السلام عليكم و رحمة الله و بركاته

كنت بأكتب في قسم ساعدوني ، لكن صعب اكتب اسم أكثر من اثنين ..
و نفس الوقت ، ما أبغى ناس تدخل هنا و تجلس تحطم و تتفلسف .. لإني مو ناقصة بجد ..

.
.

أبغى أستشير أخواني و أخواتي بالمنتدى اللي يعرفوني ..
عن المرحلة القادمة من حياتي ..

( أعتقد إنه جاء الوقت المناسب إني أبدأ أستعد للدكتوراة بإذن الله + الغربة )
لكن خايفة ..

فعلاً أنا خايفة ..

.
.

مواضيعي الأخيرة ، كنت أحاول أفرغ الشحنات السلبية من داخلي حتى استعيد توازني و أرجع انظر للحياة بتفائل ..

.
.

محتارة ؟

اكمل دراستي فين ؟
أرجع للغربة من جديد .؟
أرجع للهجولة من جديد ؟

إيش الشي اللي فيه مصلحة لي و لأولادي ؟

أنا بمرحلة اتخاذ القرار ..
ساعدوني .. وجهوني ..

أوراقي جاهزة و الحمد لله ، و من حقي ارجع ادرس لغة لو بأسافر للخارج ..
لكن خايفة بجد من كل شي ..

لأول مرة أشعر إني فعلا ( خايفة ) ..

تنصحوني بالإشراف المشترك ؟
أو الإبتعاث و الإغتراب من جديد ؟

خايفة من إيش بالضبط يا روح ؟
ومين محرمك بالابتعاث ؟
الي في ذهني لازم مرافق ؟ ما أعرف لو مسموح لك بالسفر مع أولادك وحدك ؟
اكتبي مخاوفك ربما يسعادك هذا على تصور القادم بشكل دقيق
موفقة بإذن الله

__________________
## مهم ##
هل تتعرضين للابتزاز في الانترنت؟


هنا من ينقذك

شو يعني الإشراف المشترك؟

__________________


اللهم طِيبَ الأثر .. وحُسْنَ الرحيل.

اذا زوجك سافر معاكي محرم ... هل راح يفقد شعله وللا بيقدر يرجعله لما ترجعوا؟
شو راح يعمل هناك ؟

__________________

زواج واولاد ودراسه واغتراب صعبه جدا الله يعينك عليك بصلاة الاستخاره
هو ادرى وهو مدبر كل امورنا

__________________


ما أنا في الدنيا الأ كراكب أستظل تحت شجرة ثم راح وتركها

آفاق المجد ..

بعد ما كتبت الموضوع هذا ، سبحان الله بعد خمس دقايق يجيني اتصال ..
إنه مسموح لي بالإشراف المشترك و الحمد لله ، و الجامعة جاهزة و المشرفين جاهزين و متعاونين جدا ً ..
و عشان كذا ، كتبت الرد التاني ، كنت تويي مقفلة الجوال .. و السبل جدا متسهلة لي عشان اكمل بالإشراف المشترك
لكن ماني متشجعة ماعرف ليه ؟


.
.

و أنا خايفة ..

لإني الصراحة ..
و لأول مرة ( أعيش بإستقرار تاام ) و لله الحمد .. من بعد وفاة أبوي الله يرحمه ..
و قدرت إني أوفر الإستقرار و الأمان ( لأولادي ) .. و شايفة الشي هذا أمام عيوني و الحمد لله ..

وضعي مع زوجي ، وصل للحد هذا :
http://www.66n.com/forums/showpost.p...&postcount=696

.
.

أنا خايفة من ( غدر زوجي ) ..
و ( غدر الزمان و الأخوان و الأحباب ) ، لإني رجعت من الغربة و انصدمت كثير و عالجت نفسي بنفسي ..
و خايفة من إني أتعب لوحدي في الغربة ..

و لو بأغترب ، هو لازم يروح معايا .. لإنه لازم مرافق معايا ..
و أخواني ما يقدروا يروحوا معايا ..
و أولادي متعلقين في أبوهم ..

هو أبوهم صار يلعب معاهم ، و بدأ يتصاحب معاهم و يتقرب منهم ..
و يهتم باحتياجاتهم ..

.
.

لكن ضروري و اجباري أكمل الدكتوراة ..
وضعي الوظيفي حالياً غير مريح نفسياً .. و كل ما تأخرت ، كل ما كانت الأمور في شغلي ماهي في صالحي ابدا
و فرصتي هي الآن ( فقط ) ..

مهرة ..

حسب المعلومات اللي جمعتها و ماني متأكدة بالضبط منها ..

اشراف مشترك ، يعني قبول من جامعة بريطانية .. و مع مشرف في الجامعة هذيك ..
يشرف علي عن طريق المراسلة بالإيميل أو الإسكايبي .. و نفس الوقت يكون عندي مشرف هنا في السعودية
يتابع معايا و مع المشرف الخارجي الي في الجامعة البريطانية ..

و يحق لي إني أروح لبريطانيا في السنة مرة أو مرتين ( و اجلس هناك لمدة شهرين بالكثير )
لو أبغى أقابل المشرف الي هناك .. و على حساب جهة العمل ..

و ينزل لي راتب كامل هنا ..

.
.

كنت مخليته اخر الخيارات ، لإني اسمع إنه الدراسة برة ( أقوى و أفضل ) ..
لكن شايفة ظروفي كيف ..

و كنت أحلم إني أخلي أولادي يعيشوا و يتعلموا برة كم سنة ..
بس برضو أخاف من تأثير الغربة على أفكار أولادي ..

على فكرة

لما كتبت الموضوع و انتهيت منه

جاني اتصال انه فيه فرصة للاشراف المشترك
وقت كتبت الموضوع ما كان ببالي ابدا .. و كنت في حيرة و خوف من الغربة و الابتعاث من جديد

تتوقعوا انه خيرة من ربي !

نفس المداخلة السابقة