الأن عرفنا السبب ..



إذا عرف السبب بطل العجب ...



يعني المشكلة كانت من البداية ...لم تحبها صحيح؟؟؟



وانت غير مقتنع بها أساسا ..



والله الوضع جداً خطير ...لأنه مرت علي حالة مثل حالتك تماما ...مع قريب لي ...ولكن أرجوا من الله الا تتكرر المأساة معاك ياأخي ...




حاول قدر المستطاع الضغط على نفسك ....وفي البداية ..ستلاحظ انك نافر منها ...لكن مع مرور الوقت ستجد ان الأمور قد تبدلت ...
لصالحك ولصالحها ....

وستتغير الأمور لكن ابدأ بتغير مافي نفسك أولاً ...وبعدين لاتنسى بنت الناس تراها صابرة عليك واجد ....




والمرأة الصبورة نادرة هالأيام ...إذا كرهت منها خلقاً أحببت خلقاً أخر ...



ومن خلال تحليلي لنفسيتك ..أتوقع والله أعلم إنك ...من النوع اللي لك علاقات عاطفية سابقة ..وأخاف حاضرة ...أو انك من النوع كثير النقد ...إحدى السببين...



والله أعلم ..ولن أقول الأسباب ...

__________________
أرد على من أشاء......بالطريقة التي أشاء .....والذي لايعجبه ...يشرب ماء....[

أخي الحاير كان الله في عونك
بصراحه انا ماقريت موضوعك "ليتني ماتزوجت" بس برضو ماني قادره افهمك !
يعني حتى ولو فرضنا ان طريقة زواجك كانت سريعه ومن غير تخطيط وترتيب ! بس بالمقابل زوجتك طلعة بنت حلال وتستاهل وعمرك ماشفت منها الشين؟ وش ذنبها تعذبها معاك ؟ وليش متضايق من شي طلع بالنهايه زين؟ انت المفروض يكون تركيزك الآن على زوجتك وراحتك معاها ! مو شلون تزوجتها او اخوها وش سوى معاك !

انا احس ان فيك نوع من وسوسه الشيطان ! انت تبي شي تغم نفسك به وخلاص ! سبب مقنع ييبرر قسوتك مع زوجتك ما ني لاقيه !

تعوذ من الشيطان وهذا شهر مبارك الدعوه فيه مستجابه وصدقني ياخوي ان الزوجة الصالحه نعمه من رب العالمين لا ترفس النعمه !! وترجع تتحسر عليها !! وش دراك ان الحريم اللي تشوفهم بالسوق وش طبايعهن وش اخلاقهم وش صلاحهم ؟ هل ممكن وحده منهم تصير زوجه مثل زوجتك؟ صابره عليك وعلى ظلمك 3 شهور؟؟ ومن غير سبب؟

يمكن لو تحط زوجتك بكف وعشره منهن بكفه الثاني ! زوجتك تساوهن بألف مره !

يا ابن الحلال مدام البنت تعزك وماشفت منها شينه ! وانت مرتاح معاها ليش تدخل موقف اخوها وسالفه صار عليها سنين في نظرتك لها؟؟
من متى الواحد يحاكم في ذنب غيره؟ هذا ظلم يا اخوي والظلم حرام !
صدقني انت في نعمه وماراح تعرف قيمتها الا اذا فقدتها !

نصيحتي جدد حياتك واكسر روتين علاقتكم وسافر معاها اي مكان ! اشتر لها هديه وشوف الفرحه بعيونها ! وقتها بتحس بالسعاده صدقني لانك راح تحس انها تحبك وتحب اي شي منك ! والدليل انها صابره عليك !

سوري على الاطاله
أختك اسيل

__________________

لاإاله الا أنت سبحانك إني كنت من الظالمين