بعد اذنك دانى ..
اصل الكلمه دى بتضايقنى لان ابنتى ترددها
ليه العزوف ياكوكى .. هذا تعطيل لسنة الله فى الارض .. كما اننا لن نحيا لكم طول العمر ..
ان كانت عندكم افكار مسبقه عن الزواج او رفض تحمل المسئوليه فانظروا ايضا الى التجارب الناجحه والسعيده ..
الا تريدى ان ترضى ربك ؟
الاتريدى ان ترضى والدك ؟
الاتريدى ان ترضى والدتك ؟
لو عايزه ترضيهم فلا تعزفى وتأكدى ان الطيبات للطيبون وان حسن الاختيار وحسن التبعل يرقق القلوب ..
المال والبنون زينة الحياة الدنيا ..
لا تعزفى كوكى فضحكة الطفل فى وجه امه تهون امامها كل الصعاب ..

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

أهلا أهلا بالعريس
راح اقولك اسباب العزوف
اولا هناك افكار مسبقه صحيح وأخاف من المسؤليه رغم أني قادره يمكن جبانه ومدلعه
ثانيا يا عمو رؤوف الزواج عندنا مش زيكو الزواج عندنا بطيخه يا حمره يا منيله بستين نيله
وانا اخاف المفاجأت والبطيخ ما ستحملش ، أهو كل واحد وبطيختوا
أريد الزواج على كيفي وقناعتي رجل يدخل رأسي قبل قلبي
وعاداتنا ما تسمحش هي قعده خمس دقايق وشيييييييييييييييييل
وأنا أرفض هذا الاسلوب

__________________
وهل من مصير اخر ؟

حتى البطيخ عندنا على السكين ..
يعنى لازم تتاكدى انها حمرا قبل ماتشترى ..
حتى لو مجتمعك منغلق انتى انسانه متفتحه ومتعلمه ومن حقك تدرسى عريسك بشتى الطرق ..
من حقك تطلبى اعادة الشوفه اكتر من مره وهو انتى فاكره ان كل حاجه بتبان من اكتر من مره ..
فيه طباع يخفيها الطرفين ولا تظهر الا بالعشره .
ثم ايه اللى يمنعك انك تختارى راجل يدخل راسك قبل عقلك ..
ماتوافقيش الا لما يدخل عقلك ..
ماحدش حايغصبك على حاجه بس خلى الباب موارب ..
عاجبك كل صاحباتك يتجوزى وانتى قاعده معقده نفسك من اقسام المنتدى
مش معنى كده ان المساءل بتبقى وردى لكن الوحده وحشه كوكى ..
دى الوحده خلت الفراخ تدن

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

منا يا عمو رفضت كتييييييييييير ومحدش داخل نفوخي كله مكتوب ونصيب ان قفلنا الباب او فتحناه
بس يا عمو ايه معنى الفراخ تدن

__________________
وهل من مصير اخر ؟

انا بس خايف مسز دانى تضايق عشان موضوعها ولو اننا ندور فى نفس الفلك ..
حاشرحلك وللساده المستمعين ..
كان ياما كان فى سالف العصر والاوان امى مربيه فراخ فى البيت ..
انتى عارفه ان الديك يؤذن قرب صلاة الفجر وامى الله يرحمها خلصت على كل الديوك ودبحتها عشان مش بتبيض ..
انا لاحظت ان الفراخ بعد فتره بدأت هى اللى تؤذن قرب صلاة الفجر وعرقت من امى انه عشان مافيش ديك قامت هى بدوره ..
قلت سبحان الله .. يعنى الست من غير الراجل بتتغير وتضطر تقوم بدوره فى الحياه وده مش مطلوب لان دور الست اسمى وارقى من كده ..
فهمتى ياكوكى .. وهش هش ياديك الفرخه دى مش ليك

__________________
تٌجّنِبًوٌا الَوٌحًدٍهّ...فُهّيِ تٌعٌشُقُ الَرجّوٌعٌ لَلَمًاضيِ

أس
محلي يا مارد الجنوب ويا مسز داني بيكون الرد الاخير
يا عمو مهو في الزمن ده بقت الفراخ بدن حتى لو كان موجود الديك
بقت هي الراجل والست وهو بسلامته شهريار زمانه وبيعدد وبيجيب فرخه تانيه كمان مفيش فايده فيه خاااالص

__________________
وهل من مصير اخر ؟