خانك حتى فقدت صوابك

والان يعنفك لفظيا وبدت يده تنمد وتلمسك لين فقدتي سمعك

تبينها "بالفم المليان"؟ لن يرتدع وأنت بهذه الانهزامية! ولا ابشرك بيزيد!

تنتظرين خسارة باقي حواسك وصحتك ونفسيتك ويالله تستوعبين؟

في سبيل ايش؟ وعشان ايش؟

عزي نفسك تلقينها! انتي مو امه عشان تركضين له كل ماغلط وكل ما اشتكى!

مو مشكلة.. عيبه يعصب نقول لازم تعرفين تتعاملين مع عصبيته

ظروفه وتراكماته النفسية ملزومة تراعينها اكيد! بس مانتي ملزومة تتحملين نتائجها!

لكن تتعاملين مع عيوبه صح وبالطريقة المناسبة ويطالك منه كل هذا بدون ادنى اذى منك؟!

كلامي حاد اعتذر بس مقهورة عليك مرة

اعيدي النظر بكل شي ملوكة

الله يوفقك ويسخره لك

المشاركة الأصلية كتبت بواسطة ابغي حل؟ مثلي ... و فالحلقة الاخيرة نفجر كل شي و تي تي تي مثل ما رحتي جيتي 👏 لا فعلا و صدقا جلسي ع طرف و طلبي السموحة من نفسك و اوعديها محد ياذيها بعد اليوم ... ومسكي زوجك ع طرف و قولي له ملكة الأحاسيس غاليه دير بالك عليها ... ان اهلك عيشوك ف جحيم انا كنت نعيمك.. دير بالك أكون لك جحيم ... 🙊

المشاركة الأصلية كتبت بواسطة ندى_1406 والله ياملكة أبوي وأحنا صغار كان عصبي نار أمي تخاف تتكلم قدامه ومع الوقت والصبر خفت عصبيته وماشاء الله الحين زي النسمه أمي ماخذه حريتها على الاخير ومايقولها لا ولايعارضها بشي وماعاد يعصب أبدا دايما الصبر عاقبته خير وسبحان مغير الاحوال أسأل الله عز وجل أن يجعل لك من كل هم مخرجا وأن يبدل ضيق قلب راحة وأطمئنان وأن يسعدك دنيا وأخره اللهم امين والف سلامة لك ولابنك

المشاركة الأصلية كتبت بواسطة لمسة غروب الله يفرج همك جربتي تعصبي عليه يمكن من النوع الي يخاف مايستحي واجهيه بنفس اسلوبه يمكن يعقل والله مصيبه ذا الرجال مدري وش يبون اصبري ياحبيبتي وادعي الله الله يفرجها عليك ويهديه

المشاركة الأصلية كتبت بواسطة Vanity خانك حتى فقدت صوابك والان يعنفك لفظيا وبدت يده تنمد وتلمسك لين فقدتي سمعك تبينها "بالفم المليان"؟ لن يرتدع وأنت بهذه الانهزامية! ولا ابشرك بيزيد! تنتظرين خسارة باقي حواسك وصحتك ونفسيتك ويالله تستوعبين؟ في سبيل ايش؟ وعشان ايش؟ عزي نفسك تلقينها! انتي مو امه عشان تركضين له كل ماغلط وكل ما اشتكى! مو مشكلة.. عيبه يعصب نقول لازم تعرفين تتعاملين مع عصبيته ظروفه وتراكماته النفسية ملزومة تراعينها اكيد! بس مانتي ملزومة تتحملين نتائجها! لكن تتعاملين مع عيوبه صح وبالطريقة المناسبة ويطالك منه كل هذا بدون ادنى اذى منك؟! كلامي حاد اعتذر بس مقهورة عليك مرة اعيدي النظر بكل شي ملوكة الله يوفقك ويسخره لك

المشاركة الأصلية كتبت بواسطة راني ران مارديتي على اقتراحي اختي الله يسلمك ماتشوفين شر ﻻ انتي وﻻ ولدك

حبيبتي انتي ماطريت الطلاق.. ولو كان وارد بعقلك خليه اخر الحلول

اذا حسيتي نفسك مستنفذة ابدي فكري فيه..

ببيتك لك قيمتك وحرة وقراراتك لك... بس هل هو حكي نقوله ونعزي نفسنا فيه ونشوف نقيضه؟

استمري عزيزتي.. لكن ارجوك بقوة بقووة لانك راعية حق!

والعمر يركض وانتي بعدك.. تصرفي بذكاء ولاتجربين كثير

موضوع الرضاوات عن نفسي جدا مايقنعني.. يشترون الخواطر والكرامات بسفرة ومبلغ؟ تنبهرين وقتها واللي بالقلب يقعد بالقلب وتحترقين ونفسيتك تتعب لان الجرح مايبريه ماديات وانتي عارفة قصدي كويس لانك استوعبتي الصدمة بعد بفترة

بيتك حافظي عليه وحاربي عشانه بس لاتستهلكين نفسك... انتي انولدتي عزيزة وبنت رجال

لاتضيعين تعب نفسك واهلك فيك.. لانك تستاهلين الافضل

الانثى لما تبدا تذبل بعد كل التضحيات وتروح صحتها.. اول من يدعس عليها رجّالها!

الحد اللي تخافين توصلينه حطيه وارسميه براسك عشان الصور توضح لك.. والفرص اللي لمالا نهاية تضر وماتنفع

حطي نفسك اولوية دائما لانك ماراح تتحاسبين على شي هو يسويه.. انتي محاسبة على نفسك

ومرة ثانية اقولك صحتك صحتك صحتك لان ماحد بينفعك لاخسرتيها..

بالتوفيق والله ينولك السعادة اللي تتمنينها ويرزقك كل جميل ❤️

المشاركة الأصلية كتبت بواسطة ملكة الآحساآآس صارت امور خلال الساعات الماضية امور كثيرة خلاص انتهى كل شي الحمدلله على كل شي خرج قبل نحو نصف ساعه وانا ارتب اغراضي وباخذ المهم اقسم بالله رجولي ترجف وجسمي يالمني فقدت كل الامل والحلم ظلموني فيه ظلمني ابوي ظلمتني امي حسبي الله ونعم الوكييل مشواري ابتداء ماانتهى مااحد كاسر ظهري الا ولدي كلام كثير وشعور اكبر ومااعرف ووش اكتب ووش اقول اتمنى يحصل امر ما الان لزوجي ليعلم بظلمه لي