ماتشوفين شر حبيبتي
الله يحفظلك عيالك ويردهم لك سالمين غانمين
عسى ربي يطمن قلبك عليهم ان شاء الله ربي يقر عيونك بشوفتهم باذن الله

انفاااس الله يطمنك ويبعد عنك كل شر يارب..

__________________
الحمدلله

أسفه على التأخير في الرد بس والله تعبانه والكتابه من الجوال تتعبني
المهم راح ابويا وزوج اختي وأبو زوج اختي يصير قريب الوالد راح عند شيخ قبيله زوجي ( مدري بتفهمو كلامي في القبائل ) اولا.
وشرح له الوضع كله من بدايه ما أخذ الأولاد وانه أخذ الجوال منهم ومايخليني أتواصل معهم وفي الاخير يقول انه سافر بيهم
الشيخ قال لابوي حقك محفوظ وأخلي يجيب الأولاد غصب عنهم ويعتذر كمان رجع أبوي البيت ثاني يوم جا الشيخ واثنين من أرحام طليقي ومعاهم الأولاد واعتذروا لابويا
دخل ابويا علي وكلمني وقال يابنت الحلال
الرجال مدري ايش فراسه حاقد عليك بالمره او انه يبغى الصلح ويضغط عليك بالاولاد
وإنتي اذا طلبك الأولاد بالسرعه تعطيه ما تفكري
قلت يا ابويا انا ما اقدر امنعه عن الأولاد انا لي الحضانه وهو له الزياره وإذا امتنعت راح أتعرض للعقوبة القاضي كذا فهمني
قالي انا رجال كبير وتعبان أيامي في هالحياه محدوده ما بقي من العمر كثر الي راح )الله يطول في عمره ) لا تتعبني والله ما عاد أتحمل مشاكل حتى زياره يا ريم اذا ماتبغي تجئ قلبي مسامحك دنيا وآخره
لكن تتعبي نفسك وتمرضي وانا رجال كبير اذل تفسي عند الي يسوى والي مايسوي
فكري بوضعك وهذا رجال والله ماراح يخليك في حالك
سكت ولا رديت عليه بشي
الحمد لله ان اولادي عندي ورجعوا لي بالسلامة
والله ما تخيل حياتي من غيرهم
ضحيت بسعادتي عشانهم
طليقي تعبني بالشكل مو طبيعي
مواضيعي القديمة كلها عن الأوراق الثبوتية والمحاكم والحضانه
اربع سنين ونص من عمري وانا أحفر بالصخر عشان اولادي واثبتااهم ولكانهم سعودين بس لان ابوهم معاندني
تعبت بمعنى الكلمه والمسلسل لسى مستمر مالقيت لي حل في موضوع الأوراق
الولد بيدهل الابتدائي بدون كرت تطعيم
والبنت الكبيره السنه الجاي لازم تطلع بطاقه وبعدين اختها وبعدين الولد والمسلسل مستمر
يارب صبرتي وساعدني مالي غيرك يارب

__________________
ريم نواف سابقا

تسلم يا ابو مريم وجزاك الله خير
الله لايحرمنا من نصائحك الغاليه يارب

__________________
ريم نواف سابقا

تسلمي يا غاليه
وحفظك الرحمن من كل شر

__________________
ريم نواف سابقا

والله يحفظ لك أولادك يا غاليه ويريح بالك
الم حبيبتي قريت اشوي من موضوعك عن ولدك
الم ياغاليه تمسكي بولدك وخليه عندك نصيحة لا تبعدي أولادك عنك البعد جفا والولد في سن خطير جدااا لازم احد يتابع ورآه

__________________
ريم نواف سابقا

امين يارب
والله يا غاليه تعباااانه الحمد لله على كل حال
حاسه اني شايله جبل على ظهري
جسمي طايح قلبي يعورني احس بألم فظيع في صدري
بس نايمه ولا لي رغبه بشي مرهقه بالشكل فضيع

__________________
ريم نواف سابقا

لاتستسلمي وتنهزمي ريم.. قوي نفسك بالقران وصلاة الليل والاستغفار..
ربي معااك

__________________
الحمدلله

ونعم بالله
واحمد الله على كل أمور حياتي
بس بجد تعبت !!
اقسم بالله ماعاد في حيل ولا قوه وما أبغاك مشاكل خلاااااص
اربع سنين وعليها وانا في المحاكم والشرطة و في التعليم رحت كل. مكان عشان انقل اولادي
والله كنت اصحي اولادي وأجهزهم لدوام وأخذ والدي وأروح فرع وزاره التربيه قسم. الرجال احس بإحراج مو طبيعي معي ولد عمره 11 سنه محرم لي وانا أبغى انقله من مدرسته
نقلت ولدي بصعوبه وبتعهد وتعب
غير نظرات الرجال المريضة لي كرهت نفسي بمعنى الكلمه
كنت اروح من شمال جده لوسطها لجنوبها عشان نقل ولدي
غير البيت وأثاثه ومسؤوليته
أبغى

__________________
ريم نواف سابقا

الحمدلله على سلامة العيال يا حبيبتي لا تضيقين خلقك الحمدلله الموضوع عدى على خير

ما بقول لك غلطتي لما زرتيهم ﻷني احسه خير لك عرفتي انه ابوهم ما تغير وعرفتي مهما كانوا اهله طيبين ويحبونك ويحبون عيالك الا انه حبهم لولدهم اكبر ..

قريت مواضيعك القديمة وطليقك اتوقع يا مدمن او مريض تفسي ..

ماشاءالله عيالك محظوظين عندهم ام مثلك الله يخليهم لك حبيبتي اعتني فيهم واعتني بنفسك عشانهم ولا تمرضين حالك بالتفكير .. ولا تخلين معاناة الماضي تتكرر ..

الله يأجرك حبيبتي ويعوضك كل خير ..

__________________