لا طبعا ماتحذرها
روح
حاسه بالغيره لانهم خاطبين له
قولي مشاعرك بصراحه

__________________

و الله ما اثر فيا ابدا

موضوع الخطبة ..

.
.

جات على هذه يعني !؟؟؟؟؟

و الله العظيم انه ما في بقلبي اي غيرة عليه ..
و لا صار يهمني شأنه ..

اذا اهتميت .. فقط من اجل اطفاله
اما ازعل عشان غيرة ؟

ابدا"


.
.

و اصلا طلع الموضوع تمثيلية من اهله ..
عشان الي تنقل الاخبار لي هما كاشفينها

ف يحسبوا لما يوصل لي الخبر

راح اغار و اشيل فكرة الانفصال من راسي

قريبتهم هذه

لما زوجي اختفى ..

اهله تكلموا قدامها انه فلان زوجي مختفي و ماحنا عارفين فينه و دوروا عنه بالمستشفيات
دقت علي و قالت لي .. من غير ما اطلب منها

و اهله اي كلام عني .. ما يقولوه قدامها ..
يعني عارفين ايش يقولوا قدامها و ايش يخبوا ..
و انا ماني غبية ..

هي حاقدة عليهم و تبغاني اقتص من اهله باني اقهرهم عن طريق ولدهم

بعد ما تكلموا قدامها انه زوجي مختفي ..
سحبوا منها الجوال و تضاربوا معاها لاسباب و حجج بينهم ..
المهم انه منعوا الجوال عنها

هي على نياتها .. ما تدري ايش بيخططوا ..

المهم
دقت علي و من غير ما يعرفوا و قالت لي ترى زوجك يجي مرة بالاسبوع و يزور اهله
و لقيوا له وحدة كذا كذا .. و اهله خلاص بيخطبوا له عشان يقولوا كيف يجلس من غير زوجة !؟

.
.

بس تمثيلية من تمثيليات حماتي

ما يدروا انه هما كذا بيضروا حالهم

يحسبوا اني غبية راح اجري على ولدهم !!!!

انا ما اثق برضو في قريبتهم هذه
و لا اثق في اهله
و لا اثق فيه هو بنفسه

هي زمان لما كنا عايشين مع بعض انا و زوجي
كانت دايما تقول ( انا اغبطك على تعامل زوجك معاك و احترامه لك امام اهله

و كانت تقول اتمنى زوجي يعاملني مثل ما يعاملك زوجك
و تقول معليه انا اعترف قدامك لا تحسبيني احسدك
بس اغبطك

فانا ما اثق في اي احد

لكن اخد المفيد و احكم عقلي

و هي الي تدق علي
لكن انا ما اعطيها اسراري

عالعموم

اخويا الاحد رايح المحكمة يبلغهم عن وجوده عند اهله ..
وطلعول هما يعرفوا مكانه لكن يكذبوا و يقولوا ما نعرف فينه

و رايح الاحد عشان ياخد ورقة بالامر بالقبض على زوجي
و يسلمه لاقرب مركز شرطة لبيتهم

هو ليه يمثل انه مختفي وش مصلحته

الله يكتب لك فرج وراحة بال

هو نمطه جنوبي والجنوبي ما بيحب المواجهة بيحب الهروب وبيعتمد على الناس هم يحلو مشاكله وحتى قراراته ﻻزم يستشير كل العالم ادا حب ياخد قرار ومتردد وما عنده ثقة بنفسه
الله يفرج همك
امين

__________________
انا لله وانا اليه راجعون

مبتعثة متفائلة

اهله يعملوا كذا قدام قريبتهم هذه ؛ لانهم عارفين انها تنشر اي خبر ..
اظن على بالهم اني راح اقلق و ادور عليه ..

هما من زمان يعرفوا اني ما اتحمل غيابه عن البيت يوم واحد ..
يحسبوني غبية مثل زمان ..

