الطلاق صعب جدا للاطفال

يا أخي الكريم .. 3 ونص ترجع البيت مش متأخر كثير .. إنت كم توصل البيت ؟
انا أوصل البيت 3
إنت بنفسك تقول إنها في الفترة الأخيرة صارت تطلع بدون استئذان تعمدا لكي تقهرك .. فإنت لو شوي رخيت في موضوع الطلعات هي بتخفف منها .. أعتقد لو علاقتكم ببعض جيدة وغير متوترة كانت طبيعي كلمتك قبل ماتطلع ..
موضوع الاهمال بسبب التعب .. إذا عندكم خادمة يتسهل وضعكم ..
وإنت لا تدقق كثير ..
اجلسوا مع بعض وفكروا في مقترحات للتقليل من سلبيات عملها ..
والله حرام تنفضلون عشان وظيفة ..

اخوي الله يعينك ويفرج همك

اولا اخوي نصيحه لك اعمل جميع الحلول اللي ممكن تحل موضوعك مع زوجتك
عشان حتى لا قدار الله وقررت الانفصال يكون ضميرك مرتاح وعارف انك كل طريقه سويتها ولافاد عشان ماتلوم نفسك بعدين

اما بخصوص سؤالك
اخوي انا مطلق
واليوم كنت بالمحكمه وسألت الشيخ عن العيال والحضانه
قالي اذا اعمارهم اقل من سبعه الحضانه للام واكبر من سبعه للاب الا اذا اثبتت الام ان الاب غير صالح لتربية عياله يعني راعي مخدرات والا شراب الخ

اما بخصوص تأثر العيال طبيعي في البدايه راح يسالون عن امهم لكن مع تكثييف الدلع والطلعات والتمشي واللعاب يخف السؤال حتى يصير نادر ووضعهم يصير طبيعي

وعليكم السلام ورحمة الله وبركاته ..
بدل أن تسأل هداك الله عن تلك الأسئلة ، لا تتهرب من مشاكلك باللجؤء لآخر الحلول وهو الطلاق ..
بل واجه بحل المشكلة حتى لو مررت بمصاعب ..
ألا تستحق مميزات زوجك أن تغض التفكير عن ذلك ؟! وأطفالك ؟!
فهم في سن متعب جدا وسيؤثر علو نفسياتهم بشدة ومن المستحيل التعود على أمر الطلاق حتى بعد الكبر سيظل في داخلهم شيء مكسور لن يجبر ..
ماشاء الله عليك من خلال ردودك تستطيعي الحل ..
بالنسبة لأفتراقك عنها بالغرفة فهذا أسوأ الأمور ، انتبه جيدا ..
1/بماذا مقصرة بالضبط اكتبها على نقاط ؟!
2/هل حاولت التحدث إليها وماهي ردة فعلها وكيف كان حوارك معها وماهو موقفها ؟!
3/ هل أهلها يعرفون بأمر أنك متضايق من عملها ؟!
4/ مالذي جعلها تخرج من غير إذنك وماهي رك فعلك عندما تأتي ؟!
5/ تتوقع ماهي عيوبك التي جعلتها تصل إلى مرحلة بأنها غير مبالية بك ؟!
6/ماهي عيوبها ؟!
فجزاك الله خير على ذكر مميزاتها ، ففيك خير كثير ففكر بالإصلاح واجعل نيتك هذا الأمر أولا ..
أصلح الله حالكما .

حضانة الأولاد اذا كانوا أقل من سبعة أعوام للأم.....
أما لو كانوا في عمر السابعة أو فوقها اذا كانت بنت الحضانة للأب .... و الولد يخيير بين الأم أو الأب .....

طبعا اذا اثبتت الام ان الاب غير صالح للحضانة مثل الشرب والمخدرات او التعنييف وغيره فإن الحضانة تعطى للام حتى لمن هو فوق عمر السابعة .....


هذي الا اعرفه عن الحضانة ..... مشكلتكم عاديه ماتوصل للطلاق دخل أحد من أهلها يخليها تنقل غصب عنها قريب من البيت ... والطلعات بدون إذن كلم أبوها خلك حازم .... وارخي شوية لو كانت الطلعه للأقارب او غيره أما للسوق او التنزه لازم تستأذن قولها لو صار لكم شئ لا سمح الله وأنا ما ادري انتم وين ايش بيكون موقفي و مو حلوه في حقي اصلا تعتبريني جدار وتطلعي بكيفك بدون ما تعطيني خبر ...اتوقع ابوها ماراح يرضى بطلعاتها بدون إذن ...

