مصارحتك لوالدتك ضرورية عشان تفهم وتعي للأمور

ولو كان لها موقف قوي ضد النميمه لاردع اغلبهم لانها أمهم لا تقف موقف المصدق والمشحون الله يهديها

مو ضروري تكلمينهم عن الفتنة والنفاق والنميمة في نصايحك. لهم حديثهم عن ذكر الله وفضله عن رمضان
وعظم هذا الشهر عن فضل الصلاه علي النبي صلي الله عليه وسلم
عن الجنه ونعيمها عن النار عن حياه الرسول وسيرته أشياء كثيره شوفي البنات الصغار ًالمراهقات تحب

هذه الأشياء وبعض الزوجات قد تكسبيهم لك وتاخذين اجر اعملي لهم جلسه كلها ذكر الله

حاولي اي كلمه تسمعينها مباشره او غير مباشره ما تكبريها
لأنهم ناس يريدون الشر وتضخيم الأمور أبعدي قدر ما تقدري عنهم

وأمك الله يحفظها وش تبي الطفل بهذا العمر هي مو بقادره تربيه وتقوم بشؤونه
حرام تأتون بطفل في بيئة مثل كذا هم ما رحموك وانتي بناتهم وشلون عاد طفل غريب

ما أظن إخوانك واخواتك بيتركونه بحاله وأمك ليس باستطاعتها حمايته ولا رعايته
حاولي تصرفين أمك عن الفكرة الطفل

ومسألة حملك راجعي الطبيب وهم وش مفكرين انك بتجيبي عيال وتعطيهم أمك تربيتهم
لما يقولوا انتي ما تجيبي عيال وبنجيب طفل لأمكم عجيب أمك خلاص خلفة وأنجبت الدور عليك انتي

وهن اذا بيبرون أمك بولد ليه ما يعطونها من عيالهم ناس غريبه
وأمك وش موقفها من هذا الحكي أكيد أمراه كبيره ولها رأي سديد

اخر شي حاولي تجنبهم قد المستطاع وانشغلي بزوجك وحملك
وحاولي تتخلصين من الرواسب التي تكون بسببهم

حطيتي يدك عالجرح
الرواسب اللي تضايقني تزيد لآني ما أرد اعتباري لحظتها
حاولت أتخلص منها قبل لكن يوم زادت المشاكل وقت زواجي
جلست افصفص الرواسب كلها وحدة وحدة شي سوا لي كآبة
وحسيت أني حقودة اللي مانسيتهاوتأزمت اكثر
لكن أمي الله يحفظها طيبة. تسمع لهم وعندهم أسلوب فضيع
للاقناع لدرجة أني أصدقهم احيان ولاني أنا الطرف الهادي
تقدر تسمعني كل شي ما ارضى سماعه بعكسهن تسمع لهن وبس
وحكاية الطفل ما عندهم جرأة وما أتوقع ان الموضوع صحيح رغم
انه انعرض كثير أتوقع من باب الدق بالكلام وأمي رافضة الفكرة
وجلستي صارت مع بناتهم لان الكبار بروس بعض وإذاعطوني وجه
عشان يشرشحوني ويغلطون علي وإذا زعلت قالوا ننصحها وهي ماتفهم
والبنات كل شوي تنسحب وحدة من عندي تنظم لهم
لحد أمس اسأل وحدة من البنات بطريقة عامة
عن طريقة مكرونة سكتوا وكان رد البنت لاختي لاتردين عليها قلت رجعنا !!
وفوق كذا اذا شافوني مع البنات اللي للحين ماقلبوا علي
قالوا الشغلة فيها احزاب للأسف بوضعي هذا ما اقدر اتجنبهم
لان بنت أختي الكبيرة احبها وتدق علي تقول حنا عند جدة وصاروا يضايقوها حتى اختها
لانها زينة معي وما أبغى اخليها لحالها عندهم حتى أمي ما اجيها الا ساعة اذا هن موجودات
كثر كلامي وقلة حيلتي
مشكورة على وقفتك معي🌹

حشا ماهن حريم مثل الأطفال وربي

الله يعينك ويصبرك
وزين أمك رافضه الفكرة
بس انتي عندك مشكله انك مو قادره تنفصلين عنهن
روحك. معلقه فيهن وعقلك مشغول بهن
انتي البعدي عنهن وكأنك في مدينه ثانيه دام أمك ما عليها
قصور ولا خلاف حاولي تجنبيهم تري احيان البعد يزيد المحبه ويخفف المشاكل

واتبعي الكلام اللي قلته لك ولا تستنين النتائج السريعة واستعيني بداعيه وقت جمعاتكن

باين أنهن بعيدات عن الله

والله يجمع قلوبكن ويصلح حالكن أكثري الدعاء لهن بظهر الغيب


،،،

لو قلت لك أنهن ملتزمااااات وحدة كنت اعتبرها مثلي الأعلى بالدين
لكن اكتشفت أشياء لايرضاها عقل ولا دين هزت نفسيتي هز
وانكسر بعيني كل كبير سويت نفسي ما شفت ولا سمعت
اما أمي تبيني اكون معها في لماتهم وتعذرت بصريح العبارة
قلت العيون ضايقة فيني لا اضيقهم ولا يضايقوني اللي صار ان
أمي زعلت وحطت الحق علي واعتذرت وقلت بصلي وعندي شغل
احس بالطريقة ذي اترك لهم المجال يفتنون ويأخذون راحتهم
تعبتك معي الله يجزاك الجنة