بس هي قريبتهم على نياتها و ما تفهم لهم ..
ما تدري انهم يمثلوا قدامها .. بس انا كاشفتهم

الدليل انه الجمعة الي فاتت ارسلت لاخو زوجي رسالة
( ارجو تبليغ فلان بموعد الجلسة غدا" عند القاضي
لفسخ عقد النكاح او اصدار القاضي امر بالطلاق غيابيا )

عشان الكاتب بالمحكمة و القاضي قالولي بلغي اهله

رد عليا :
زوجك ما شفناه من شهر و ماندري فين مكانه

.
.

و قبل يومين قريبتهم تقول لي انه كان يوم الجمعة في بيت اهله
و سافر عشان مقدم على وظيفة


عشان كذا
عرفت انهم يوم تكلموا عن الخطوبة ووو الخ قدامها
عشان يبغوها توصل لي الخبر ..

اصلا زواجنا انا و زوجي؛ اهله ما ساعدوه و لا دوروا له و لاشي

هما بس يبغوني ارجع لزوجي ( ذليلة و غصب عني )
لانهم ما تعودوا انه ( مرة ولدهم تمشي كلامها على ولدهم )
و تعودوا انه ( الرجال يعمل اي شي و مافيها حاجة )

.
.

كم مرة قالت لي ام زوجي
انت ذكية و فاهمة كل شي .. تحسبني امنع ولدهم يحضر مناسباتهم العائلية !!!!!

ارد عليها ..
انا ذكية لكن ماني خبيثة .. افهم لكن ما اخطط ..

امي قالت لي بعدها
لا تردددددددي عليهم مرة ثانية و طنشيهم خليهم ياكلوا بنفسهم

و ما صرت ارد عليهم

.
.

و دحين بنفسهم شايفين ولدهم ما يجي عندهم غير كم ساعة بالاسبوع
يعني مو انا السبب .. هو ما يبغاهم

.
.

المهم دحين ..

اخويا اليوم نازل و عشان بكرة يروح للقاضي و ياخد منه ورقة بأمر احضار زوجي
و قال لي خلاص اتولى كل شي

.
.

زوجي دق على جوالي كم مرة و مانتبهت .. لقيت اتصالات منه
و ما رديت عليه

ارسل لي رسالة على جوالي ..
صور عقد العمل الجديد الي راح يبدأه يوم الاحد .. و كاتب عشان اثبت لك اني لقيت وظيفة راتبها 5000 ريال
و يبغى فرصة اخيرة .. يقول انا اعترفت قدام الشيوخ و قدام المستشار (عشانك)
و يقول لا تتنازلي عن الطلاق بس حطي شروطك .. و اعطيني فرصة

انت مو خسرانة شي لو اعطيتيني فرصة و وقت بس اثبت لك كل شي
لقي وظيفة في (ثول) نفس المكان الي انا مقدمة فيه عشان اكمل الدكتوراة

المهم ..
ما بلغت اخويا و لا قلت لاخويا شي و لا رديت على زوجي ..
ابغى اخويا يجيب الورقة من القاضي ..

.
.

ارسل رسالة تانية
يقول انا لو ابغاك عشان راتبك ..
دحين عندي وظيفة راتبها 5000
و ليش ما افكر اني اطلق و خلاص الاولاد مصيرهم يكبروا و اشوفهم كل مرة و التاني

.
.

بس رديت عليه :
ايش المطلوب ؟

قال :
أجلي شوي الجلسة الي بالمحكمة و مو خسرانة شي .. او حطي الشروط الي كتبتيها و انفذها كلها
بس اصبري استلم راتبي و اعمل لك حفلة قدام اهلي و اهلك عشان ارجعك معززة و مرفوعة الراس
و يقول تبغي اجلس برة البيت ؛ اجلس مو مشكلة بس ما نفترق و تشيلي فكرة الطلاق من راسك