هلا حبيبتي ملك
اهلا فيكي بالمنتدى
ومبارك رجعتكم لبعض يارب الله يهدي بالكم ولايفرقكم وتدوم حياتكم الزوجية بسعادة يارب صدقيني زوجك ماشاءالله تبارك الله بيحبك كتير لهيك كتب موضوعه هون بالمنتدى لانه شاريكي حافظي عليه وانتوا التنين حافظوا على بعض واحتووا بعض ..
بالنسبة لموضوع خوات زوجك هلأ قرأت كلامك واتخيلته عالواقع
موقفك صعب
بس شوفي حبيبتي نصيحة مني بكل صدق بحكيلك اياها انتي اتعاملي معهم عطبيعتك
خليكي متل ماانتي معاهم عطبيعتك ووضوحك ..لاتعامليهم بالمثل لانهم حينعدوا اكتر
فوتي عبيتهم سلمي عادي وانتي مبتسمة
حطي حماتك بعيونك وحماكي كمان
عامليهم متل ابوكي وامك دليليهم واعملي متلا قهوة او شاي واقعدي معهم انبسطي فيهم ووصليلهم هالشي بافعالك وحكيك معهم
وخواته ازا همي متل ماحكيتي بنصحك انك تكوني معهن متل ماانتي عادي لاتبيني انك متدايقة انهم تركوكي بالغرفة
ولاتبيني انك جاية على بيتهم متدايقة
ولاتحسسيهم انك حاسة بالوحدة من معاملتهم الك
الي بتحكي معك احكي معها عادي بكل لطف
والي مابتكلمك ولاوية بوزها عليكي لاتعمليلها شي ولاتحسسيها انك حتى لاحظتي
خليكي رايقة ومشي هالوقت ولاتتدققي
مممممم وازا متلا صار مشادة كلامية او هيك شي بيناتكم كوني قد حالك يعني شخصيتك ثابتة ومو خايفة ولا مصدومة ردي عادي طبعا بدون صراخ اتكلمي بثبات واشرحي ووضحي بكل ثقة
اتمنى اكون افدتك
موفقة

__________________
Sometimes when you lose your way, you find yourselflk