المشاركة الأصلية كتبت بواسطة #ملكة القلوب#

فجر اول حاجه انا لجين بس بمعرف ثاني
فجر انتي تقولين تعانين بضغوط عشان جذي فكرتي بالانتحار
بخبرج عني وشوفي لازم افكر مثلج او لا يعني انتحر وارتاح
انا يا فجر ما شفت أمي غير 4 مرات بحياتي كلها تعرفين شنو يعني بس 4 مرات بس يا فجر أمي قريبه مني وساكنه قريب بس ممنوع حتى مجرد تفكير اروح عندها فجر أنا كم مره أبكي ويكون ودي بحضنها وأطلع لها كل بخاطري بس ممنوع حتى أفكر بهذه الحاجه حاولت حاولت كم مره بس ما قدرت وحسيت واقتنعت أني أخسر أكثر

أنتي يا فجر أمج عندج وعشتي وياها وبحضنها حتى لو كانت قاسيه بس لما تشتاقين لحضنها وريحتها تقدرين تروحين لها ماحد يمنعج فجر الام نعمه لا تخلين حاجه بخاطرج عليها لانها لو ماتت بتكرهين عمرج وبتقولين كيف أنا كرهتها أو حتى زعلتها بكلمه

أنا رباني ابوي وما فكرت ولا مره ولا ثانيه حتى انه ممكن يخليني بروحي أبوي كان كل حاجه بحياتي أبوي حبيبي أبوي كان لما يحس أنه انا زعلانه او احد يغلط عليا كان ياخذ حقي وما ينتظرني اشتكي أبوي لليوم دموعي ما وقفت على فراقه لاني بعد ما راح حسيت أني ضعيفه وما أقدر أواجه أحد ولا ادافع عن نفسي

فجر أنتي تشتغلين وعندج راتب وبطاقتج الصراف وتطلعين وتشوفين طالباتج وربيعاتتج بدوام وتصرفين مثل ما تبين حتى لو شوي تحكم ريلج بس ما فكر ياخذ بطاقة الصراف منج بس حاول ينبهج وشوي وشوي

انا يا فجر بعد ما تزوجت بسنه تقريبا أخذ مني بطاقتي عقاب بس عشان عرف أني أعطي البشكاره البطاقه وتشتري لي حبوب مهدئه زعلت وحزت بخاطري بس ما فكرت وايد ويمكن لاني شفت ابوي ما زعل منه لما عرف وقال دامه موفر لج الي تحتاجينه خلاص فسكت ولحين يا فحر كل ورثي من أبوي باسمه ولا سويت مشاكل تعرفين ليش لاني حسبتها لو زعلت وتهاوشت ويا أعمامي وأخواني ماحد راح يسمعني وانا بالنهايه الي بتعب فقلت هو حاط لي بالببت بتجوري بيزات واذا احتجت اي حاجه هو يشتريها غصبن عنه وعشان ما اكذب عليه انا مب خايفه منه عارفته زين ما راح ياخذ خاجه من بيزاتي واذا مات بيرجعلي كل حاجه واذا مت انا عيالي بياخذونها صح عنده زوجه ثانيه بس مب خايفه منه

أنتي ريلج يحبج ودليل ما أفكر يتزوج عليج لانه بيكون كذاب لو قال احبج وتزوج غيرج يعني يا فجر لا تقولين تكرهينه لاني حسيت من كلامج انه وايد احسن عن ريلي
انا كل يوم حرمه وكل يوم مسافر ولحين لما رجع من سفر لانه كان برياض انصدمت أني حامل بس الحمدولله نزل بس شوفي تعبت كيف وهو وين مع حرمته ثانيه ويقولي أنا مسافر وياها عشان أرتاح يعني أنا ما هميته والله يا فجر البارحه كنت ابكي من الالم وتذكرت كلمه لامي قالت لها لي مره لما ترجيت ريلي يتصل عليها وكنت حزتها حامل بنتي غلا بشهر سابع كلمتها يا فجر وقلت لها يا يمه انا تعبانه تعرفين شنو قالت لي هذه حوبتي في ابوج الله وراه في أعز بناته
يا فجر بكيت وبكيت ولما اتذكر جملتها اقول انا شنو سويت لها أنا يمكن ربنا يعاقبني لحين بسببها بس خاله ييتا حبيبتي ريحتني وقالت ربنا ما يظلم أحد

فجر أنا بديت احفظ وقريب اخلص جزء عم هذه الحاجه الوحيده الي حصلت راحتي فيها حتى رسم تركته مع انه هوايتي لكن حسيت رسم هروب بس في وقتها وراحه بس شوي لكن لما بديت احفظ واقرا والله يا فجر راحه طول اليوم وصرت قويه

يا فجر لما فكرتي بالانتحار ما فكرتي بعيالج بتخلينهم لمين أنا فكرت بس لو تميت ضعيفه وتميت اشرب الخبوب عشان اتم راقده بخسر عيالي بحرم غلا من حضني بس كم ساعه كيف لو انتحرت ومت يعني جذي بحرمهم طول عمرهم وهم شنو ذنبهم

خليج يا فجر قويه عشانهم والله يا فجر مالهم ذنب هم في الي احنا فيه
مادري اذا بتفهمين كلامي او لا لانه مب مرتب بس والله العظيم لاني احبج قلت بكتب لج
اسفه اذا كان كلامي كثير اسفه