والله يا عمري أنا أشوف إرضاء الزوج وأنج تحصنينه عن الحرام

هو الي بيكسبج رضا رب العالمين

هالأيام الواحد صعب يمسك نفسه عن الحرام ويكتفي بالحلال حتى لو متزوج مع انتشار الفاحشه و الصور و المغريات والتسهيلات العجيبه.. البنت صارت تجيه لباب البيت !! هوم ديلفري.

وأنتي لما تكفينه وتشبعينه راح تشغلينه عن هالأمور و تخلينه يركز فبيته و عياله وحلاله و شغله.

وبعدين أنا فعرسي ما حطيت وصلات ولا سويت أظافري عشان الصلاه

بس بصراحه ماكنت محتاجه .. أما لو أن مثل ماتقولين شعرج خفيف

ليش يا حبيبتي ؟؟ ترا ربي ما قال الزينه والجمال حرام!!

وأنتي مب طالعه قدام رجال!!! سوي فستان العرس على مزاجج وبطريقه تطلعج حلوه و جذابه!
واذا شايفه أن الفستان مثلاً بدون يد أو يد صغيره حرام لاتطلعين لحد إلا زوجج

عالأقل تكونين قدامه جميله وموو مهم الناس!

بالنسبه للشعر في رش صبغه للفروق الي قدام بالشعر وفي بودره.. اسئلي الي بتسوي لج شعرج هل هي عندها هالأشياء أو لا .. اذا ماعندها بتلاقينه فالصيدليات ولا النزيه

والتسريحه حتى لو شعرج خصله وحده رااح يطلع شكله حلو.. لأن أفضل حل للشعر الخفيف التسريحات المرفوعه وخلي الطرحه من فوق ونازله بس راح تطلع الغرّه

وبالنسبه للأظافر أشتري من سيفورا الاسيتون بتلاقينه مثل الاسطوانه تحطين صبعج فيها ويختفي المناكير على طول.. يعني اول ماتدخلون الغرفه تروحين الحمام يكون هو في مقلمه أو شنطه صغيره تطلعينه و بسرعه يشيل المناكير !!

أنا من شريته صرت طول الوقت أحط مناكير من الوناسه.. لأن سريع جداً واستخدامه سهل



وبالنسبه للفستان ترآ الحين اليد الطويله موضه وستآيل

وفي موديلات كثيره محتشمه .. حلآته دانتيل اذا يد طويله

وبالنسبه للحواجب أنا وحده أقص ما اشقر ولا احف.. بس حواجبي زينه أساسا

والمكياج يسوي العجب!! كل قصات الحواجب سويتها بالمكيب

فتحي عاليوتيوب على pixiwoo أو promise أو عندج من العرب حنان النجاده وناديه الشطي والمصريه نانيس

والرآئع أحمد قبيسي اللبناني

هذول فنانيين فالميكب .. والله أني من اليوتيوب تعلمت كل شي صرت بروفشنال الحين ما أعطي وجهي لأي أحد .. ودايما امكيج نفسي بنفسي

ولما امكيج أحد يطلع منصدم من وجهه... صرت أعرف كونتور و تغيير الملامح وكل شي تتخيلينه

بس من اليوتيوب

وعندي لج سرّين من أسرار الميكب مهمّين!!!!

الفرشآه و نوع المكياج يسوون فرق كبييييير فشكل المكياج!

ولاترخصين بعمرج لما تشترين المكياج.. واعتقد سيفورا اسعاره حلوه ومناسبه للجميع..

بعطيج الحين لسته بأنواع الميكب الي تشترينه وراح تدعين لي..

