ومن الثانيه 4
اكبرهم 7 سنوات
اصغرهم سنه ونصف

ممكن عشان كذا مستغني عن اولادي

__________________
(سيدة الموقف)
لم ننساك ونسأل الله ان تكوني أنتي وأولادك بخير

شوفي طعن قلبي ..

انا زوجي يهتم في الولد الوسطاني و الصغير ..
لكن قاسي عالكبير و ما تحسيه يحبه مرة او يحن عليه

غالبا الرجل يجي مع اكبر اولاده مو مرررررة حنون

انا اخدت الدلع من أبوي الله يرحمه و هو ما كان مرررررة مع اخواني و اخواتي الكبار
مثل ما كان معاي مع اننا من ام وحدة و مافي غيرها

و اصغر اخواني برضو .. أبوي كان يدلعه أضعاف مضاعفة

كل ما كبر الرجال .. كل ما مشاعر الابوة عنده تصير أقوى و الله اعلم
لاني برضو شايفة كذا اخواني

مو معناها انه ما يحبهم لأنهم منك انت ..

.
.

اولادك أعمارهم ماهي في سن الحضانة ..
ممكن اقول لك ارجعي عشانهم .. و ضحححي بنفسك و باعصابك عشانهم ..
و اعطيك ردود مثالية و انا غير مقتنعة بها و لو مكانك ما راح أطبقها

لكن لو كنت مكانك و هذه اعمار أطفالي
ما ارجع له .. و استخيري

و شوفي ايش هي أولوياتك
انت موظفة و اولادك مصيرهم يكبروا و بنتك تتزوج و ولدك يتزوج و يشوف حياته
راح تعيشي مع زوجك لمتى و تعتبريه جماد !

ليه تدفني حالك بالحياة معاه !
لكن لا تجلسي معلقة كذا

يا ترجعي و تقبلي به و بالتغييرات هذه
او خليه ينتهي تماما من حياتك

يا بنت الحلال ...شعورج طبيعي من ناحية الطلاق لانه كسسسر.. وع فكره ان كان قاهرنج قبل الطلاق..تراج انتي قاهره عمرج بعده خلالاااااااص انسسسسسيه اف برايه يعيش ف نعيم هذا نصيبك وقسمتك وهو له حياته وقسمته ارضي بالواقع وفكي نفسج من كيف وليش

__________________

مشكوره روح الطير ربي يسعدك..آمين..
هي ماتوقفت ع المشاعر لو مايحبهم بس ع الاقل لايظلمهم ويعامل اللي هناك انو اولاده واولادي يهملهم صدقيني خلال الشهور اللي جلسته ممكن مرتين اخذهم مرا بالغلط
ومرا قريب...
اولادي ياروح مالهم اب ابدااا كأنهم ايتام ..
هالشي انا اشوفه فيهم بس الحمدلله بفضل من الله تجاوزوا الالم كثير احسن من اول ...الحمدلله..
اولوياتي ياروح
ان هالانسان يختفي من حياتي
ليته بعيد ولا اسمع عن حياته كلمه وحده...
روح انا انسانه لي مشاعر مو حجر ..
انا من الخارج لو تشوفيني تقولي ماشالله قويه وواثقه وماهمها ومبتسمه دائما اخرج بأستمرار واسولف عادي ولا اجيب طاريه ابدااا عن اي من كان..
لو تشوفيني بتقولي ماشالله هاذي عايشه حياتها ماهمها..وبتقولي يابختها كمان...
وكنت تمام الحمدلله اللين زيارته الاخيره ..
لما يكذب ويفتري عليا..
ترا انا ماسبيته ابدا عند احد من اقاربي ولا فتحت الموضوع ابدااا
ولما توصلني اخباره واشوفه عايش حياته للأسف ابدأ اقارن
انا اتمنى زوج لي يعفني بالحلال واتمنى لأولادي اب ..
احس بغبنه واتمنى هالشي ينزاح ويروح

__________________
(سيدة الموقف)
لم ننساك ونسأل الله ان تكوني أنتي وأولادك بخير

الله يسعدك ريمو..
بنساه والله بنساه بأذن لله ماراح استمر كذا
واثقه انها حتكون صفحه وتنطوي مع الايام..

__________________
(سيدة الموقف)
لم ننساك ونسأل الله ان تكوني أنتي وأولادك بخير

دام يعاملهم كذا
ليه متعلقين فيه

لاتجزعين ياطعن ..

حبيبك موجود ..حبيبك معك ويعرف الامك واحزانك ..
يرحمك اكثر من رحمة الام باطفالها ..

كل ماضاقت عليك اشكي له همومك واحزانك ..فضفضي له كل الم وكل هم يجتاحك

هو اولى بقلبك ..هو اولى بحبك ..هو اولى بتعلقك به
تعلقي به ياطعن ..


افعلي كل مايحبه .. تفاني بارضائه والبحث عن محبته
اتعبي علشان تحصلين على محبته
زي ماتعبتي علشان ترضين هالمخلوق ..الى ماجاك منه الى كل نكران للجميل ..

اتعبي لهذا الحبيب الى بتلقين نهاية تعبك رد للجميل واضعاف اضعافه ..

اتعبي علشان تحصلين حبه ..
واذا حصلتي حبه بتلقين السعادة الي مابعدها سعادة ..

ابحثي عن الطرق اللي توصل لمحبة الله لعبادة ..زي ماكنتي تبحثين عن الطرق اللي توصل لمحبة الزوج لزوجته

هم مو مرا متعلقين فيه..
لو مثلا اضمن انو مايطلع لهم ولا يسمعوا عنو شي
صدقيني ماراح يجيبوا خبره ..
وبجد اتمنى هالشي..
وبعدين هم حساسين ولما يشوفوا اولاد اخواني واخواني يتأثروا
مبتعثه هذا ابوهم يبغوا اب
هو معاهم هاملهم معاملته لما كنت معاه عاديه جداا وكان ع بالي انو هو طبعه كذا بس لما عاشرته مع اولاده الثانين عرفت انو غير شفت الاب اللي نسمع عنو معاهم..
وفسر وقتها بعد استفهاماتي
انو انا كافيتهم عاطفيا وحنونه ومحتويتهم من جميع النواحي حتى اهلي معايا
بعكس اولاده الثانين الي مالهم ع قولته غيره ..
يعني اذا مادلعهم مااحد بيدلعهم
اذا تعبوا مااحد بيسأل عنهم
اذا مالبسوا مااحد بيلبسهم
وكذا..

__________________
(سيدة الموقف)
لم ننساك ونسأل الله ان تكوني أنتي وأولادك بخير

ان شالله ياريماس مااكون من الجازعين اعوذ بالله
الله يغفر لي..

ريماس لما تعلقت بالله والدعاء يارب لك الحمدلله ارتحت كثير
بس زيارته هي اللي قلبتني وانا الله يهديني حساسه كثير
ان شالله بدوس ع قلبي وفكري وعقلي وزي ماتجي خليها تجي..
مايجي من الله الا كل خير
الحمدلله
اسأل الله ان يغفر لي ..

__________________
(سيدة الموقف)
لم ننساك ونسأل الله ان تكوني أنتي وأولادك بخير

لو طلبتي الكلاق بياخدهم تتوقعي

__________________

(انما يوفي الصابرون اجرهم بغير حساب )