خلها تشوف أمها بين فترة وفترة
وربي يوفقكم وتنحل أموركم

معليش داخلة عرض .. ممكن رابط موضوع لمعاناة لجين .. عشان نشوف راي الطرفين ونحكم ..

جميع الأخوات بدون استثناء بحكم أني داش من الموبايل فبرد رد عاد

مع انه موضوعي بصوب. والكلام اللي كتبتنه بصوب ثاني

الاخوات اللي بنظرهن انه من حقها طلب الطلاق لسبب أني تزوجت ثانيه ويترتب على طلبها منعي من تربية عيالي جدامي عيوني

زواجي من ثانيه بعلمها وعلم اهلها وبموافقتها وسبب الكل يعرفه. لحين عقب ما استوا من بينا ثلاثه
تذكرت انها تقوم بواجباتها كزوجه او اوا او أنا واضح وياها زوجه على ققولتكم عندي ومب ناقصني حاجه

موضوع اليهال ما عندي استعداد لو واحد بالميه اسلمهم لها إذا هي اصرت على طلاقها وخاصة انه اخوانها رافضين انهم ياخذون اليهال. وهي إذا تقول عقب الطلاق مب معرسه إذا بالعقل شنو لزمة الطلاق تربي عيالها بيت ابوهم

موضوع سفر وطلعات ودراسه تصدقون عاد اول مره ادري انه الوحده تطلق عشانهم
مع انه سمحت لها عقب ولادتها بولدي ولكن دراسه مرفوضه أنا حر أنا يوم اخذتها من بيت ابوها ما شرطت دراسه إذا أنا مب ملزوم بتدريسها ?ني مب محتاج لدراستها

بالنسبه لحرمتي ثانيه انه سمحت لها تدرس ?نه من اخذتها من بيت ابوها هذا كان شرطها وانا وافقت موضوع تغطية الوجه ممكن أنا اجوف الاولى بنظره غير عن ثانيه وواللي اعرفه بشرع انه إذا الحرمه مب جميله وايد مب لازم تغطي ويها

اعذروني كتبت وانا مستعجل ولكن فعلا بعض ردود مب واقعيه ومب عادله

__________________

الحمد لله على كل حال

أم بلال عساج طيبه
غريبه انه ما بينكم تواصل ممكن عسب ظروفها صحيه ممكن هي مب قادره تتواصل وياج
?ني توقعت العكس
على العموم امورها طيبه ولكن دلال بعض الحريم استوا منفر الحمد لله انه رب العالمين شرع لنا اربع و? الله يعين

__________________

الحمد لله على كل حال

اهلين بو خليفة .. الحمد لله أنا بخير من الله والحمد لله انه انتم بخير كمان

لا ما بينا تواصل .. اخر تواصل كان بينا الخميس اللي قبل رمضان مباشرة ... انشغل بالي كثير لكن ما حبيت أتطفل عليكم واكتفيت بالدعاء

انت عارف انه لجين ما تتدلع .. ظرفها هو اللي صعب ..
واسمح لي أعلق على كلمة قلتها بردك على روح الطير
هل فعلا تقدر تقول ان لجين ما تحب عيالكم ؟ ما عندها مشاعر الأم تجاههم ؟ ما تشوفها متعلقة فيهم ... ما تشوف أنه عيالكم هم ذراعها الملوية ؟

اذا على نوع حليبهم وتفاصيل من هذا النوع فتذكر ربي يسعدك
1. عمر لجين وبالتالي قارنها بالحريم الأمهات .
2. الأمهات ذولي كيف نفسياتهم كيف وشو مشاكل حياتهم ؟ ومين واقف معاهم من خوات وأم يعلموهم.... وزوج سند يشجع ويتغاضى عن الغلط .
3. الأم تاخذ نفس بين الحمل والحمل عشان تقدر تعتني بالطفل الي قبله ... زوجتك صارلها 24 شهر وهي بحمل مستمر تقريبا ... أنت مدرك هذا شو معناه ؟؟ البنات هنا يقدروا يعرفوا شو يعني تكوني حامل كل هذي المدة , وتأثيره على الصحة والقدرة على أداء الواجبات وعلى النفسية والقدرة على احتواء الزوج والأهل .

خالد أنت تتغاضى عن كل نقد أو تحليل لمشكلتك وتتجاهل أي حل يقولوه أعضاء المنتدى ... لصالحك ولصالح أولادكم يا ليت لو تفتح قلبك للكلام . ليش ما بدك حد يجيب سيرة غلا ربي يحفظها ؟؟؟ هل ممكن لأنك بداخلك عارف وحاسس ..
وخايف؟
لا تغمض عيونك وتعاند .

بعرف أنه قلبك أطيب من الطيب وبعرف أنك تكره الظلم وما ترضى الغلط على نفسك .. كريم نفس وعزيز ... مشكلتك أنت ولجين بالعناد ... مشكلتكم أنكم شبه بعض أكثر مما تتخيلوا .