كريم الاساس (اذا بشرتج حلوه ومافيها مسامات) سيفورا .. ودائما اختاري نفس لونج أو أغمق

لأن راح يخفي العيوب ويصفي البشره أكثر

الكحل .. شانيل لانكوم جيفنشي وحتى سيفورا حلو..... كثير في أنواع الجاف للرسم و السايح للسموكي

الكحل السائل طبعن ماك روعه لكن سيفورا عندهم كحل رررهيب مثل القلم استعماله كثير كثير كثير سهل فالرسم بس مشكلته يخلص بسرعه فانتي خذي اثنين احتياط

والبودره بعد سيفورا وأهم شي تاخذين درجات شي مثل لون بشرتج وشي غامق وشي برونز وقلتر

وأهم أهم أهم شي تاخذينه من سيفورا أرواج اللونق لاستنق (طويله الامد أعتقد خخ) لأنها أبدا أبدا ما تروح تحطينها وتقعدين فيها لليوم الثاني حلو جدا وعملي لشهر العسل
من الصبح تحطين لون طبيعي وتبقين فيه كان من الله خخ

وطبعن الفرش لوضع الميكب من سيقما لو حصل لج .. أنا للحين ماطحت على ست من سيقما

لكن اذا ما لقيتي ممكن تاخذين فرش سيفورا لأنهم عذااااب روعه روعه ويفرق معاج الميكب 180 درجه

أنا حاليا استعمل من مكياجي (لكن الكولكشن القديم أما الجديد فما عجبني)

ومآك ممكن تروحين له تاخذين كونسيلر و لمعات للوجه و أرواج وصبغه الحواجب

أما الشادو فانتي ورغبتج

أنا آخذهم من محل أسمه أعتقد بناي في الحسا وااو خيال هالمحل جد أعشقه

والله أني أول ما أقوم من النوم أحط مكياج لو روج بس أو أرتب حواجبي

ولازم شعري دايم مفتوح و ويفي أو ممشط

وحتى فالحمام وانتي بكرامه عندي مكياج بسيط حق التوهق خخخ

وطبعن لا تنسين تغسلين الوجه زين والترطيب قبل الميكب وبعد غسل الوجه عشان ماتخترب بشرتج

وصدقيني أنتي بهالطريقه ما تعارضين الدين أبداااا أنتي قاعده تقومين بأمر عظيم

ألا وهو تثبيت الرجال فالمنزل خخخ

والله أعرف بنات كثير جمالهم بسيط.. لكن يعرفون لنفسهم ورجالهم طايرين فيهم طيران

بالمكياج والستآيل والملابس.. ترا من حقه يشوف الزين

دايما اقري فالموضه وشوفي برامج الستايل والمجلات ايش الجديد والحلو

وصدقيني كل شييي ممكن تخيلينه موجود فاليوتيوب بالخطوات !

والله الموفق!

السلام عليكم ورحمة الله وبركاته ..
مرحباً أختي الكريمة أم خالد ،
الله يهديكِ ياأم خالد ، تريديني أفعل الحرام ، بالعكس الحلال واسع جداً لكن نحن لانرى إلا الحرام ونظن بأنه حلو : ) الموضوع وضعته ليوم عرسي فقط ..
أولاً / بالنسبة لقص الحواجب ، أصلاً حرام ولله الحمد حواجبي مرتبة وجميلة مثلي : ) لاأحتاج ..
ثانياً / الفستان عملته جميل جداً ومن ضمن المباح ..
ثالثاً / بالنسبة للأظافر سأهتم بغدائي وتطلع إن شاء الله ..
رابعاً / أما مشترياتي المكياج وو لم أقصر أبداً لأنه أمام زوجي سأضع ماأحبه ، بصراحة ماجربت ماركة سيفورا واستعمل ماركات أخرى وجهي طفولي لاأريد أكبره بالمكياج سوى الهادىء فقط متعودة هكذا ..
كلما كان المكياج وكل شيء هادىء يكون جميلاً : )
أشكركِ جداً وسأجرب الماركة هذه ..
أسعدكِ الله سعادة لاشقاء بعدها أبداً ..

يافديتج بس وين الي قلته حرام؟

وبعدين ترا لو تقصدين حرام وحلال بحسب آراء المفتيين الي صاروا هالأيام على قفى من يشيل!!

