إذن بناء على تصرفاتها السابقه ..
أنت من يحدد إن كانت تستحق عطفك أو توقف هذا الاستنزاف لأعصابك .

انت كيف عرفت انها تسأله بعد كل مكالمة ؟ هل ابنك هو الذي يوصل لك الكلام ؟
يا اخي اشوفك متعلق فيها و هذا حقك لانها ام اطفالك ، لكن خليك واقعي انت راجعتها اكثر من مرة و هي تلعب باعصابك ( ما بدي ارجع بس مش لازم ينساني و يشوف حياته ) عندك حلين لاااااا ثالث و هما :
اما تراجعها لآخر مرة و تكون واضح و تخبرها انك ناوي الزواج و بدك تحاول معها لآخر مرة لكي تلم الشمل و لو رفضت و شافت نفسها روح دورلك على بنت الحلال اللي تخاف الله فيك و في اطفالك
@@@ هل زوجتك تعاني من عين او سحر او اكتأب ؟ لأَنِّي استغرب كيف راضية الشحططة دي على نفسها و فيه راجل يمد لها إيديه

الوقت الحالي لا رجوع وانا عملت الي عليي وخلصنا
ودي اسمع رايكم في تصرفها الاخير
الف شكر

والله شي غريب ياخوي عبدالله صارلي فترة احاول افسر تصرفات طليقتك بس ماقدرت اوصل لاي تفسير منطقي للي قاعد يصير عندك بأمانه شي محير ولا الومك لو مكانك بجن يعني انت ما شاء الله عليك صالرلك مدة طووويلة وانت وراها عشان تلم الشمل وهي رافضه ومن ناحية ثانية ما مخليتنك فحالك دائمة السؤال عنك عن طريق اولادكم
ماعندك الا حل واحد قولها يا ترجعي بيتك معززة مكرمة يا تخلي عنك حركات الاسئلة للاولاد بابا شو قال وبابا شو يقول عني لأن هذا راح يأثر عليهم فنفسياتهم صدقني حتى انت بنفسك قلتها ان اولادك يميلو لك اكثر عن امهم وهذا الشي ما فصالحهم ولا فصالحها هي كأم .
جمع الله شملكم عل خير

ياخي صرت نفسك كل الي حولي ينصحوني بالزواج بس بأمانه عفت الزواج ولا لي نفس حق زواج ثاني كنت اليوم فزيارة لأبني وسبحان الله بدون تنسيق او تخطيط التقيت بطليقتي سلمت عليها واسألها عن اخبارها واخبار الولد ومن ضمن الكلام تقولي ليش ما تعيش حياتك قلتلها انا فيني قلب واحد ما قلبين وانتي ادرى انه هالقلب فيه انسان وانتي عارفه زين من هالانسان وستأذنت هي عاد انا جلست مع الولد ومع عمتي .

والسموحة ع الخروج عن الموضوع بس احس حالتي وحالتك قريبه من بعض نوعا ما مع بعض الفروقات البسيطة

كل ال قلته سويته من زمان وخلاص ما راح أسوي شي زياده
بالنسبه ل موضوعك بوجه لك سؤال مباشر. طليقتك حسستك انها ماتبي ترجع من اول يوم وشافت إلحاحك المستمر....السؤال
- ليش مو امها او الخدامه أهي الي طلعت الولد ؟
- اهي ماتبي ترجع وخلاص. شنو الهدف من سؤالك ليش ما تزوجت؟ انت عل طول ما صدقت وحسستها انك تبيها وتطمنت ومشت. ماكو وحده ترفض الرجوع تسأل هالنوعيه ( الحساسه ) من الاسئله خصوصا واهي عارفه انك تبيها.

من البدايه احس ان موضعنا متشابه بس الفرق اني سابقك بمسافه بالموضوع والدليل كل الي يصير معاك صار معاي من قبل وتحليلاتي كلها صحيحه من اول يوم كلمتك بالمنتدى

,والله ما ادري عن الهدف
بس ما اخفيك ماصدقت نفسي اني شفتها لاني صارلي زمان ما شفتها ولا كلمتها و وصلتلها هالرسالة انها بعدها فقلبي واريدها العقل عندي تعطل من شفتها وكلمتتها بقلبي ما بعقلي

في البدايات كنت نفسك هههههههههههههههه
شد وانا اخوك!!!!!

ما راح تنهي الشد والجذب الي بينكم

لك سنه في حرب بارده

وصل لولدك اقتراح انك تبي تتزوج

وشوف شو ردة فعلها

انت كذا لا طايل سما ولا قاع

__________________
وهل من مصير اخر ؟

هلا اختي
واقع الحال اني في شد منها ومستغربه ان مافي جذب مني ( كما في السابق )
كلش مو معطيها مجال ترى.
وتوصيلي مسج اني ابي اتزوج معناتها اني ابي اضغط عليها علشان ترجع وانا ما ابي
اضغط ولا ابي ارجع
وراسج يا اختي اني ثابت عل الارض ومرتاح والحمدلله

تحديث سريع
طليقتي اليوم سافرت مع اَهلها والأولاد معاي حاليا. بلغت الولد الكبير يقولي اجيك دفاتر وكتب اخوه الصغير وتفاجأت اب انه مهمل بالمدرسه وما يحل الواجبات و ما يحفظ الآيات القرآنية.
اتفهم ان اي ولد ممكن يعاند ويصير شقي وما يدرس بس الي ماني فاهمه ان الملاحظات صارلها اكثر من شهر وقديمه وكانت ساكته طول هالمده والحين قبل لا اتسافر اتطلع كل هالمشاكل.

اعتقد ان الاستفزاز في ازدياد وكنت احذر من هالشغلات لان الولد الصغير بالذات يعاني ودايما يبي بيكون عندي وما يبي يرجع عندها. اتوقع اهي تبيني أكلمها اب اي طريقه وخلت إهمال الولد عذر علشان اتصل بالاضافة انها لغاية امس تسأل " شنو قال أبوكم عني ؟ "

رايكم ؟