اليوم سأل الشيخ
وماقال لا ولد ولابنت قالي اللي اقل من سبعه للام واللي اكبر من سبعه للاب

أنا سمعته في إذاعة القرآن من أحد القضاة ... ...

اعرف انه صعب لهذا احاول اتحاشاه لأجلهم

لكن مابيدي حيله الحل الوحيد هي ترضى بالوضع وتصبر الى ماربي يفرجها قد ينهار العقار ونشتري بسرعه وقد يرتفع ونتأخر زيادة امي انتقلت مع والدي العسكري لأكثر من 7 مدن وكلها لا يسكن بها اهلها وتركت الوظيفة لأجل ان تجمع شملنا معه

مع ان والدي ماكان يمانع عملها وهي استقالت من نفسها يمكن زمان اول غير والان وظيفة المرأه أمان لها ومصدر رزق في حال الطلاق لاسمح الله

نعم اختي الكريمة انا اطلع من دوامي 5 العصر واوصل البيت تقريبا 5 ونص موظف شركة

هي دائماً تعطيني خبر بخروجها والحمدلله عمري ماقلت لها لا الا مرتين او 3 مرات من 100 مرة المقصد نادرا ما اقول لا ويكون لأسباب

بالنسبة لموضوع الخادمة انا مستقدم لها خادمة لكنها لم تصل الى الآن مازالت الامور متعلقة بمكتب الاستقدام وهذا لحل مشكلة البيت وانها ترجع تعبانه والله يا اخوان ويا اخوات اني مراعي لهالموضوع

مثل ما انا ادور راحتي من مشاويرها ودني الشغل رجعني ودني السوق ودني لاهلي جبت سواق
طبيعي بجيب خادمة تريحها بالبيت والله على ما اقول شهيد اني ادفعها كامله مع ان بعض المحرضين قالوا انت خبل خلها تجيب من راتبها والله لم اسمع لهم وعيب اصلا اذلها تبين خدامه ادفعي خصوصا ان الله منعم علي براتب يعتبر جيد جدا مقارنه مع غيري

انا والله ما ادقق بس الطلعه عيب يعني شوية احترام وحشيمة لراعي البيت وانا اخر مره توعدتها من القهر قلت ياويلك تطلعين دون ما اقولك انا موافق رسايل مابي واتس اب وهالكلام مابي كلميني واكلمك افضل

وجلسنا والله وتكلمنا ودي ادخل ابوها بالسالفة بس طلاقنا اول بسبب تدخل اهلها

الله يعينك ويسدد خطاك ما اقدر انسيهم امهم خصوصا انه احتمال كبير يبقون معاها وانا اشوفهم يومين بالأسبوع وحتى لو حصل العكس بيشوفون امهم بإستمرار فمافيه مجال لكن بيتعودون واحتمال لهالشئ اضرار نفسية عليهم <<<< وهذا اللي مخوفني

حسب علمي الصبي بعمر 7 سنوات يخير بين ابيه وامه

وانا الحمدلله حتى دخان ما ادخن

بلى والله تستحق الالتغاضي عن كل شئ يا اخوان لا تتوقعون اني ابي الفكة منها لا
انا احبها هي اول امرأه دخلت حياتي وهي من وقفت معي في بداية حياتي ورضيت بالقليل حتى اصبح لدينا الكثير ما انكر فضلها
ولا اكفر بالعشرة انا ابي راحتها قبل راحتي ولا يهمني عيوبها مادام الاحترام متبادل فما يحتاج اكتب عيوبها لأن عيوبها لاتهم فأنا احبها بعيوبها اصلا ومن حقها علي اني اريحها بعد 8 سنوات صبر على راتب صغير علشاني كنت اشوفها محرومه من اشياء قلت لازم اكمل دراستي واتوظف وظيفة احسن والحمدلله رزقني الله ورزقها بهالوظيفة مع العلم ان راتبها كله لها

