السفر فيه فرحة لك ولاطفالك .. لا تبخلي على نفسك ..
والعملية اذا كمالية يعني تقدرين تأجلين لحد ماتجمعين مبلغها مرة ثانية ..

انا وزوجي نشارك في السفر حسب الاستطاعة .. احيانا هو يدفع اكثر واحيانا بالتساوي .. وحدث وان دفعت انا اكثر .. اهم شي انا انبسط ..

عفا الله عنك يا أم الدانه وبارك فيك ..

لفت انتباهي اندفاع اكثر الردود والموضوع برأيي سهل جدا لو أخذنا الموضوع ببساطه وكلام حلو..

انتي تقولين انه كريم وطيب وحنون وما عليه كلام، إذن فهو يستاهل ان تساهمي معه حتى لو بنصف المبلغ أو اكثر، اقرأي رد أم الدانه جيدا وستعلمين انه مميز بين كل الردود، مريحه راسها ومسافره مبسوطه، اما ردك وجدالك معه فهذا قد يشحن النفوس ويزيد المراره وانتي في غنى عن ذلك، وزوجك يبدو لي انه مشحون بسبب وظيفتك وقد يكون لا يرغبها من الأساس..

عندما يكون الزوج كريم وحنون وقائم بمصاريف الزوجة حتى ولو كانت موظفة، فأنا اعتبره مثالي حتى ولو فعل فعلت زوجك، لاننا نرا في هذا الموقع العجب العجاب بل نرى زوجات غير موظفات ولا يصرف عليها زوجها ريال واحد، فانظري لزوجك اين هو بين هؤلاء..

اختي انتي تريد السفر للمتعه وهو يعتبر من الترف فلا تبخلي على نفسك وقد يرفض بعد ذلك أي سفره بحكم انها تزيد عليه الكلفه والأعباء المادية، فسوف يرفض مستقبلا ، انتي حسبيها صح وشوفي اللي يفيدك واستفيدي من ام الدانه..

هو غير ملزوم يسفرك اصلا ولا تأخذي الموضوع من باب انك اصبحتي موظفه وجالس يستغلك، فأرى انه يستحق وانتي اعلم بزوجك، أما بالنسبه للعمليه فهي أكيد من الكماليات بحكم كلامه واتوقع لو ضروره كان ما تركك وحيده..

اختي سافري وانبسطي ولا تتركي هالمواضيع التافهه تعكر صفو حياتك وتخرب الاجواء بينكم واتركي الردود التي تزيد الجفاء جانبا..

أما بالنسبه للأمور التي ملزم فيها شرعا فلا تتنازلي عن حقوقك أبدا وانا مؤيد لك في هذه النقطه وبقوة أما أمور الكماليات والسفريات فساهمي وانبسطي..

اتمنى منك تجلسي معه جلسة مصارحه وتفتحي معه الموضوع وتقولين له انت ما قصرت ابدا وانت كريم وطيب وحنون وووو وانا ما قصدي اردك بس كنت حاسبه حساب العملية بعد فتره اللي بسويها ولو ساهمت معك بالمبلغ اللي تقول ما راح اقدر اسويها، وصدقيني راح تمشي امورك وعمليتك اجليها شهر او شهرين زياده وتنحل المشكله..

وفقك الله

__________________
لا تسقني ماءَ الحياةَ بذلةٍ .. بل فاسقني بالعز كأسَ الحنظلِ
مـــاءُ الحيــاةِ بذلةٍ كجهنمٍ .. وجهنـــمٌ بالعـــز أطيــب منــزلِ

اخي الكريم:

زوجي أكثر واحد دعمني عشان اتوظف وراضي بوظيفتي ماعنده مشكلة
مشكور على كلامك الطيب جزاك الله خير

يشهد الله يا أم الدانة هذا تفكيري تماما، لأني أحب استمتع بحياتي
وسعادتي أشوفهم سعيدين.. وانا أصرف بكثرة على البيت وعلى طلعاتنا واكون في قمة الرضا
بس لما تكوني اصلا مجروحة من زوجك، وتجي تقولي مثلا باساهم ب 5 آلاف ؟ويقولك لا تدفعي 10 آلاف باسلوب جدا قاسي ومو مهذب !!!
وقتها غصب عنك تعيدي النظر مرة أخرى

يا عمري يا اشراقه..كمان باسلوب غير مهذب!!
مع انك عسل والادب يبين من حروفك الله يسعدك دنيا واخره
و5000 خير وبركه والعشره عليه هو الله يقويه

طيب والحل يا اشراقه..انتي تقولين صعب السفره تتكنسل؟

__________________
( والذاكرين الله كثيرا والذاكرات )
ادعوا الله ان يجعلكم من الذاكرين له..

ويسعدك حبيبتي يارب
أمس استخرت وقررت ادفع مبلغ اكثر من اللي عرضته وأقل من اللي عرضه وراح اتناقش معه لما أشوفه
مع اني متاكدة بيزعل بس حأجمد قلبي وما باتنازل

خير الأمور الوسط 👍
الله يسعدك يارب ويطمن قلبك 💐

__________________
تبغى النقل ومحدده عشر رغبات .......... متغربه عن بيت اهلها واهلها
ويارب من تطوي بعيد المسافات .......... أجبر بخاطرها وحقق أملها ...fg