ام سما
ام خالد
روز
مشكوين ياحبايبي ع مسنتدكم لي الله لا يحرمكم الاجر
ع فكرة ام خالد وانتي تقولين ادعيلي دعيت لك ورددت نفس ااجمله الله يرزقك لي تببن
تبون ادعوا لكم تعالوا كل يوم لا تفكوني لين اولد بالسلامه هههه
جدا ارتاح لكلامكم والحمد لله اليوم شالو ابرة تخفيف الطلق وقالو بكره بنشوف وضعك
وبعد المويا لي طلعت مني مو حق كيس الجنين الحمدلله
باقي فحص بيطلع بكره ان شاء الله هل في انفكشن بالرحم ولا لا
وبعد عندي سونار
اذا كملت هالشهر بسلام حتى لو اولد باخر السابع يعتبر ممتاز بس الحين بدري

ابي اسالك ام خالد كيف بنتك انولدت بالخامس وعاشت الله يحفظها ايش كانت ظروفك لو ماعليك كلافه
من باب الفائدة

__________________
أقّسَمتِ مِرآراً وُتِكٌرآراً أنَ لآ مكَآنْ للّرحِيل بيَننا وُلكِنْ الرّحيلْ كٌآنْ أصَدقْ ...

اهلين ياقمر ..

صار عندي نزيف للمشيمة و كان النزيف داخلي مما سبب لي اغماء واخذوني على الطواريء

بعد الكشف و السونار تبين ان كيس المشيمة بح اضطروا يعملوا لي قيصرية و طلعوا البنت حطوها في الحضانة

صح كان وضعها صعب شوي و ما كان احد متوقع لها حياة حتى الدكتور لما كنت اكلمه كان يحاول يواسيني انوا الاجر من ربنا

لأن على كﻻمه هاذي اول حالة تجيهم لكن سبحان من يحيي العظام و هي رميم

فضلت أربع شهور في الحضانة و في السنتين الأولى مراجعات مستمرة الين الحمد لله انتهت من مشاكلها الصحية

و الحين حاطة عيني على ولد اخوي مدري كيف اجيبه بس

بضمن مستقبلها قبل الولد الولد خلاص حجزنا عند اهل النمسا جماعة طيبين و حلوين و طعمين

كيف السالفه حلوة ..

جا دورك يلاا

ما قلتي لي وش قريتي كتاب ...

سويتي لك ورد وﻻ باقي

عطينا هروجك دامك متسدحه و فاضيه

__________________

‏
الوعي هو الملاذ ..

أستغفر الله العظيم ؛
( الفردوس غايتي )

أم خالد

ربي يحمي لك خالد واخته
ما شاء الله

والله سوالفك حلوة ههههههههههههه
ضحكت ضحك ربي يسعدك

الا على طاري الحجز دامك حجزتي للولد وبقت البنت

سهلة هذي مثل ما قدرتي تحجزي للولد عروسة من اخر البلاد

ولد اخوك مو قادرة تحجزيه وهو عندك
لاه خاب ظني فيك
يا الله احجزيه بسرعة قبل ما انا اسعى واحجزه لبناتي
على علمك عندي عروستين ربي يحميهم لي ويقر عيني فيهم
ولازم اطمن عليهم