آليوم صحيت من النوم الظهر

وتفاجأت بأمي تقول ان زوجي اتصل عليها وقال انه جاي لبيت أهلي

طبعا ابوي مو موجود

جا معاه شنطة لي يتعذر ان فيها أشياء مهمة لي ممكن احتاجها

وقعد يتعذر من امي ويبوس يدها ويطلب منها تصلح بيننا

وقال انا بعطيها اللي تبغا بس ترضى علي وترجع

وانه كل فترة يشيك ع البيت يشوف أخذت عفشي وملابسي ولا باقي..

ويقول لامي تكفين خليك محضر خير بيننا

وقال انه رجال مريض ومعاه القولون ووو يعني جلس يتعذر الين طلع

طبعا الأسبوع هذا كاملا عنده دوام،،

صراحة حزنت عليه وتذكرت نفسي في طلاقي الاول

بس في نفس الوقت ما ودي ارجع على طول عشان يعرف قيمتي اكثر

مرات قلبي يتقطع عليه ومرات أزعل من سواته وأقول أحسن

صدري ضايق محتارة حاسة بالضياع

مرات ودي أعطيه فرصة

ومرات أقول جت من الله وتطلقت يمكن أعيش حياة أحسن بعيد عن الضغوط والمتاعب

__________________
ربي احفظ لي ابنتي ..