حبيبتي بهالزمن الطيبة يعتبروها ضعف لكن صدقيني هي نقطه قوووة اذا صرفتيها بذكاء ،،

تعلمي كلمة ( لا ) ،، اذا طلب احد منك طلب وكنتي غير قادرة على ادائه وليس من ضمن شؤونك حتى اذن افضل واقصر كلمه هي ( لا ) ،، لا ما اقدر بدون تأسف! يعني لا تقولي انا اسغة بس ما اقدر .. هني معناه فيه احتمال للموافقة وايضا كانك مذنبة ومن حق هالشخص ان تؤدي عمله في حين ان الواقع هو العكس .... لما تحسي نفسك تانيب ضمير اسغلي نفسك بشغله معينه بمشاهده برنامج معين او التحدث مع اهلك اهم شي لا تتركي مجال للفكرة تتمحور براسك انتي ماغلطتي انتي طالبتي بحقك وهو حق الرفض...

تصرف هؤلاء الناس بالمجلس وجرحك ،، بهذا الحال استغلي طيبتك بصفك والله انك بتحرجيهم وحتى بيصغرون بعين الباقين بالمجلس! ... جرحوك بكلمة ابتسمي وقولي لاحول ولاقوة الا بالله ،، ضحكوا عليك ردي عليهم ( الخاتمة تصحك على العمل ) اوو تلحقيها بدعاء آخر فان استفزوك ردك لازم يكون حازم وجدي ( اللي يبغي شغلته تستوي يسويها بنفسه ) ...

اسئلة الباعة لك ،، مادري اذا تحسي بالانزعاج منها اذن خلي ردك بكلمة واحده وهو راح يفهم وما يكمل هي ( الحمدلله ) ،، سئل عن الوالد قولي الحمدلله ،، شنو مسوي الوالد الحمدلله ،، درستي الحمدلله ... بيفهم انك مو حابة تتكلمين بشي وماراح يسئل مرة ثانية ،،،

والدتي بمثل طيبتك وكانت تستغل ونحس بالغضب ولكن تصدقين وراء هالطيبة شخصية راائعه وقووية ! هي بنفسها تقول انا ادري بفلان وفلان وفلان يسوي هالحركات ولكن لو بغيت بتشوفون شلون اوقفهم عند حدهم وفعلا صارلها موقف لاحد اخواني وهني صاارت اسد كلنا انصدمنا قالت كلام اقل مايقال عنه سممممم ولكن ايضا باسلوب طيبتها ،،، والكل صار يحاسب لها ... طيبة صح لكن لا تخلوا وجهها الثاني يطلع ،،، انتي كوني بهالحال وانا على ثقه انك بداخلك انسانة قوية وواثقه بنفسك وكل اللي تسوينه نابع من طيبتك ومحبتك للثواب عند رب العالمين ولكن الله سبحانه ما كلفك فوق طاقتك وانتي لك حقوق حالك حال كل انسان ...