المشكله انج ترمسين وانتي أكثر وحده ممكن على علم بادق تفاصيل مشكلتنا
أنا مب هامني هي تعرف حليبهم او ما تعرف او تطبخ او تنظف كل هالامور مب وايد هامتني ?نه عندي من يسد مكانها أنا كنت محتاج تكون زوجه من بداية زواجي ونحن على رهان واعتبرها عقب زواجي من ثانيه هي خسرت أنا علاقتي فيها الان كام لعيالي

الان ما عندي استعداد خليهم يدخلون صراع اللي بيني وبينها أنا خيرتها أنا تعيش بيتها معززه مكرمه ويا اليهال وتطلع ومن هالسوالف لكن تنسى اننا زوجين هي رفضت وأضرت على طلاق إذا هي اللي ?بد تتنازل عنهم

أنا ما قلت بحرمها منهم ?ني ادري انها متعلقه فيهم لكن بشروطي أنا ويصير العكس هي اللي تشوفهم بالاجازات دامها فكرت بعمرها


أختي الكريمه موهبه أنا مب ظالمها و? حاطها بسجن أنا سمحت لها بالخروج وسفر لكن الدراسه ? بتقولون عناد أنا حر

هي استوت عطني او طلقني يعني مب هامينها عيالها يمكن ?نها تربت جي

__________________

الحمد لله على كل حال

السلام عليكم اخي

ما قدرت اواصل قراءة الردود

اخي لا تطلقها بس حررها شوي

لا تعاملها بالعدل و الانصاف، حن عليها، هذا هو المطلوب

شوف نفسيتها، هي خسرت الرهان، و خسرت زوجها و الحين صار دورها وظيفي: تجيب عيال و تربيهم، طيب و هي بعد

حتى الخدم عندهم حق يكون عندهم اجازة، و يوم يروحون فيه عن نفسهم

فخلاص، دام انك عايش حياتك مع حرمتك الثانية الله يديمكم لبعض، فارحم الاولى شوي، و لا تلةي ايديها الاثنين: يعني لا هي شريكه حياة و لا هي حرة نفسها،

و الباقي انت ادرى فيه بعد

زوجتك تحس نفسها مستنزفة من الداخل و ما عاد عندها قدرة تتحمل نفسها، ارحمها

و الله معركه تكسير العظم بينكم بتخسركم انتو الاثنين، فلو انها رضخت و رجعت معاك كيف ما تبغي، ما راح تقدر تتحمل كسرتها، لانك عزيز النفس و ما ترضى كسرة النفس لغيرك، فما بالك بام عيالك

أخر سطرين من ردج حفظتهم عندي

يصير خير ان شاء الله

__________________

الحمد لله على كل حال

اخوي ابو خليفة ،،، انا ماعندي خلفية عن مواضيعكم ولكن بناءا على هالموضوع ... اتركها قليلا تهدأ تستجمع افكارها وانت ايضا لا تضغط ولا تصر عليها بشيء وبعد الفترة هاذي اطلب مقابلتها مع تواجد احد اخوتها ليكون الشاهد بينكم ،،، اعيد عليها
السؤال اذا كانت فعلا جازمة بموضوع الطلاق ؟ افهم السبب الفعلي له وان كان هناك مجال للاصلاح؟ لا تضغط عليها من جانب الاطفال ان علمت تعلقها بهم فهالموضوع مو وقته حاليا انت تحاول اصلاح بيتك فلابد من المصارحة بكل شي ...

اذا رايت منها الرغبة بالانفصال ،، عدم ابداء الموافقة للرجوع ،، الاصرار على القرار .. اذن اعطيها رغبتها ،، انت ماتقدر تسوي شي لما تتباعد الارواح مابين بعض وبعض الاحيان المرأة او الرجل يصلون لنقطة النهاية بالنسبة لهم بالتالي لا مجال لاعادة الترميم ايضا بالنسبة لهم ...

ولكن ان كنت مصر على الاصلاح ،، ورايت بريق امل فعليك بالصبر تجاهها مع ايضا محاولة التقرب منها اكثر حتى وان صدت ... دعواتي لكم بالصلاح والهداية ويخلي لكم اطفالكم ان شاء الله

مشكلتك ياخوي ما تبي تسمع النصيحة الصح

تبي تسوي اللي تبيه وتبي من يأيدك

انت حاط لجين بسجن تعرف يعني شنو سجن

ومن قالك ان الحرمة اللي مو حلوة مو لازم تتغذى والحلوة لازم تتغطى

عطني اية او حديث يثبت صحة كلامك

اسمحلي واسفة على اسلوبي انت تبي تتسلط على لجين وتبي تاخذ مصلحتك منها ومن غيرها اما مصلحتها هي فمو لزوم


خاف الله يا ولد الناس باجر وراك حساب

شوف كلامك كله عن نفسك ( انا مو محتاج دراستها))) بالله قولي متى الريال يحتاج دراسة مرته؟؟؟

اسمحلي قمة الانانية

وكلام الحق ما يزعل

__________________
لا اله الا انت سبحانك اني كنت من الظالمين