والله انا صار لي شهور معلقه وشهور مطلقه وحبه بقلبي يزيد مايقل وكتبت كلام اكثر من هذا انا من النوع الذي يحب ان يكتب مايشعر به على دفتر ولقيت نفسي مشاعري قد زادت ربما اكون حاله نادره لكن قلبي لما يحب يخلص ويحب بكل مافيه ولايمكن اتخيل حياتي مع غيره
يارب يرده ردا جميلا

الله يرده لك اذا فيه خير
لكن كوني اقوى
والله انا نبي لك الخير
هزء اهلك وهاوشهم يعني ما حشمهم

لاتنسوني من صالح الدعاء يارب يجعل بكره لي بشاره وسعاده ويسمعني من الاخبار مايسرني ادعوا لي

شعوري مبعثر بين ذكريات جميله وبين واقع مجهول وبين طلاق وطلقتين وبفتره بسيطه
لكن قلبي لايقوى فراقه

اسال الله باسمه الجبار ان يجبر كسرج

فيه صوره شفتها تحكي الواقع تماما وهي مقارنة ما بين الرجل والمرأة اثناء الطلاق وبعد الطلاق بسنة وبعد الطلاق بعشر سنوات ويظهر في الصورة تطور حالة المراة من الاكتئاب والحزن الى الفرح والنسيان والرحل عكس ذلك

وهذا ما وجدته فيني وفي طليقي الاولي

المقصد ان الايام الحلوة جدامج انتي وانتي وبس

مابي اقولج انسيه لان صعب النسيان

ولا باقولج اشغلي وقتج لانج مهما اشتغلت وقتج بيبقى القلب مشغول فيه

اللي باقوله ان خليج قريبة من الله اكثري من التسبيح والتهليل والحمدلله تعالى


صدقيني بعد سنتين بالكثير من الان راح تصيرين وحدة ثانية تماماً

وحدة ما كأنها مرت بحالة حزن او انكسار

وكثير راح يستمدون قوتهم منج انتي

عشت نفس لحظاتج بالحرف الواحد

كنت باموت او راح اصير مينونة والله حتى الشتاء يذكرني بطليقي وحتى شهر رمضان يذكرني بطليقي وحتى غرفتي في بيت اهلي تذكرني فيه

كنت عشان انسى بس امشي وافتر بالسيارة بدون هدف لما ادوخ وارجع انام

ضعفت ما يقارب 10 كيلو وانا اساسا ضعيفة جدا صرت البس ملابس البنات المراهقات


كل هذا حزناً عليه وعلى فراقه

بس تأكدي ربي يجبر القلوب الكسيرة ربي عوضني باشياء ما كنت احلم فيها

ونفس الشي بطلاقي هذا امور كانت متعصلقة بالدوام انحلت بمجرد طلاقي منه احس هذا سلوى من الله لي


الحل

لا تتصلين عليه وخلي نفسج عزيزة وثقيلة وحبي نفسج

وتذكري ان هو الخسران وهو الملام وانتي ربي بيعوضج من حيث لا تحتسبين


اقولج شي

تدرين ان مكان عملي يعتبر نادر بالكويت وما اختاروني الا لشهادتي ولولا طلاقي جان ما درست يعني لولا طلاقي الاولي جان ما ترقيت ووصلت اللي انا فيه الحين

اللي الناس ودها فيه ومو حاصل لها


تأكدي وتأكدي وتأكدي اذا الله اغلق عليج باب بيفتح ابواب ( ابواب)

الحين ما عليج الا انج تنتظرين عطايا الله نعمه

ادري مهما تكلمنا وقلنا فكلامنا مؤقت مثل المخدر

بس اللي انا متأكدة منه واعتقد الكل بيأدني فيه ان أزمة وتعدي على خير

والدنيا مثل ما فيها حزن اكيد فيها فرح ... الحين انتي شفتي الحزن المطلوب منج تنتظرين الفرح

الله يجبر بقلبج يالغالية

ولو تبين اي شي احنا حاضرين لج

__________________
لا اله الا انت سبحانك اني كنت من الظالمين

الله يعينك و يطفي نار قلبك


اختي ترا مافي شي بالدنيا يسوى تعذبي نفسك عشانه
والي يبيعك مرة .... ارميه بلاش

........


على فرض اتصلتي ...
شنو بتقولين له ... وشنو ممكن تعملي حتى يرجعك

طيب شنو يكون موقفك لو اهانك و قلل من قيمتك او ............


مثل ما دل طريق بيتكم اول مرة ... لو لك نصيب معاه بيرجع ثاني مرة




كل ما يطري على بالك ....
ادعي الله و استغفري و سبحي

او شوفي وجهك وحالك بالمنظرة .... يستاهل انك تبكي عشانه ولا ... .


دعواتي لك من كل قلبي ان ربي يكتب لك الخير و يطفي نار قلبك

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

شكرا الله يجزاكم خير كلامكم فعلا واقعي اتفق وياكم فيه لكن قلبي مجروح حييييييييييييل

عطي لنفسك و قلبك الوقت الي يحتاجونه حتى يبرا جرحهم
لكن كوني واقعيه و ابقي على عقلك حكم لكل افكارك



من حقك تزعلي و تبكي و تتضايقي ... فترة فقط

لكن لا تتعلقي باوهام و لا ترخصي نفسك

ولا تضري حالك بشي ...... عيشي يومك بالتقرب من الله و بناء حياة افضل
ولو بالتفكير

وفترة و تعدي ......وبيدك انتي وحدك تحددي هالمدة كم بتكون

فلا تطولي بالعذاب ... ترا الدنيا ما توقف عند حد
ولا تنتظر حد



انفضي حزنك باقرب فرصة و مستقبل اجمل ان شاءالله بانتظارك


دعواتي لك وكلنا هنا اخواتك ... ان شاءالله بنكون معك حتى تتجاوزي هالفترة

__________________


سبحان الله و بحمده
عدد خلقه و رضى نفسه
و زنه عرشه و مداد كلماته

~♥¤♥¤♥¤♥~

يعني مافي امل انه يرجعني

ما تدرين لو الله كاتب لك واحد أحسن منه .
الله يوفقك .

__________________
قال ﷺ ( والذي نفس محمد بيده ما تواد اثنان ففُرق بينهما ؛ إلا بذنب يحدثه أحدهما ) .