بس حاب اجاوب على سؤالك الرابع لأني لما رجعت مالقيتها بالبيت كلمتها وينك قالت انا طالعه اتقضى للبيت مباشرة جاوبتها مايحق لك تطلعين دون اذني اولا ولا من مسؤولياتك تجيبين اغراض للبيت ثانياً لاترجعين لبيت ماحشمتي راعيه ولا قدرتيه وصار بيننا نقاش طويل وهواش وتقول انا مرسلة لك بالواتس وانت مارديت ( انا حاظرها صراحة مابي اكلمها رسايل ) وفي هاليوم طلعت بعد ماهي رجعت مابي اواجهها وانا منفعل وهي منفعله ويطيح الفاس بالراس

لما رجعت لقيت البطانية والمخدة قدام باب غرفة النوم ونمت بغرفة العيال والى هاليوم وانا انام بغرفة العيال لا جا وقت النوم

بالنسبة للتحدث انا وهي نفتقر لفن الحوار امانه دايم الحوار يصير هواش حتى لو بنختار ستارة للمجلس نتهاوش عليها بعد ماكنا نتحاور على اللون والشكل

للأسف النقل غير ممكن لأنهم كانوا في اوقات تثبيت ومسميات وهي اختارت مو بس انا كلمتها ابوها وامها واخوها وامي كلنا قلنا لها بعيد عنك لكنها كانت مصره والحمدلله على كل حال والنقل غير ممكن تثبتت

الخروج دون اذن حالياً توقفت كل ما تبغى تطلع تعطيني خبر بس كلمه ورد غطاها

بنروح لاهلي - طيب روحوا بالسلامة وانتهى

عموماً حاب اوضح للجميع سبب رفضي الانتقال مو علشانها او علشان شئ اخر لاسمح الله عناد او بخل لا والله بس بحسبة رياضيات

انا ولله الحمد ساكن ببلاش في ملك الوالد الله يحفظة ويطول بعمره

والملحق ساكن فيه سواقي حسبتها حسبة بسيطة علشان شغلها كم مضطرين نصرف جلست معاها بالقلم والورقة وقلت لها نحسبها مع بعض

اجار دور جنب دوامك كم ؟؟ 42 ألف ريال سنوياً
اجار غرفة للسائق كم ؟؟ 18 ألف ريال سنوياً
راتب سواق 18 ألف ريال سنويا
راتب الخدامه 18 الف سنويا

المجموع 96 ألف ريال سنويا ً قلت انسي راتب السواق والخدامه لانهم موجودين حتى لو ما طلعنا اجار

المجموع 60 ألف ريال فقط تكلفنا سنوياً لأنك تبين تشتغلين قريب من دوامك

وراتبها 6 آلاف ريال ماتسوى هالشحططه واجار وانتقال ووووو

كيف بشتري بيت انا بهالحاله ؟؟ ولسى رسوم مدارس العيال 30 ألف ريال سنوياً
فانا فعلياً لو طلعنا بدفع مبلغ مو بسيط مع العلم ان راتبها لها بالكامل ما المس منه ريال

ابي اقنعها بنسيان الموضوع مايصير تخيير يا ننقل ياتدل درب المحكمة لو ماعندي عيال والله ماكملت كلمتها الا وانا مطلق

بس عيالي وانتي راضيه من اول فجاه تغيرتي من غيرك تقول ماحد غيرني ام فلان القديمة اللي ترضى بأي شئ خلاص بح انا كذا تبيني كذا ولا بسلامتك ماحد جابرك علي

مقهور قسم بالله ولا اعرف وش اسوي

اشيل فكرة الطلاق تصرفاتها تقهرني ارجعها في راسي من جديد

وش هالحاله بديت اشك بالوضع احد داخل براسها ولاعب فيه

هل فيه اقتراحات ؟؟

قبل شوي كلمني الولد وقال بيروحون لاهلها وننام هناك

قلت بالسلامه يابابا وسلم على ماما واخوك وقولهم انا احبكم قلت يمكن تحس مادري صح اللي سويته او غلط

اخاف تحسبه ضعف مني ماعاد اعرف افكر زين مع اني ادير انتاج فيه 135 موظف ماني قادر ادير بيتي وش هالحاله

أخي الكريم لا تطلق زوجتك
لأني حقيقة لا أراها مشكلة تستدعي الطلاق إطلاقا
ولكن أقترح عليك أن تتركها فترة في بيت أهلها بدون طلاق لتراجع حساباتها بهدوء .

قلت أن منزلكم بعيد عن مكان عملها ..
هل منزل أهلها يبعد نفس المسافة أم أقل ؟