احاول اتعلم و اجتهد كثير ..

بس انا اخاف من الغلط و اتحسس من كل شي

تعبانه كثير بعدين اكمل ..

وهذا اللي راح يفيدك فيه كثرة الردود والنقاش ... راح تخفف من أغلاطك .. وراح تروح الحساسيه بالمره

سلامتك فجر .. على فكره انا ارسلت لك ايميلي ..ما بعرف اذا وصلك

__________________

حبيبتي انا غير متابعة لمواضيعك ولكن بموضوعينك لمست شي مشابه لحالتي السابقة او صفاتي اقدر اقوول.. خلك مع الخالة بيتا نصايحها من ذهب وخطواتها صحيحة ...

كلنا مرينا بماضي متعب خصوصا احنا النساء احس نتأثر ويرسخ فينه بشكل اكبر بسبب تكوين الجسم الهرموني للانثى .. ايضا الكثير منا لازال يمر بهالامور ،، البعض ينسى او يتناسى و يوعد نفسه بيوم جديد فيه من الايجابيات ما تملئ القلب سعاده ،، والبعض يكتم بقلبها ويقول عليك ياللي ما تضيع أحد وتمشي الحياة يوم حلو يوم مر ،، والبعض الاخير يكتم ، يكتئب، يفكر دائما ، يعرض عقله وجسمه لضغوط مستمرة ، يحاسب نفسه بكل وقت ، يشوف ان باجر ما راح يجي بسلام !

كوني من الطرف الاول والثاني اما الثالث ابتعدي عنه ،، مثل ماقالت لك الخالة بيتا ابتدي تغيرين صفة وحده ومو شرط كلها تغيريها بيوم وليلة على الاقﻻ كل صفة تحتاجي شهر عشان تجربي البديل وتشوفي التغيرات حولك ...

دائما اخذيها قاعده اللي حواليك مو هم اللي قاعدين يقيدون حريتك ويحاولون يحبطونك ويمنعونك من تطور شخصيتك بل انتي ،، انتي قادرة على كل شئ وبكلامك قلتي عندك معرفات وعندك شريحة و رغم رفض زوجك فتحتي موضوع وهالشي كله يثبت انك انسانة قوية تقدرين تتخذين قرارات قوية ايضا ،، لاتلقي اللوم على تصرفات والدتك وزوجك ،، خليهم يشوفون ويلمسون التغييير الجذري لفجر وبتشووفين شلون بتتغير معاملتهم وشلون انتي بنفسك راح تحسي بالقوة اكثر واكثر،،

مريت بعده تجارب منذ الصغر ،، تعبت وابتعدت عن الناس .. ناس تتحكم ناس تحكم علي وناس تعتبرني
نقطه على الشمال وماعرف اتصرف ... صدقيني بيووم سمعت كلاام من اقرب شخص لقلبي غير كياني كنت مارة وبااصدفة سمعت .... منها قعدت بغرفتي جم يوم افكر وامخمخ ةالجملة مافارقت بالي كانها تحدي ههههههه والله واخذت ورقة وكتبت فيها كل صفة فيني اثرت سلبا على حياتي وقررت امحي وحده وحده واوري الكل منو انا،، شوفيني الحين ؟؟ على قولة زوجي كلمتك مسمار بلوح ...

اعتبري ما تمرين فيه من امر سلبي هو نقطه ايجابية تحولك لانسانة افضل ، اقوى ، و الناس حواليك راح تتصرف تبعا لسخصيتك وطريق رده فعلك ..

لاتزعلي ولا تتحسسي بالعكس خذيها مني هالقاعده شخص ما اعرفه ومايعرفني قال رأيه وقلت رأيي ماعجبه بكيفه! زعل او رضى ولازم هالشي يكون بكل حياتك فاذا قابلتي شخص ماتعرفينه مو مهم تلاقى رضى منه المهم تكوني بحدود احترامك وخلص ، تعدى خطوطه مبااشرة اعطيه الرد المفحم ولا عليك من احد .. لا هم بيرفعونك درجات ولا بيقصرونك فليش تهتمين عااتي ..،

وانا اول وحده انا قابلة ردي على كلامي وجربي تنتقدي كلاامي وشي ماعجبك رديييه ،، تراه تمرين حلوو .. وربي ينولك مرادك ويقويك وتجييين وانتي فرررررحانه بالتغيرات اللي حققتيها بحياتك ياارب

يعنى انا حساسه عشان انا انثى

اكيد و كمان ظروفى و الوراثة كلها لها دور بالحساسية عندى

انا ماقولك عمرى مارديت على احد

الا ارد بس اتاثر انا ان زعلوا مادرى ليش

ان شاء الله احاول مع انى من ورى الشاشة اتكلم لكن بالواقع و المواجهه لا

حتى احمد مرات كثيرة اكلمه واتس وهو معى بالبيت

لان تجينى افكار بالكتابة عكس الكلام المباشر

ايوا وصل بس مو كامل فيه نجوم بالاخير مادرى هو هتميل او لا

ايوا حبيبتي هوتميل ..حطي كلمة هوتميل دوت كوم مكان النجوم

__________________

طيب لك خاله و لمساعدتك معنا ..

العفو حبيبتي ... ترى مفيدة حركة الواتس اللي تساويها مع زوجك ... ولا تفكري أنه مهارتك بتكون فقط بالكتابه ... هي بتبدأ بالكتابه ومع الاستمرارية بتلاقي نفسك حتى الكلام العادي تغير وتحسن ... بس كله بدو وقت ... شهور يا فجر فلا تملي

__________________

طيب بس احمد يعصب علي مرات و يجى لى

ويقول تعالى كلمينى انا عندك خلينى افهم