يعني اهانه لرجولته
هو يقول الانثى ماتناقش
الجدل والنقاش للرجال بس.. حسب كلامه..

انا لو لاقيه شخص اناقشه كان انحلت نص مشاكلي
لكن انا تعبانه وكاتمه بصدري
واجي افضفض عندكم هنا من الهم اللي فيني..

اما اصراري لتحسين حياتي..
فلاني تعبت ولازم ارتاح يكفي خلاص
لمتى نعيش بمركب يمشي فينا ومثل ماتجي تجي..
لازم يستقيم المركب ونعرف ايش احنا عليه