وقبل علماء المسلمين الكبار و الصحابه كانوا يخااافون خوف ربي من اصدار الفتوى

فلو مشينا على كلامهم راح نضيع لان حد يحلل وحد يحرّم

الوصله مثلا حللوا الشعر الصناعي بعض المشايخ لكن بما اني ماشيه على افتي قلبك ولو افتوك .. فآ رحت دورت بنفسي فالادله من القرآن والسنه طبعن الي كاتبينهم الي حللوا والي حرموا وفقناعتي بيني وبين ربي ونيّتي ما ادخل فالحرام أني ما اركب وصله.

واذا حواجبج زينه .. خلاص معناها المكياج راح يمشي معاج ميه ميه.

ومب لازم ترا تقولين مكاج خفيف احلى و حواجبي الطبيعيه احلى
وربي خذيها من مجرب

صحيح الطبيعي اجمل و الرجل يحب طبيعه زوجته لكن صدقيني لو غيرتي الستايل كل شوي يعني مره حواجب عريضه ومره خفيفه ومره قصيره طبعن كله بالمكياج

ولو بيضه تحطين برونز .. وتغيرين الكحل مره خفيف مره ثقيل مره بدون

بتااخذين عقله .. بيصير يقول بنفسه انا متزوج موديل كل شي تعرف تسويه

والله زوجي كان يقول لونج احلى ومادري ايش وصدقيني بدون مكياج احلى.. طبعن طنشته وقمت احط برونز و ارواج غامقه واغير.. والله انه صار على قولتهم مايطلع من عندي

طبعن هو الشخصيه والكلام الحلو والدم الخفيف مهميم .. بس لازم تملين عينه

لاتقولين انا حلوه خلاص!!! تحملي .... يعني بالعربي لازم يحس انه متزوج مليون وحده

كل يوم شكل ومنظر

وآسفه لو فكرتي اني ابيج تسوين الحرام!!! وكيفج يعني سوي الي تقتنعين فيه بقلبج

كل القصد ان اعلمج على اشياء تعوض النمص او الوصلات وحلال

وسيفورا ميه ميه .. لانها اساسا ماركة مكياج وفنانين.. وخفيفه عالبشره ماتخربها

والله يسعدج.. عاد انا سوالف التعديل والمكياج تشدني واقعد اتفلسف للصبح

السلام عليكم ورحمة الله وبركاته ..
أختي الكريمة أم خالد ..
الله يسعدكِ وأشكركِ على نصائحكِ أن لاأعترض على زينتي أمام زوجي ، فقط ليلة فرحي لأنه الكثير إلا من رحم الله يتساهل في هذه الليلة وتكون كلها معاصي ..
أما تغيير اللوك في حياتي لاأعترض : )
حبيت سوالفك : )
ممّتنة لكِ جداً ..

سؤال خارجي شوي
ليش يعني بالذات يوم العرس حريصه عليه؟؟؟؟؟
انا بحس الخطبة متل العرس بس الفستان بيكون ابيض
انتي كيف كانت خطبتك
والفستان كيف كان

__________________
سبحان الله والحمد لله ولا اله الا الله والله اكبر

السلام عليكم ورحمة الله وبركاته ...
مرحباً أختي الكريمة حلم ، فستاني يوم الملكة بإختياري وكان ناعم جداً وضمن المباح وليس المفتح ..
لأنه يوم الملكة عائلتي وعائلته كانوا قليلين جداً
أما يوم الفرح أنتِ تعلمين غير ، وحريصة جداً على هذا اليوم أن لاأفعل شيء يغضب ربي فقط ..
لأنه أغلب هذه الليلة تكثر فيها المنكرات ..

عادي بيصير بدون ما تغضبي الله الحمد لله الوعي صار اكثر من قبل عم احضر الحفلات الاسلاميه اكثر من الحفلات النص كم
وحتى دخول الرجال على صالة الناس قدرت تتجاوزه .....الحمد لله اغلب اقاربي حفلاتهم اسلاميه

__________________
سبحان الله والحمد لله ولا اله الا الله والله اكبر