روح والله حيرتني مشكلتك واخاف تقدمين على خطوة الطلاق فعليا وتندمين مع الوقت

واخاف تستمرين معاه يعود كما كان وتفقدين ايضا عمرك خلف حلم من سراب

عليك بالاستخارة وبالتفكير بروية

اختي زوجي عمل مثل ماعمل زوجك ورايتها بعيني فيديو مقاطع لهم

ورايت مصايب بس سبحان الذي ربط على قلبي ووجدت حل بعد عده محاولات للحلول الحل بسيط دخلت له من باب القلب والوازع الديني

واشترطت مايطلع يسهر الا يوم واحد الي هو يوم الخميس بالليل

واي شي اطلبه مايتاخر علي فيه وطلبت انه يصلي صلاة الفجر بالمسجد

والحمدلله فرحت انه مارحت وبهذلته امام اهلي واخوانه وجلست ببيتي وسكت

فكرررررررررري

انا اعلم مدى آلمك وحسرتك وخيبة املك فيه
انتي من امنتيه حياتك ووقلبك ووعرضك وشرفك وشرفه ايضا والله اعلم وافكر فيك وادعي لك

ولكن محالولاتك الى الان جيده جدا واثابك الله على صبرك وللصبر حلوى سيجزى بها من الصابرين

مشاويرك من يوديك لها
اتوقع بتفقدي زوجك بهالتقطه لانه يوديك كان ويجيبك
اذا قدرتي تتغلبي على مشكله المواصلات بترتاحي كثير
فيه تكاسي او سواقين اجره تتعاملي معاهم
غيره انتي الي كنتي قايمه بكل شي
انا مو مع المستشاره انك تتواصلي معاه
خلاص اهو يعرف موعد المستشار
ان الله لا يغير ما بقوم حتى يغيرو ماباانفسهم
صعب صعب انتي تجبريه يتغير
انا من وجهه نظري انه ماراح يتغير الا لما يحس انه بيخسرك بجد
انا متاكده انه يظن انها زعوله بس زي المره للي فاتت
ولا تتاثري بالافلام الي يعملها انه مشرد وقاعد بالمسجد ومسكين حتى جوال ماعنده
احس تفكيره تفكير طفل
بيت اهله موجود وفلوس ماهو كان يصرف على بنات الس يواعدهم ويسافر كان ممشي اموره ماضاع ولا تاه
زوجك لو كان مشتهي كان عيشكم احسن عيشه لاهو ناقص ايد ولا رجل
لكن يحب اللعب والفهلوه
وسالفه انتي متربعه على عرش قلبه
محد يحب يخون ويجرح خاصه انك موفره له اسباب الراحه ولا كان بينكم زعل لحظتها
محد يحب يجرح وهو جرحك جرح كبير
ركزي بعيالك وانسيهزهالفتره

اسمحي لي روح هل انتي جاده بالطلاق
لان لو وقع الطلاق فعليا فيه احتمال خلاص تنقطع العوده له
ليه ماتخلي الطلاق اخر شي
واهم شي يتفذ شروطك
واهم شي عندي يصدق انه خسرك

مبتعثة

أنا ماني عارفة إيش بغى بالضبط ؟
لكن اللي متأكدة منه ، إني لو تطلقت ما راح أخسر شي ..

و أنا قلت لزوجي ، يطلقني ..
لو يبغاني ، يحقق شروطي ..

أما إنه يعلقني و أستنى متى ينفذ شروطي ؟؟؟؟؟؟؟؟؟؟؟؟؟؟

إذا على خطوتين للمستشار ، و ما تكلفه شي ..
و شفتيه تكاسل ؟

راح ينفذ طلباتي كلها ؟

بيعلقني سنوات و بالأخير ما استفدت شي ..

.
.

خليه يطلقني ، و أشوف حياتي من غيره .. و منها يتأدب ..
و لو يبغاني بالفعل ، يسعى لي و للأولاد ..


.
.

أمي الله يرحمها قالت لي مرة ..
الواحد يموت مرة وحدة و خلاص ، و لا يموت كل مرة ..

أمي شبهت حياتي مع زوجي مرة ..
قالت مثل الخروف ، و في يدك سكين على رقبته ؟

اذبحه ؟
لا ما أذبحه ؟
اذبحه ؟
لا ما أذبحه ؟

و الله حتى استلمت زوجي مرة و هزأته و شتمته ، قالت له إنت جالس تلعب ببنتي و بأعصابها ؟
ما تبغى تصير ادمي خلاص تطلقوا و تفرقوا ..

.
.

عشان كذا أخذ راحته بزيادة لما أمي ماتت ..
يحسب إني راح أحتاج له

.
.

مبتعثة متفائلة ..

هو بالفعل ، احتاجه فقط ( للمواصلات ) خاصة بالفترة الأخيرة .. صرنا فقط نحتاجه للمشاوير ..
و حتى بالفترة الأخيرة عشان كنت أدعمه بالعمل ، و ما أبغى أنكد عليه ، صار سواق يوصلني أنا و ولدي و أنا أدفع له ..

