يلا نقول بسم الله بحكم اني مهتم جدا بالحيوانات الاليفة وهندي ببغاء كاسكو روعة وقمة في التفكر في خل الله ما شاء الله تبارك الله وانصح حميع الناس من ذكور واناث ان يتملكو حيوانات اليفة وبالخصوص ببغاء لان هذا الطائر والله ونسة ويعطيك جو في البيت وفعلا ممكن تسير معاك قصة حب بينك وبينه وتوصل في مرحلة ان الببغاء يموت اذا ما شاف صاحبه الي يهتم فيه ويلعبه اكثر من شهر طائر وفي حبوب ومبدع في تقليد الاصوات بل احيانا يكون له قدرة على التخاطب مع البشر في حالة شدة الذكاء يقارن ذكاؤه بذكاء طفل في عمر 12 سنة اي انه يميز ويفرق ويحب ويكره ويغار ويمزح ويلعب

سؤالي هنا من من الاعضاء لديه حيوان اليف ؟؟؟؟

ممكن تذكرو لنا نوع الحيوان ومواصفاته واجمل قصة عشتها معاه

انا عندي خيل اول شيء اقتنيته من باب الرياضه لانه يشد الجسم ويزود اللياقه والتوازن من اقوى الرياضات ثم صار هوايه قريب انزل صور ، وعلى فكره الخيول ماصارت مكلفه ، وانسو الي اصيله ولها مواصفات وو ، فيه شي حلو مايزود عن 20 الف ، وبالنهايه اهم شي تتعلم الفروسيه الفرس حقي ب 20 الف وشكلها بتجيب لي مهره بالطريق
الي يشتري يشتري فرس مو حصان عشان يقدر يستفيد

ما شاء الله تبارك الله ممتازة الفروسية والله نفسي ومنى عيني اركب حصان لكن يا خويي الوضع عندي ما يساعد وزني 160 وغير كذا سمعت ان تربيتها مكلفة جدا من ناحية اللعف والامراض وغيرها من حصن ومستلزمات ؟؟

يسعدني شوفة ردودكم واتعرف علي الوجيه الطيبه ، انا حايس الدنيا مره اتكلم فصحي ومره فصحي وعامي قلت افضل اتكلم بلهجتي العاديه ، الله يحييكم
اخوي وحبيبي والله مافاتك شي ، تقدر تقول عمرك ؟
وكل مطرود ملحوق ، الي براسك تجيبه تجيبه يا حبيبنا

والله اعرف لك شخص من بيت كلهم اوزان عاليه ، ومن دخل الجامعه كان يمشي علي حميه وكان الاصغر ، ويسوي رياضه ، وكان والله العظيم يوقف سيارته برا الجامعه عشان يضطر يمشي مسافات ، تخيج الشب وجاب معدل وتزوج وسافر ابتعاث ونزل لنصل وزنه او اقل ، شوف بس الاراده وش تسوي ، اخوانه الكبار متزوجين وفي مدن اخري لكن دفعهم للاراده وكسر القيود ، لدرجة ان اخوه الكبير صار يمشي علي نفس المنوال وحقق انجاز وهو في الاربعينات ، الهمه ياصاحبي ، وتحب ارسلك جدولي الي امشي عليه او اقولك علي اكل مثل عجوه وعسل ، تساعدك وتسد جوعك ،

باذن الله افيدكم بمعلومات وتجارب لان صارلي 10 سنوات وانا علي نفس النظام من الاكل ،، ناظروا هذا الفيديو للشيخ سعيد بن مسفر حفظه الله واطال عمره علي الطاعه

هذا غذاء الشيخ من 20 سنه عمر الشبخ ماشاء الله تبارك الله 72 كحد اقل ،
صدقوني مافيه افضل من الغذاء الصحي النبوي لكن نستمر ،


http://m.youtube.com/watch?v=mvP4QGRKCs4

اي والله صدقت مافي احسن من غذاء نبي الامة صلى الله عليه وسلم وعموما انا الان الحمد لله سجلت في نادي وبادئ باذن الله في مشوار التخسيس