.
.

و زوجي على باله ( زعولة صغيرة ) مثل ما قلتي ..

.
.

و هو أبوه أجبره ينام في بيت أهله ، بس زوجي رافض تماما ..

عشان كذا ، إيش يدريني إذا هو يبغاني بس عشان ( يلاقي مكان ينام فيه ؟ و ياكل و خلاص ؟ )

أشوفك تراجعتي مبتعثة ؟

زوج روح ما ينأسف عليه حتى لو انقطعت العودة له ... وكيف راح يصدق أنه فعلا خسرها اذا شافها مترددة بطلب الطلاق ؟

__________________

على فكرة ..

أنا بالفترة الأخيرة ..

دعمته بالعمل ، عشان يوقف على رجوله ..
اكتفيت بالدعم العاطفي و المعنوي منه ، و ما صرت أبدا أطلب منه أي شي ..
اقتنعت بأبسط أبسط ابسط حقوقي ..

تجنبت تماما أي شي ممكن ينكد عليه أو يزعله أو يضايقه ..
هو اللي كان ينكد علينا ، هو الي كان مو عاجبه شي ، هو الي كان يتأفف و ما يجلس معانا ..

.
.

عشان كذا ، أنا متأكدة إني ما راح أندم لو تركته ..

لكن أحاول بالتدريج إني أقتنع إنه انتهى من حياتي ..

.
.

زوجي معقد ..

لما أتجنب التنكيد بحياتنا ، و أوفر كل شي .. ما يعجبه ..
خاصة إني بالفترة الأخيرة
( صرت متبلدة الإحساس بسببه ، عشان لا أطالبه بأي حق من حقوقي و تتعب أعصابي عالفاضي )

لما كنت أنفجر عليه ، و خلاص انفجر بكاء ..
يخبل علي ؟؟؟؟؟ و ينفذ أي شي نفسي فيه ..

لكن أنا ما أبغى الشي هذا ..
عشان نفسية الأولاد ، و عشان لا يروح الإحترام بيني و بينه ..

لإني لو أعطيته المجال ، ممكن يصير مثل أهله و يمد يده ..
هو شوي شوي بيصير مثل أهله ..

.
.

حالياً ، أنا ملاحظة تغيره للأفضل ، لما استفزه بالكلام .. ردة فعله مثل زمان ..
مو مثل لما أتغير ..

.
.

أنا حاطة أمل بصلاحه ،.
لإنه كثير من سلوكياته تغيرت للأفضل و يقلدني فيها بتعامله مع الآخرين ..

لكن برضو ..

لو يبغاني ، يعرف طريقي ..

.
.

أنا بعد موعد المحكمة ، راح أسافر بإذن الله ، و راح أغير رقم جوالي ..
حاليا ماقدر أقفل جوالي هذا ، عشان ارتباطات العمل ، و مدرسة ولدي و غيره ..
فكل مرة أطالع بالجوال ، افتكره ..

ما صدقت أصلا العبارة هذه ،. إني متربعة على عرش قلبه ..
و لا راح أصدقها ، إن ما نفذ الشروط ..

بعدين سمعت إنه المنفصلة عن زوجها ..
الدولة توفر لها فيزة سواق ، و شغالة ..

.
.

خلاص لا يعلقني ،.
و الله الغني عنه ..

.
.

أصلا ماني شايفة إنه متمسك بنا ، مجرد ( كلااااااااااااااااااااام )

مبتعثة

المستشارة ما نصحتني أكلمه ، بس قالت اضغطي عليه يروح للمستشار

تقول إنه المستشار لإنه يشتغل اصلاح ذات البين في الأمارة ..
و عنده سلطة ، فهو ممكن يحبسه لو أخل بشروط الرجعة ..

و قالت :
إنه قالها إن الله ليزع بالسلطان مالم يزع بالقران

و قالت بيني لزوجك إنه ما همك فراقك أبدا ، و إنك راح تتأقلمي عالوضع و إنه ربي ما يضيعك ..

و قالت المستشار هذا ..
يشجع إنه زوجي يعدي عليه ، لإنه له سابقة في التعامل مع هذه الأشكال ..

و قالت إنه راح يظل عالأقل فيه خوف من القانون ..

.
.

لكن أنا عارضتها ( شكلها تشوتني بالأخير ههه )

قلت لها ، أنا ما أبغى زوجي يرتدع و يتوب عشان خايف من القانون ؟
إيش الفايدة كذا لو بأسافر أي وقت برة سياحة مثلا ؟ أجلس اراقبه ؟

أبغاه من داخله ، يا يتصلح و يثبت إنه متمسك بيا و يبغاني
أو البعد عنه غنيمة ..

انا اشوف في مثل حالتك ان الطلاق هو افضل حل مع اني احس ان في نفسك بعض الود له لكن الطلاق تأديب له وبيسبب له فراغ كبير اذا هو ناوي يكمل الطريق معكم ويرجعك وقتها ينفذ شروطك واذا ما نفذها تكونين حرة من الأساس